Asebter amenzawi
Asegmi : Sellal yeɣra-d akken ur d yettili ara usexleḍ gar isumar n yiwet n tesmilt n yimazzayen d yiɣtasen n Uwanek
QṢENṬINA – Aneɣlaf Amezwaru Abdelmalek Sellal, yenna-d ass n lexmis deg Qṣenṭina belli tutlayt taɛrabt ‘’d tawelha tamenḍawant, d amenzay iɣef yegzem wawal i lebda’’ yeɣra-d akken ’’ur nessexlaḍ ara gar isumars n yiwet n tesmilt n yimsensegmiyen d yiselmaden d yiɣtasen n Uwanek’’.
‘’Tutlayt taɛrabt d yiwet n twelha tamenḍawant, n tɣerma d yidles, d amenzay iɣef yegzem wawal i lebda, amTamaziɣt daɣen i yessefk fell-aɣ ad tt-nesnefli, ad tt-nesmatu deg ukatar n uḥraz n tdukli taɣelnawt’’, i d-yenna uneɣlaf Amezwaru i igan yiwet n tirzi n umahil ɣer Qṣenṭina.
« Lxetyar-a d ilelli yers deg yiwen n ukatar n yimenzayen imenḍawanen ideg tamagit d tudemmit taɣelnawt yegzem fell-asen wawal i lebda », i yerna yenna-d.
Mass Sellal yesmekti-d belli ‘’Ahil n uselway n Tegduda iban deg uḥric-a, tuɣdaḍt n unabaḍ d aseddu-s, am wakken i d-yers deg uɣawas-is n tigawt, d tɛessast n uɣerbaz azzayri akken ad nḥareb ɣef lsisan-is’’.
‘’Ḍefreɣ akken yeqwem askasi yerzan asarag aɣelnaw n usektazal n unagraw asegman, d ayen yessefraḥen acku aya d taɣawsa ara d-yawin kra i tneflit n uɣerbaz d unagraw asnegman’’, i d-yesmekta daɣen uneɣlaf Amezwaru s uḥettet belli ‘’ur yelli deg nnfeɛ n yiwen asemres n uskasi deg yiswi asertan d usufeɣ-is seg uttal asegman d udelsan’’.
Yeɣra i wi d wiyaḍ akken ‘’ur ssexlaḍen ara gar yisumar i d-tefka tesmilt n yimsensegmiyen d yiselmaden d uɣtas n Uwanek azzayri deg ukatar n ukemmel n tsemmeskelt n unagraw asegman i yectel uselway n Tegduda mi isers deg useggas 2000 tasmilt taɣelnawt n tsemmeskelt n unagraw asegman’’.
Isumar i d-yekkan seg usarag ‘’ad ten-nessekyed s telqey akken ad neddem akk ayen iṣelḥen i lfayda n twacult tasegmant’’, i d-yenna uneɣlaf Amezwaru.
Deg taggara, Mass Sellal yenna-d ’’ma yella tutlayt taɣrabt d afecku n lsas n uselmed deg uɣerbaz azzayri aya ulac acu ara as-yekksen i tneggarut-a ad teldi ɣer akk tutlayin yedren akken ad tawi tussna d tesnetwilt.
