Asebter amenzawi

ANP yettmahal yiwen n umgaru ‘’ur nelli d tujjurt’’ mgal rrebrab (Tasɣunt El-Djeich)

LEZZAYER – Igen aɣelnaw aɣerfan (ANP) yettmahal yiwen n umgaru ‘’ur nelli d tujjurt’’ mgal rrebrab ama deg wayen yerzan allalen neɣ tarrayin, i d-tenna tgejdit n tesɣunt El Djeich deg wuṭṭun n wayyur n ɣuct 2015, tenna-d daɣen yessefk leḥder ameqran d usegrew n tezmert-nneɣ akk. Igen aɣelnaw aɣerfan (ANP) yettmahal yiwen n umgaru ‘’ur nelli d tujjurt’’ mgal rrebrab ama deg wayen yerzan allalen neɣ tarrayin, aya yessefk fell-aɣ ad nḥader ugar, asegrew n tezmert-nneɣ d uḍfar n yilugan i d-tezzubet taɣult-a’’, i d-tura tesɣunt.

‘’I lmend n waya, yessefk ad nesmekti belli anɣa i d-yeḍran deg Ɛin Defla i xedmen waggayen n ineqqen ur yezmir ad yeffer tiyitwin i yuɣen waggayen n rrebrab’’, i d-yura deg tesɣunt, tesmekta-d belli, deg sḍis n wayyuren yezrin, ugar n 100 irebraben ttwanɣan d waṭas n yimrigen i d-sgerwen.

Ɣef wakken tettwali tesɣunt El-Djeich, taxazabit n Ɛin Defla ‘’ur tezmir ad terreẓ aguccel n ANP neɣ beɣɣu-s akken ad ikemmel amennuɣ d uṣeyyed n yirebraben anda bɣun ilin, aya irennu-d tarmit i yiferdisen n yigen.