ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ « ⵜⴻⵙⵙⴰⵥⴻⵔ ⵙ ⵍⴵⴻⵀⴷ ⴷ ⴰⵎⴻⵇⵔⴰⵏ ⵎⵍⵉⵃ » ⵜⵉⵅⴰⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⵏ ⵏⵉⵊⵉⵔⵢⴰ ⴷ ⵜⴰⵢⵍⴰⵏⴷ
ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⵜⴻⵙⵙⴰⵥⴻⵔ « ⵙ ⵍⴵⴻⵀⴷ ⴰⵎⴻⵇⵔⴰⵏ ⵎⵍⵉⵃ » ⵜⵉⵅⴰⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵏⵉⵊⵉⵔⵢⴰ ⴷ ⵜⴰⵢⵍⴰⵏⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ « ⴰⴷ ⵢⴻⵡⵍⵉⵡⴻⵍ ⵓⴳⴰⵔ » ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⴹⴹⵓⵔⴼⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷⴻⴳ ⵢⵉⵡⴻⵏ ⵏ ⵓⵍⵖⵓ.
« ⵜⴰⵍⴰⴼⵙⴰ ⵜⴰⵔⴻⴱⵔⴰⴱⵜ ⵜⵓⵃⵇⵉⵔⵜ, ⵓⵔ ⵢⴻⵙⵄⵉⵏ ⵕⵕⴻⵃⵎⴰ, ⵎⴰⵣⴰⵍ ⵍⴰ ⵜⴻⴽⴽⴰⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ ⵢⴻⵔⵏⴰ ⵓⵔ ⵜⴻⵄⵜⵉⵇ ⵓⵍⴰ ⴷ ⵢⵉⵡⴻⵏ ⵏ ⵓⵎⴻⵏⵥⴰⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ. « ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵎⴻⵣⴷⴰⵖⴻⵏ ⵏ ⵜⵓⴷⴷⴰⵔ ⵜⵓⴱⵄⵉⴷⵉⵏ ⵏ ⵢⵉⵡⴰⵏⴰⴽⴻⵏ ⵏ ⴱⵧⵔⵏⵧ ⴷ ⵢⵧⴱⴻ ⴷⴻⴳ ⵏⵉⵊⵉⵔⵢⴰ ⵢⴻⵙⵙⵓⴽⴽ ⴼⴻⵍⵍ-ⴰⵙⴻⵏ ⵜⴻⴳⵔⴰⵡⵜ ⵏ ⴱⵧⴽⵧ ⵀⴰⵔⴰⵎ ⵍⴱⴰⵟⴻⵍ ⴷ ⴰⵎⴻⵇⵔⴰⵏ ⵉⵎⵉ ⴰⵢ ⵜⴻⵎⵎⴻⵖ ⵖⴻⴼ ⵢⵉⵎⴻⵣⴷⴰⵖⴻⵏ ⵏ ⵜⵓⴷⴷⴰⵔ-ⴰ ⵢⴻⵔⵏⴰ 150 ⵙⴻⴳ-ⵙⴻⵏ ⴰⵢ ⵉⵖⴻⵔⵇⴻⵏ ⴷⴻⴳ ⵡⴰⵙⵉⴼ ⵏⴻⵖ ⵜⵜⵡⴻⵏⵖⴻⵏ ⵎⵉ ⵍⵍⴰⵏ ⵔⴻⵡⵡⵍⴻⵏ ⵖⴻⴼ ⵜⵓⵎⵎⵖⴰ-ⴰ ⵜⴰⵔⴻⴱⵔⴰⴱⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⵎⴰ ⴷⴻⴳ ⵜⴰⵢⵍⴰⵏⴷ, ⵢⴻⵍⵍⴰ-ⴷ ⵓⵟⵟⴻⵔⴹⴻⵇ ⵉⴵⴻⵀⴷⴻⵏ ⴰⵢ ⵢⴻⵏⵖⴰⵏ ⴰⵣⴰⵍ ⵏ 20 ⵏ ⵎⴻⴷⴷⴻⵏ ⵢⴻⵔⵏⴰ ⵢⴻⵊⵔⴻⵃ 140 ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴽⴻⵎⵎⴻⵍ ⵓⵍⵖⵓ-ⵏⵏⵉ.
« ⵙⴷⴰⵜ ⵜⵏⴻⴳⵣⴰⵔⵜ ⴰⵎ ⵜⴰ ⴰⵢ ⴳⴰⵏ ⵡⵉⴷ ⵓⵔ ⵢⴻⵜⵜⵇⴰⴷⴰⵔⴻⵏ ⴷⴷⵉⵏ ⵡⴰⵍⴰ ⵍⵇⴰⵏⵓⵏ ⵢⴻⵔⵏⴰ ⵓⵔ ⵙⵄⵉⵏ ⴰⵛⴻⵎⵎⴰ ⵙⴻⴳ ⵕⵕⴻⵃⵎⴰ ⵏ ⵢⵉⵎⴷⴰⵏⴻⵏ, ⵍⴻⵣⵣⴰⵢⴻⵔ ⵜⴻⴱⴷⴻⴷ ⵙ ⵍⴵⴻⵀⴷ ⵖⴻⵔ ⵢⵉⴷⵉⵙ ⵏ ⵢⵉⵏⴰⴱⴰⴹⴻⵏ ⴷ ⵢⵉⵖⴻⵔⴼⴰⵏ ⵏ ⵏⵉⵊⵉⵔⵢⴰ ⴷ ⵜⴰⵢⵍⴰⵏⴷ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⴰⵥⴻⵔ ⵙ ⵍⴵⴻⵀⴷ ⴷ ⴰⵎⴻⵇⵔⴰⵏ ⵎⵍⵉⵃ ⵜⴰⴽⵔⵉⴹⵜ ⵜⴰⵎⴻⴹⴹⴰⵔⴼⵓⵜ ⴷ ⵜⵔⴻⴱⵔⴰⴱⵜ ⴰⵢ ⴷ-ⵢⴻⵖⵍⵉⵏ ⵖⴻⴼ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⵍⴻⵣⵣⴰⵢⴻⵔ « ⵜⴻⵙⵙⴻⵏⴼⴰⵍⴰⵢ-ⴷ ⵜⵉⴽⴽⴻⵍⵜ ⵏⵉⴹⴻⵏ ⴰⵄⴻⵡⵡⴻⵍ-ⵏⵏⴻⵙ ⵉ ⵢⵉⵎⴻⵏⵖⵉ, ⴷⴻⴳ ⵓⴽⴰⵜⴰⵔ ⵏ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵎⴳⴰⵍ ⵔⵔⴻⴱⵔⴰⴱ ⴰⵢ ⵢⴻⵜⵜⴻⴳⴳⵣⴻⵏ ⵙ ⵜⵉⴷⴻⵜ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵜⵉⴳⵔⴰⵖⵍⴰⵏⵉⵏ ⵢⴻⵔⵏⴰ ⵢⴻⴱⵖⴰ ⴰⴷ ⵢⴻⵙⵡⴰⵖ ⵍⵍⵙⵉⵙⴰⵏ ⵏ ⵜⵎⵓⵔⴰ-ⴰ ⴰⵢ ⵉⵃⵓⵣⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
« ⵜⴻⴳⴳⴰⵔ-ⴷ ⴷⴰⵖ ⵍⴻⵣⵣⴰⵢⴻⵔ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⵅⴷⴻⵎ ⵙ ⵜⵉⴷⴻⵜ ⵉ ⵍⵎⴻⵏⴷ ⵏ ⵓⵙⵙⴻⵡⵍⵉⵡⴻⵍ ⵏ ⵜⵜⴰⵡⵉⵍⴰⵜ ⴷⴻⴳ ⵓⴽⴰⵜⴰⵔ ⵏ ⵍⵇⴰⵏⵓⵏ ⵉ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⴰⵙⵙⴻⵖⵙⵉ ⵏ ⵜⵎⴻⵙ ⵏ ⵍⴱⴰⵟⴻⵍ ⴰⵢ ⵉⵃⵓⵣⴰⵏ ⵉⵎⴻⵣⴷⴰⵖⴻⵏ-ⴰ ⴰⵢ ⵢⴻⵜⵜⴻⵡⵜⴻⵏ ⴷ ⵓⵃⴱⴰⵙ ⵏ ⵜⴻⵊⵔⵉⵎⵉⵏ ⵏ ⵜⴻⴳⵔⴰⵡⵉⵏ ⵏ ⵢⵉⵔⴻⴱⵔⴰⴱⴻⵏ ⴰⵏⴷⴰ ⴱⵖⵓⵏ ⵉⵍⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⵍⴻⵣⵣⴰⵢⴻⵔ ⵎⴰⵣⴰⵍ-ⵉⵜⵜ ⵜⴻⴹⴹⴻⴼ ⴷⴻⴳ ⵍⵄⵓⵀⵓⴷ-ⵏⵏⴻⵙ ⵉⵎⵏⴰⴹⴰⵏⴻⵏ ⴷ ⵢⵉⴳⵔⴰⵖⵍⴰⵏⴻⵏ, ⵢⴻⵔⵏⴰ ⴰⴷ ⵜⴻⵇⵇⵉⵎ ⴷⵉⵎⴰ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵢⵉⵖⴻⵔⴼⴰⵏ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵍⵖⵓ-ⵏⵏⵉ.
