ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙ ⴰⵖⴻⵍⵏⴰⵡ ⵏ ⵓⵎⴵⴰⵀⴻⴷ : ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⵣⵓⵍ ⵉⵎⴻⴷⴷⵓⴽⴰⵍ ⵏ ⵢⵉⵎⴻⵏⵖⵉ ⴷ ⵉⴼⴻⵔⴷⵉⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ

ⵇⵚⴻⵏⵟⵉⵏⴰ - ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⵣⵓⵍ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵇⵚⴻⵏⵟⵉⵏⴰ ⵉⵎⴻⴷⴷⵓⴽⴰⵍ ⵏ ⵢⵉⵎⴻⵏⵖⵉ ⴰⵖⴻⵍⵏⴰⵡ; ⴰⴽⴽⴻⵏ ⵉ ⵢⴻⵔⵔⴰ ⵜⴰⵊⵎⵉⵍⵜ ⵉ ⵢⵉⴼⴻⵔⴷⵉⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵏⵒ), ⴷ ⵢⵉⴼⴻⵔⴷⵉⵙⴻⵏ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⵢⴻⵎⵅⴰⵍⵍⴰⴼⴻⵏ, ⵖⴻⴼ ⵍⴻⵄⵜⴰⴱ-ⵏⵙⴻⵏ ⴰⵎⴻⵇⵔⴰⵏ ⵉⵍⵎⴻⵏⴷ ⵏ ⵓⵃⴰⵔⴻⴱ ⵖⴻⴼ ⵜⵎⵓⵔⵜ.

“ ⴱⵖⵉⵖ ⴰⴷ ⵣⵓⵍⴻⵖ ⴰⵙⵙ-ⴰ ⵙ ⵜⵓⵙⵙⴷⴰ, ⴰⴷ-ⵙⴱⴻⵢⵢⵏⴻⵖ ⴰⵇⴰⴷⴻⵕ-ⵉⵡ ⴰⵎⴻⵇⵔⴰⵏ ⵉ ⵢⴻⵕⴼⵉⵇⴻⵏ ⵏ ⵢⵉⵎⴻⵏⵖⵉ, ⴰⴽⴽⴻⵏ ⵉ ⴰⵙⴻⵏ-ⵙⵙⴰⵔⴰⵎⴻⵖ, ⵙ ⵢⵉⵙⴻⵎ ⵏ ⵡⴻⵖⵔⴻⴼ ⴰⵣⵣⴰⵢⵔⵉ ⴰⴽⴽⴻⵏ ⵎⴰ ⵢⴻⵍⵍⴰ, ⴷ ⵢⵉⵙⴻⵎ-ⵉⵡ, ⵜⴰⵣⵎⴻⵔⵜ ⴷ ⵍⵉⵙⴻⵔ ⴰⴽⴽⴻⴷ ⵜⴻⵖⵣⵉ ⵏ ⵜⵓⴷⴻⵔⵜ, ⵉ ⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎⴻⵛⵡⴰⵕ ⵏ ⵍⴻⴱⵏⵉ-ⵙ” ⵉⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵢⵉⵣⴻⵏ-ⵉⵙ ⵉ ⵓⵖⵔⴻⴼ, ⵉⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵎⴵⴰⵀⴻⴷ, ⵉ ⴷ-ⵢⴻⵖⵔⴰ ⵙ ⵢⵉⵙⴻⵎ-ⵉⵙ ⵓⵏⴻⵖⵍⴰⴼ ⵏ ⵢⵉⴷⵍⴻⵙ ⴰⵣⵣⴻⴷⵉⵏⴻ ⵎⵉⵀⵧⵓⴱⵉ.

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵔⵔⴰ ⵜⴰⵊⵎⵉⵍⵜ ⴷⴰⵖ ⵉ ⵢⵉⴼⴻⵔⴷⵉⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵏⵒ), ⵉ ⴷ-ⵢⵓⴷⴷⴰⵎⴻⵏ ⵙⴻⴳ ⵢⵉⴳⴻⵏ ⴰⵎⴻⵣⵔⵓⵢⴰⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ (ⴰⵍⵏ), ⴰⴽⴽⴻⴷ ⵢⵉⴼⴻⵔⴷⵉⵙⴻⵏ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⵙ ⵍⴻⵚⵏⴰⴼ-ⵏⵙⴻⵏ ⵢⴻⵎⴳⴰⵔⵔⴰⴷⴻⵏ, ⵖⴻⴼ ⵍⴻⵄⵜⴰⴱ-ⵏⵙⴻⵏ ⴷ ⵢⵉⵎⴰⵏ ⵏ ⵓⵙⴼⴻⵍ ⵉ ⴷ-ⵣⵣⴰⴽⴰⵏⴻⵏ ⵢⴰⵍ ⵜⵉⴽⴻⵍⵜ, ⵉⵍⵎⴻⵏⴷ ⵏ ⵓⵃⴱⵉⴱⴻⵔ ⵖⴻⴼ ⵜⵎⵓⵔⵜ-ⵏⵏⴻⵖ ⵖⵍⴰⵢⴻⵏ, ⴷ ⵓⵃⵓⴷⴷⵓ ⵏ ⵜⵍⵉⵙⴰ-ⵙ, ⴰⴽⴽⴻⴷ ⴷ ⵉⵎⴻⵏⵖⵉ-ⵏⵙⴻⵏ ⵎⴳⴰⵍ ⵜⵉⵖⴱⵓⵍⴰ ⵏ ⵔⵔⴻⴱⵔⴰⴱ, ⵉ ⵡⴰⴽⴽⴻⵏ ⴰⴷ ⵢⴻⵜⵜⵡⴰⴹⵎⴻⵏ ⵍⴻⵀⵏⴰ, ⵍⵉⵙⴻⵔ ⴷ ⵍⴰⵎⴰⵏ ⴷⴻⴳ ⴰⴽⴽ ⵜⵉⵎⵏⴰⴹⵉⵏ-ⵉⵙ”.