ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵍⵉ: ⴰⵙⵙⴻⴱⴷⴻⴷ ⵏ ⵓⵙⴻⵇⵇⴰⵎⵓ ⵉ ⵓⴹⴼⴰⵔ ⵏ ⵜⴰⵍⵓⴼⵜ ⴳⴰⵔ ⴱⴰⵎⴰⴽⵧ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ

ⴱⴰⵎⴰⴽⵓ – ⵢⴻⵜⵜⵡⴰⵙⵙⴻⴱⴷⴻⴷ-ⴷ ⵢⵉⵡⴻⵏ ⵏ ⵓⵙⴻⵇⵇⴰⵎⵓ ⴳⴰⵔ ⵢⵉⵎⴹⴻⴱⴱⵔⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ ⴷ ⵢⵉⵎⴹⴻⴱⴱⵔⴻⵏ ⵉⵎⴰⵍⵉⵢⴻⵏ ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⴰⵍⵡⵉⵜ ⴷⴻⴳ ⵓⴳⴰⴼⴰ ⵏ ⵎⴰⵍⵉ ⴰⵢⴷⴻⴳ ⵢⴻⵏⴽⴻⵔ ⵢⵉⵎⴻⵏⵖⵉ ⴰⵢ ⵢⴻⴳⵍⴰⵏ ⵙ ⵡⴰⵛⵃⴰⵍ ⵏ ⵜⵎⴻⴷⴷⵓⵔⵉⵏ ⴰⵙⵙ ⵏ 17 Ɣⵓⵛⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⴻⵖⴱⵓⵍⴰ ⵜⵓⵏⵚⵉⴱⵉⵏ ⵜⵉⵎⴰⵍⵉⵢⵉⵏ ⴷ ⵜⵉⴷ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

« ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⴰⵍⵡⵉⵜ ⴷ ⵍⵄⴰⴼⵢⴰ ⵖⴻⵔ ⵓⴳⴰⴼⴰ ⵏ ⵎⴰⵍⵉ, ⵙⴱⴻⴷⴷⴻⵏ-ⴷ ⴰⵙⵙ ⵏ ⵍⴰⵕⴻⴱⵄⴰ ⵢⵉⵡⴻⵏ ⵏ ⵓⵙⴻⵇⵇⴰⵎⵓ ⵏ ⵜⴻⵣⵖⵉⵏⵜ ⵜⴰⵙⴻⵔⵜⵉⵜ ⴷ ⵜⵙⴻⵔⴷⴰⵙⵉⵜ, ⴷ ⵡⵉⵏ ⴰⵢⴷⴻⴳ ⵜⵜⴻⴽⴽⴰⵏ ⵢⵉⵎⴹⴻⴱⴱⵔⴻⵏ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ (ⵎⵉⵏⵓⵙⵎⴰ) ⴷ ⵢⵉⵎⴹⴻⴱⴱⵔⴻⵏ ⵉⵎⴰⵍⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ ⵏ ⵎⵉⵏⵓⵙⵎⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ « ⵜⴰⵙⴻⵔⵜⵉⵜ, ⴰⵙⴻⵇⵇⴰⵎⵓ-ⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵎⴹⴻⴱⴱⵔⴻⵏ ⵏ ⵎⵉⵏⵓⵙⵎⴰ ⴷ ⵢⵉⴳⴻⵏⵙⴰⵙⴻⵏ ⵏ ⵓⵖⵍⵉⴼ ⴰⵎⴰⵍⵉ ⵏ ⵜⴻⵎⵃⴰⴷⴷⵉⵜ ⴷ ⵡⵉⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ ⵏ ⵓⵏⴰⴱⴰⴹ.

« ⵉⵙⴻⵔⴷⴰⵙⴻⵏ ⵉⵎⴰⵍⵉⵢⴻⵏ ⴷ ⵡⵉⴷ ⵏ ⵎⵉⵏⵓⵙⵎⴰ ⴷ ⵉⵎⴰⵙⵍⴰⴹⴻⵏ ⵙⴻⴳ ⵓⴼⵓⵔⴽ ⴰⵙⴻⵔⴷⴰⵙⵉ ⵏ ⵓⵙⴻⵇⵇⴰⵎⵓ-ⴰ ⵏ ⵜⴻⵣⵖⵉⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.

ⵙⵉⵏ-ⴰ ⵏ ⵢⵉⴼⵓⵔⴽⴰ ⵏ ⵓⵙⴻⵇⵇⴰⵎⵓ, ⴰⵙⴻⵔⵜⵉ ⴷ ⵓⵙⴻⵔⴷⴰⵙⵉ, ⴰⴷ ⵜⵜⴳⴻⵏ ⵜⵉⵎⵍⵉⵍⵉⵜ ⵢⴰⵍ ⴰⵙⵙ ⴰⴽⴽⴻⵏ « ⴰⴷ ⵙⵙⴻⴷⴷⵓⵏ ⵜⵉⵖⴰⵡⵙⵉⵡⵉⵏ. ⵜⴰⵖⴰⵡⵙⴰ ⵢⴻⵣⵡⴰⵔⴻⵏ ⴰⴽⴽ ⵏⴻⵜⵜⴰⵜ ⴷ ⴰⵙⵙⴻⵇⵏⴻⵄ ⵏ ⵢⴰⵍ ⵉⴷⵉⵙ ⴰⴽⴽⴻⵏ ⴰⴷ ⴷ-ⵢⴻⵇⵇⴻⵍ ⵖⴻⵔ ⵡⴰⴷⴷⵓⴷ-ⵏⵏⴻⵙ ⵓⵇⴱⴻⵍ ⵎⴰ ⵍⵍⴰⵏⵜ-ⴷ ⵜⴻⴷⵢⴰⵏⵉⵏ-ⴰ ⵜⵉⵏⴻⴳⴳⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵎⵉⵏⵓⵙⵎⴰ.

ⴰⵙⴻⵇⵇⴰⵎⵓ-ⴰ ⴰⴷ ⵢⴻⵜⵜⵡⴰⴼⵙⴻⵅ ⵎⵉ ⴰⵔⴰ ⵉⴼⴰⴽ ⵛⵛⵖⴻⵍ-ⵏⵏⴻⵙ, ⵎⴰⵛⴰ ⵓⵔ ⴷ-ⵏⵏⵉⵏ ⴰⵔⴰ ⵎⴻⵍⵎⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⴱⴻⴷⵔⴻⵏⵜ ⵜⴻⵖⴱⵓⵍⴰ-ⴰ.

ⵢⴻⵜⵜⵡⴰⵙⵙⴻⴱⴷⴻⴷ-ⴷ ⵓⵙⴻⵇⵇⴰⵎⵓ-ⴰ ⴷⴻⴼⴼⵉⵔ 3 ⵏ ⵡⵓⵙⵙⴰⵏ ⵏ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ ⵏ 15, 16 ⴷ 17 Ɣⵓⵛⵜ ⴳⴰⵔ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ, ⵉⵖⴻⵡⵡⴰⵖⴻⵏ) ⴷ ⵜⴻⴳⵔⴰⵡⵜ ⵏ ⵓⵃⵓⴷⴷⵓ ⵏ ⵢⵉⵎⴰⵏ ⵜⴰⵎⴰⵛⴻⵖⵜ ⵏ ⵉⵎⵖⴰⴷ ⴷ ⵢⵉⵎⵙⵉⵙⴰⵏ-ⵏⵏⴻⵙ (ⴳⴰⵜⵉⴰ).

« ⵜⴻⵛⵖⴻⴱ-ⴰⵖ ⵜⴻⴳⵏⵉⵜ. ⵉⴹⴻⵍⵍⵉ (ⵍⴰⵕⴻⴱⵄⴰ), ⴷⴻⴳ ⵜⴻⵎⴷⵉⵏⵜ ⵏ ⵉⴷⴻⵍⵉⵎⴰⵏⴻ (ⴷⴻⴳ ⵓⴳⴰⴼⴰ), ⵇⴻⵔⵔⵙⴻⵏ ⴽⵔⴰ ⵏ ⵢⵉⵎⵙⴻⵍⵍⵃⴻⵏ ⵖⴻⴼ ⵢⵉⵔⴳⴰⵣⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵜⵖⴻⵔⵖⴻⵔⵜ (ⵜⴰⵎⵙⵉⵙⵉⵜ ⵏ ⵜⴻⴳⵔⴰⵡⵉⵏ ⵢⴻⴷⴷⴰⵏ ⴷ ⵓⵏⴰⴱⴰⴹ), ⵎⴰⵛⴰ ⵓⵔ ⵢⴻⵎⵎⵓⵜ ⵢⵉⵡⴻⵏ. ⵢⴻⵙⵙⴻⴼⴽ ⴰⴷ ⵏⴻⴳ ⴰⴽⴽ ⴰⵢⴻⵏ ⵓⵎⵉ ⵏⴻⵣⵎⴻⵔ ⴰⴽⴽⴻⵏ ⴰⴷ ⵏⵀⴻⴷⴷⴻⵏ ⵜⴰⴳⵏⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ ⵏ ⵎⵉⵏⵓⵙⵎⴰ.