Asebter amenzawi

Aselway Bouteflika yeɣra-d izzayriyen akken ‘’ad bedden mgal wid akk i yebɣan ad wwten arkad n tmurt’’

QṢENṬINA – Aselway n Teagduda, Abdelaziz Bouteflika, yefka-d tiɣri ass n lexmis deg Qṣenṭina izzayriyen akken ‘’ad bedden mgal wid akk i yebɣan ad wwten arkad n tmurt akken ad tt-gren deg liḥala n wissen’’.

‘’Ad cireɣ yiwet n teɣri i tarwa n tmurt-nneɣ akken ad dduklen, ad bedden mgal wid akk yebɣan ad sembiwlen arkad-is akken ad tt-gren deg liḥala n wissen’’, i d-yenna uselway Bouteflika deg yiwen n yizen i uɣlan, i lmend n usfugel n Wass aɣelnaw n umǧahed, yeɣra-t-id s yisem-is uneɣlaf n Yidles, Azzedine Mihoubi.

‘’Ur nesɛa ara lxetyar nniḍen, mgal imal n ur nban ara deg umaḍal, ala ma nerfed azalen seg usɣan-nneɣ, ad nagem seg Tegrawla d umedya n yimeɣrasen-nneɣ, timsirin tufrinin acku d aya i yernan lbaṭel’’, i yerna yenna-d uselway n Tegduda.