ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⴳⵎⵉ : ⵙⴻⵍⵍⴰⵍ ⵢⴻⵖⵔⴰ-ⴷ ⴰⴽⴽⴻⵏ ⵓⵔ ⴷ ⵢⴻⵜⵜⵉⵍⵉ ⴰⵔⴰ ⵓⵙⴻⵅⵍⴻⴹ ⴳⴰⵔ ⵉⵙⵓⵎⴰⵔ ⵏ ⵢⵉⵡⴻⵜ ⵏ ⵜⴻⵙⵎⵉⵍⵜ ⵏ ⵢⵉⵎⴰⵣⵣⴰⵢⴻⵏ ⴷ ⵢⵉⵖⵜⴰⵙⴻⵏ ⵏ ⵓⵡⴰⵏⴻⴽ
ⵇⵚⴻⵏⵟⵉⵏⴰ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵇⵚⴻⵏⵟⵉⵏⴰ ⴱⴻⵍⵍⵉ ⵜⵓⵜⵍⴰⵢⵜ ⵜⴰⵄⵔⴰⴱⵜ ‘’ⴷ ⵜⴰⵡⴻⵍⵀⴰ ⵜⴰⵎⴻⵏⴹⴰⵡⴰⵏⵜ, ⴷ ⴰⵎⴻⵏⵣⴰⵢ ⵉⵖⴻⴼ ⵢⴻⴳⵣⴻⵎ ⵡⴰⵡⴰⵍ ⵉ ⵍⴻⴱⴷⴰ’’ ⵢⴻⵖⵔⴰ-ⴷ ⴰⴽⴽⴻⵏ ’’ⵓⵔ ⵏⴻⵙⵙⴻⵅⵍⴰⴹ ⴰⵔⴰ ⴳⴰⵔ ⵉⵙⵓⵎⴰⵔⵙ ⵏ ⵢⵉⵡⴻⵜ ⵏ ⵜⴻⵙⵎⵉⵍⵜ ⵏ ⵢⵉⵎⵙⴻⵏⵙⴻⴳⵎⵉⵢⴻⵏ ⴷ ⵢⵉⵙⴻⵍⵎⴰⴷⴻⵏ ⴷ ⵢⵉⵖⵜⴰⵙⴻⵏ ⵏ ⵓⵡⴰⵏⴻⴽ’’.
‘’ⵜⵓⵜⵍⴰⵢⵜ ⵜⴰⵄⵔⴰⴱⵜ ⴷ ⵢⵉⵡⴻⵜ ⵏ ⵜⵡⴻⵍⵀⴰ ⵜⴰⵎⴻⵏⴹⴰⵡⴰⵏⵜ, ⵏ ⵜⵖⴻⵔⵎⴰ ⴷ ⵢⵉⴷⵍⴻⵙ, ⴷ ⴰⵎⴻⵏⵣⴰⵢ ⵉⵖⴻⴼ ⵢⴻⴳⵣⴻⵎ ⵡⴰⵡⴰⵍ ⵉ ⵍⴻⴱⴷⴰ, ⴰⵎⵜⴰⵎⴰⵣⵉⵖⵜ ⴷⴰⵖⴻⵏ ⵉ ⵢⴻⵙⵙⴻⴼⴽ ⴼⴻⵍⵍ-ⴰⵖ ⴰⴷ ⵜⵜ-ⵏⴻⵙⵏⴻⴼⵍⵉ, ⴰⴷ ⵜⵜ-ⵏⴻⵙⵎⴰⵜⵓ ⴷⴻⴳ ⵓⴽⴰⵜⴰⵔ ⵏ ⵓⵃⵔⴰⵣ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ’’, ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵉ ⵉⴳⴰⵏ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵇⵚⴻⵏⵟⵉⵏⴰ.
« ⵍⵅⴻⵜⵢⴰⵔ-ⴰ ⴷ ⵉⵍⴻⵍⵍⵉ ⵢⴻⵔⵙ ⴷⴻⴳ ⵢⵉⵡⴻⵏ ⵏ ⵓⴽⴰⵜⴰⵔ ⵏ ⵢⵉⵎⴻⵏⵣⴰⵢⴻⵏ ⵉⵎⴻⵏⴹⴰⵡⴰⵏⴻⵏ ⵉⴷⴻⴳ ⵜⴰⵎⴰⴳⵉⵜ ⴷ ⵜⵓⴷⴻⵎⵎⵉⵜ ⵜⴰⵖⴻⵍⵏⴰⵡⵜ ⵢⴻⴳⵣⴻⵎ ⴼⴻⵍⵍ-ⴰⵙⴻⵏ ⵡⴰⵡⴰⵍ ⵉ ⵍⴻⴱⴷⴰ », ⵉ ⵢⴻⵔⵏⴰ ⵢⴻⵏⵏⴰ-ⴷ.
ⵎⴰⵙⵙ ⵙⴻⵍⵍⴰⵍ ⵢⴻⵙⵎⴻⴽⵜⵉ-ⴷ ⴱⴻⵍⵍⵉ ‘’ⴰⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⴱⴰⵏ ⴷⴻⴳ ⵓⵃⵔⵉⵛ-ⴰ, ⵜⵓⵖⴷⴰⴹⵜ ⵏ ⵓⵏⴰⴱⴰⴹ ⴷ ⴰⵙⴻⴷⴷⵓ-ⵙ, ⴰⵎ ⵡⴰⴽⴽⴻⵏ ⵉ ⴷ-ⵢⴻⵔⵙ ⴷⴻⴳ ⵓⵖⴰⵡⴰⵙ-ⵉⵙ ⵏ ⵜⵉⴳⴰⵡⵜ, ⴷ ⵜⵄⴻⵙⵙⴰⵙⵜ ⵏ ⵓⵖⴻⵔⴱⴰⵣ ⴰⵣⵣⴰⵢⵔⵉ ⴰⴽⴽⴻⵏ ⴰⴷ ⵏⵃⴰⵔⴻⴱ ⵖⴻⴼ ⵍⵙⵉⵙⴰⵏ-ⵉⵙ’’.
‘’ⴹⴻⴼⵔⴻⵖ ⴰⴽⴽⴻⵏ ⵢⴻⵇⵡⴻⵎ ⴰⵙⴽⴰⵙⵉ ⵢⴻⵔⵣⴰⵏ ⴰⵙⴰⵔⴰⴳ ⴰⵖⴻⵍⵏⴰⵡ ⵏ ⵓⵙⴻⴽⵜⴰⵣⴰⵍ ⵏ ⵓⵏⴰⴳⵔⴰⵡ ⴰⵙⴻⴳⵎⴰⵏ, ⴷ ⴰⵢⴻⵏ ⵢⴻⵙⵙⴻⴼⵔⴰⵃⴻⵏ ⴰⵛⴽⵓ ⴰⵢⴰ ⴷ ⵜⴰⵖⴰⵡⵙⴰ ⴰⵔⴰ ⴷ-ⵢⴰⵡⵉⵏ ⴽⵔⴰ ⵉ ⵜⵏⴻⴼⵍⵉⵜ ⵏ ⵓⵖⴻⵔⴱⴰⵣ ⴷ ⵓⵏⴰⴳⵔⴰⵡ ⴰⵙⵏⴻⴳⵎⴰⵏ’’, ⵉ ⴷ-ⵢⴻⵙⵎⴻⴽⵜⴰ ⴷⴰⵖⴻⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵙ ⵓⵃⴻⵜⵜⴻⵜ ⴱⴻⵍⵍⵉ ‘’ⵓⵔ ⵢⴻⵍⵍⵉ ⴷⴻⴳ ⵏⵏⴼⴻⵄ ⵏ ⵢⵉⵡⴻⵏ ⴰⵙⴻⵎⵔⴻⵙ ⵏ ⵓⵙⴽⴰⵙⵉ ⴷⴻⴳ ⵢⵉⵙⵡⵉ ⴰⵙⴻⵔⵜⴰⵏ ⴷ ⵓⵙⵓⴼⴻⵖ-ⵉⵙ ⵙⴻⴳ ⵓⵜⵜⴰⵍ ⴰⵙⴻⴳⵎⴰⵏ ⴷ ⵓⴷⴻⵍⵙⴰⵏ’’.
ⵢⴻⵖⵔⴰ ⵉ ⵡⵉ ⴷ ⵡⵉⵢⴰⴹ ⴰⴽⴽⴻⵏ ‘’ⵓⵔ ⵙⵙⴻⵅⵍⴰⴹⴻⵏ ⴰⵔⴰ ⴳⴰⵔ ⵢⵉⵙⵓⵎⴰⵔ ⵉ ⴷ-ⵜⴻⴼⴽⴰ ⵜⴻⵙⵎⵉⵍⵜ ⵏ ⵢⵉⵎⵙⴻⵏⵙⴻⴳⵎⵉⵢⴻⵏ ⴷ ⵢⵉⵙⴻⵍⵎⴰⴷⴻⵏ ⴷ ⵓⵖⵜⴰⵙ ⵏ ⵓⵡⴰⵏⴻⴽ ⴰⵣⵣⴰⵢⵔⵉ ⴷⴻⴳ ⵓⴽⴰⵜⴰⵔ ⵏ ⵓⴽⴻⵎⵎⴻⵍ ⵏ ⵜⵙⴻⵎⵎⴻⵙⴽⴻⵍⵜ ⵏ ⵓⵏⴰⴳⵔⴰⵡ ⴰⵙⴻⴳⵎⴰⵏ ⵉ ⵢⴻⵛⵜⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⵉ ⵉⵙⴻⵔⵙ ⴷⴻⴳ ⵓⵙⴻⴳⴳⴰⵙ 2000 ⵜⴰⵙⵎⵉⵍⵜ ⵜⴰⵖⴻⵍⵏⴰⵡⵜ ⵏ ⵜⵙⴻⵎⵎⴻⵙⴽⴻⵍⵜ ⵏ ⵓⵏⴰⴳⵔⴰⵡ ⴰⵙⴻⴳⵎⴰⵏ’’.
ⵉⵙⵓⵎⴰⵔ ⵉ ⴷ-ⵢⴻⴽⴽⴰⵏ ⵙⴻⴳ ⵓⵙⴰⵔⴰⴳ ‘’ⴰⴷ ⵜⴻⵏ-ⵏⴻⵙⵙⴻⴽⵢⴻⴷ ⵙ ⵜⴻⵍⵇⴻⵢ ⴰⴽⴽⴻⵏ ⴰⴷ ⵏⴻⴷⴷⴻⵎ ⴰⴽⴽ ⴰⵢⴻⵏ ⵉⵚⴻⵍⵃⴻⵏ ⵉ ⵍⴼⴰⵢⴷⴰ ⵏ ⵜⵡⴰⵛⵓⵍⵜ ⵜⴰⵙⴻⴳⵎⴰⵏⵜ’’, ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ’’ⵎⴰ ⵢⴻⵍⵍⴰ ⵜⵓⵜⵍⴰⵢⵜ ⵜⴰⵖⵔⴰⴱⵜ ⴷ ⴰⴼⴻⵛⴽⵓ ⵏ ⵍⵙⴰⵙ ⵏ ⵓⵙⴻⵍⵎⴻⴷ ⴷⴻⴳ ⵓⵖⴻⵔⴱⴰⵣ ⴰⵣⵣⴰⵢⵔⵉ ⴰⵢⴰ ⵓⵍⴰⵛ ⴰⵛⵓ ⴰⵔⴰ ⴰⵙ-ⵢⴻⴽⴽⵙⴻⵏ ⵉ ⵜⵏⴻⴳⴳⴰⵔⵓⵜ-ⴰ ⴰⴷ ⵜⴻⵍⴷⵉ ⵖⴻⵔ ⴰⴽⴽ ⵜⵓⵜⵍⴰⵢⵉⵏ ⵢⴻⴷⵔⴻⵏ ⴰⴽⴽⴻⵏ ⴰⴷ ⵜⴰⵡⵉ ⵜⵓⵙⵙⵏⴰ ⴷ ⵜⴻⵙⵏⴻⵜⵡⵉⵍⵜ.
