ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵡⴰⵍ ⵙ ⵜⴻⵍⵇⴻⵢ ⵖⴻⴼ ⵓⵏⴰⴳⵔⴰⵡ ⵏ ⵍⵎⴷ
ⵡⴻⵀⵕⴰⵏ – ⴰⵎⴰⵔⵓ ⴰⵎⴰⵜⵓ ⵏ ⵓⵏⵎⴰⵍⵓ ⴰⵖⴻⵍⵏⴰⵡ ⵏ ⵢⵉⵙⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ (ⵙⵏⴻⵓ), ⵎⴻⵙⵙⴰⵧⵓⴷ ⴰⵎⴰⵔⵏⴰ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴻⵀⵕⴰⵏ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⴱⴷⵓ ⵓⵙⴽⴰⵙⵉ ⴷ ⴰⵍⵇⴰⵢⴰⵏ ⵖⴻⴼ ⵓⵏⴰⴳⵔⴰⵡ ⵏ ⵍⵎⴷ ⴰⴽⴽⴻⵏ « ⴰⴷ ⴷ-ⵏⴰⴼ ⵜⵉⵏⵇⵉⴹⵉⵏ ⵢⴻⵍⵀⴰⵏ ⴷ ⵡⴰⵢⴻⵏ ⴰⵢⴷⴻⴳ ⵉⵅⵓⵚⵚ ⵓⵏⴰⴳⵔⴰⵡ-ⴰ ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⵏ ⵜⵜⴻⵊⵕⵉⴱⴰ-ⴰ » ⴰⵢ ⴷ-ⵢⴻⴱⴷⴰⵏ ⴰⵣⴰⵍ ⵏ 10 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⴷⴻⴳ ⵜⴻⵙⴷⴰⵡⵉⵜ ⵜⴰⴷⵣⴰⵢⵔⵉⵜ.
ⵎⴰⵙⵙ ⴰⵎⴰⵔⵏⴰ ⵢⴻⵏⵏⴰ-ⴷ, ⵎⵉ ⴷ-ⵜⴻⴱⴷⴰ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ ⵏ ⵓⵏⵎⴰⵍⵓ-ⴰ (ⵢⴻⵇⵇⵏⴻⵏ ⵖⴻⵔ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ) ⴷⴰⴽⴽⴻⵏ ⴰⵙⴽⴰⵙⵉ ⵢⴻⵔⵣⴰⵏ ⵜⴰⵛⵔⴰⵡⵜ ⵏ ⵍⵎⴷ ⴷ ⵡⵉⵏ ⴰⵔⴰ ⵢⴻⴵⴵⴻⵏ ⴰⴷ ⵜⴻⵜⵜⵡⴰⵇⴻⵢⵢⴻⵎ « ⵜⵙⴻⵎⵎⴻⵙⴽⴻⵍⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵃⵔⵉⵛ ⵏ ⵓⵍⵎⵓⴷ ⵉⵎⵉⵏⴻⴳ ⵢⴻⵔⵏⴰ ⴰⴷ ⴷ-ⵏⴰⴼ ⴰⵢⴻⵏ ⵢⴻⵍⵀⴰⵏ ⴷ ⵡⴰⵢⴻⵏ ⵉⵅⵓⵚⵚⴻⵏ ⴷⴻⴳ ⵜⵜⴻⵊⵕⵉⴱⴰ-ⴰ ⴰⴽⴽⴻⵏ ⴰⴷ ⴷ-ⵜⵜⵡⴰⵀⴻⵢⵢⵉⵏⵜ ⵜⴻⴼⵔⴰⵜⵉⵏ ⵉⵡⴰⵜⴰⵏ ».
ⴰⵇⴻⵢⵢⴻⵎ ⵏ ⵓⵏⴰⴳⵔⴰⵡ ⵏ ⵍⵎⴷ ⴷ ⵏⴻⵜⵜⴰ ⴰⵢ ⴷ ⴰⵙⴻⵏⵜⴻⵍ ⵏ ⵜⴻⵙⴷⴰⵡⵉⵜ-ⴰ ⵜⵉⵙ ⵙⵏⴰⵜ ⵏ ⵓⵏⴻⴱⴷⵓ ⴰⵢ ⵉⴳⴰ ⵓⵏⵎⴰⵍⵓ-ⴰ, ⵢⴻⵔⵏⴰ ⴷ ⵜⵉⵏ ⴰⵢⴷⴻⴳ ⴰⵔⴰ ⴷ-ⴱⴰⵏⴻⵏ ⵍⴻⵕⵢⵓⵢ ⵏ ⵢⵉⵙⴻⵍⵎⴰⴷⴻⵏ ⵖⴻⴼ ⵡⴰⵎⴻⴽ ⴰⵔⴰ ⵜⵜⵡⴰⵙⴵⴻⵀⴷⴻⵏⵜ ⵜⵙⴻⵎⵎⴻⵙⴽⴰⵍ ⴷⴻⴳ ⵓⵃⵔⵉⵛ-ⴰ.
ⵉⵡⴻⵚⵚⵉⵢⴻⵏ ⴰⵔⴰ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴻⵙⴷⴰⵡⵉⵜ-ⴰ ⵏ ⵓⵏⴻⴱⴷⵓ ⴰⴷ ⴷ-ⵜⵜⵡⴰⵇⴻⴷⴷⵎⴻⵏⵜ ⴷⴻⴳ ⵓⵙⴰⵔⴰⴳ ⴰⵖⴻⵍⵏⴰⵡ ⴰⵔⴰ ⴷ-ⵢⵉⵍⵉⵏ ⵖⴻⴼ ⵓⵏⴰⴳⵔⴰⵡ ⵏ ⵍⵎⴷ ⴰⵔⴰ ⵢⴻⴳ ⴰⵙⴻⴳⴳⴰⵙ-ⴰ ⵓⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵖⴻⴼ ⵍⴻⵃⵙⴰⴱ ⵏ ⵜⴻⵙⴷⴰⵡⵉⵜ ⵏ ⵡⴻⵀⵕⴰⵏ ⵜⵉⵙ 2 ⵏ ⴱⴻⵍⴳⴰⵉⴷ, ⴱⴻⵏⵎⴻⵣⵉⴰⵏⴻ ⴱⴻⵏⵛⵀⴻⵔⴳⵓⵉ, ⴰⵜⵜⴻⴽⴽⵉ ⵏ ⵢⵉⵙⴻⵍⵎⴰⴷⴻⵏ, ⵏ ⵢⵉⵏⴻⵍⵎⴰⴷⴻⵏ, ⵏ ⵢⵉⵎⵙⴻⵏⵎⵓⵍⴰ ⴷ ⵢⵉⵛⵔⵉⴽⴻⵏ ⴷⴻⴳ ⵓⵙⴽⴰⵙⵉ ⵖⴻⴼ ⵓⵏⴰⴳⵔⴰⵡ ⵏ ⵍⵎⴷ « ⴰⴷ ⵜⴻⵙⵙⴻⴵⵀⴻⴷ ⴰⵏⴰⴳⵔⴰⵡ-ⴰ ⵢⴻⵔⵏⴰ ⴰⴷ ⴷ-ⵢⴻⵙⴷⵓⵇⵇⴻⵙ ⵜⴰⵙⴷⴰⵡⵉⵜ ⵜⴰⴷⵣⴰⵢⵔⵉⵜ ».
« ⴰⵏⴰⴳⵔⴰⵡ ⵏ ⵍⵎⴷ ⵢⴻⵜⵜⵡⴰⴹⴼⴻⵔ ⴷⴻⴳ ⵓⵎⴰⴹⴰⵍ ⵎⴻⵕⵕⴰ. ⵓⵔ ⵏⴻⵣⵎⵉⵔ ⴰⵔⴰ ⴰⴷ ⵏⴻⵇⵇⴻⵏ ⵜⵉⵟⵟⴰⵡⵉⵏ-ⵏⵏⴻⵖ ⵖⴻⴼ ⵡⴰⵢⴰ. ⴰⵇⴻⵢⵢⴻⵎ-ⵏⵏⴻⵙ ⵙⴻⴳ-ⴰ ⵖⴻⵔ ⴷⴰ ⴷ ⴰⵢⴻⵏ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⵜⴻⵙⴷⴰⵡⵉⵢⵉⵏ ⴰⴷ ⴹⴻⵎⵏⴻⵏⵜ ⴰⵙⵙⵉⵍⴻⵖ ⵏ ⵜⵖⴰⵔⴰ ⵉ ⵢⵉⵏⴻⵍⵎⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⴰⵣⴰⵍ ⵏ 400 ⵏ ⵢⵉⵏⴻⵙⵎⵉⴳⴰⵍⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⴻⵙⴷⴰⵡⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵙⴷⴰⵡⵉⵜ-ⴰ ⵏ ⵓⵏⴻⴱⴷⵓ ⵏ ⵓⵏⵎⴰⵍⵓ-ⴰ, ⵢⴻⵔⵏⴰ ⵃⴻⴷⵕⴻⵏ ⴷⴻⴳ-ⵙ ⴰⵟⴰⵙ ⵏ ⵡⵓⵎⴷⴰⵡⴻⵏ ⵢⴻⵜⵜⵡⴰⵙⵙⵏⴻⵏ, ⵉⴳⴻⵏⵙⴰⵙⴻⵏ ⵏ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵡⴰⵟⴰⵙ ⵏ ⵜⴻⵙⴷⴰⵡⵉⵢⵉⵏ ⵏ ⵜⵎⵓⵔⵜ.
ⴰⵟⴰⵙ ⵏ ⵜⵍⵓⴼⴰ ⴰⵢⵖⴻⴼ ⴰⵔⴰ ⵙⴽⴰⵙⵉⵏ ⴷⴻⴳ ⵓⵎⵢⴰⴳⴻⵔ-ⴰ, ⴳⴰⵔ-ⴰⵙⴻⵏⵜ ⵍⴰⴷⵖⴰ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵍⴻⵇⵡⴰⵏⵉⵏ ⴷ ⵓⵙⵙⴻⴼⵔⴻⴽ ⵏ ⵓⵏⴰⴳⵔⴰⵡ ⵏ ⵍⵎⴷ, ⴰⵙⴷⵓⴽⴽⴻⵍ ⵏ ⵡⴰⵀⵉⵍⴻⵏ ⵏ ⵜⴰⵍⵍⵓⵙⵉⵏ ⵜⴰⵎⴻⵣⵡⴰⵔⵓⵜ ⴷ ⵜⵉⵙ ⵙⵏⴰⵜ ⵏ ⵢⵉⵙⴻⵇⵇⵓⵎⴰ ⵉⵙⵍⴻⵎⴷⴰⵏⴻⵏ ⵉⵖⴻⵍⵏⴰⵡⴻⵏ, ⴰⵏⴰⴳⵔⴰⵡ ⵏ ⵍⵎⴰⴷ ⴷ ⵡⴰⵢⴻⵏ ⴰⵢ ⵜⴻⵃⵡⴰⴵ ⵜⵏⴻⴼⵍⵉⵜ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵔⴰ ⵙⴽⴰⵙⵉⵏ ⴰⵙⵙⵉⵍⴻⵖ ⴷ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵙⵙⵓⵇ ⴰⵖⴻⵍⵏⴰⵡ ⵏ ⵓⵅⴻⴷⴷⵉⵎ ⴷ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ.
