ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵙⵙⴻⵔⵙⴻⵏ 600 ⵏ ⵜⵎⴰⵛⵉⵏⵉⵏ ⵏ ⵓⴼⵔⴰⵇ ⵏ ⵢⵉⴷⵔⵉⵎⴻⵏ

ⵍⴻⵣⵣⴰⵢⴻⵔ – ⵢⴻⵏⵏⴰ-ⴷ ⴰⴱⴷⴻⵏⴰⵛⴻⵔ ⵙⴰⵢⴻⵀ, ⴰⵏⴻⵎⵀⴰⵍ ⵏ ⴰⵍⴳⴻⵔⵉⴻ-ⵒⵧⵙⵜⴻ, ⴰⵙⵙ ⵏ ⵙⵙⴻⴱⵜ, ⴷⴰⴽⴽⴻⵏ ⵜⴰⴽⴻⴱⴱⴰⵏⵉⵜ-ⵏⵏⴻⵙ ⴰⴷ ⵜⴻⵙⵙⴻⵔⵙ 600 ⵏ ⵜⵎⴰⵛⵉⵏⵉⵏ ⵜⵉⵎⴰⵢⵏⵓⵜⵉⵏ ⵏ ⵓⴼⵔⴰⵇ ⵏ ⵢⵉⴷⵔⵉⵎⴻⵏ.

ⴷⴻⴳ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⴰⵢ ⵉⴳⴰ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ, ⵉⵅⴻⴱⴱⴻⵔ-ⴷ ⴷⴰⴽⴽⴻⵏ ⵜⴰⴷⴱⴻⵍⵜ-ⵏⵏⴻⵙ ⵜⴻⴱⴷⴰ-ⴷ ⵜⵉⴷⴷⵉⵜ ⵉ ⵓⵙⵙⴻⵜⵔⴻⵔ ⴷ ⵓⵙⵎⴰⵍ ⵏ ⵢⵉⵎⴻⵥⵍⴰ ⵏ ⵡⴰⵟⴰⵙ ⵏ ⵜⵏⴰⵔⵉⵢⵉⵏ ⵏ ⵜⴻⵙⵔⴻⵇⵇⴻⵙⵜ (ⵍⴱⵓⵙⵟⴰ) ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵢⴻⵔⵏⴰ ⵉ ⵍⵎⴻⵏⴷ ⵏ ⵡⴰⵢⴰ, ⴰⴷ ⵜⴻⵙⵙⴻⵔⵙ 600 ⵏ ⵜⵎⴰⵛⵉⵏⵉⵏ ⵏ ⵓⴼⵔⴰⵇ ⵏ ⵢⵉⴷⵔⵉⵎⴻⵏ ⴷⴻⴳ ⵜⵏⴰⵔⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴻⵙⵔⴻⵇⵇⴻⵙⵜ ⴷⴻⴳ ⵡⴰⴽⴽ ⵜⴰⵎⵓⵔⵜ.

ⵓⵇⴱⴻⵍ ⵎⴰ ⵉⴼⵓⴽ ⵓⵙⴻⴳⴳⴰⵙ-ⴰ, ⴰⴷ ⵢⴻⵔⵙ ⵓⴼⴻⵔⵔⴰⵇ ⵏ ⵢⵉⴷⵔⵉⵎⴻⵏ ⴷⴻⴳ ⵢⴰⵍ ⵜⴰⵏⴰⵔⵉⵜ ⵜⴰⴳⴻⵊⴷⴰⵏⵜ ⵏ ⵢⴰⵍ ⵜⴰⵖⵉⵡⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵢ ⴷ-ⵢⴻⵙⵎⴻⴽⵜⵉⵏ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵢⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵍⵎⴻⴵⵀⵓⴷ ⵏ ⵓⵙⵙⴻⵏⵇⴻⵙ ⵏ ⵜⴻⵄⴽⴻⵎⵜ ⵖⴻⴼ ⵜⵏⴰⵔⵉⵢⵉⵏ ⵏ ⵜⴻⵙⵔⴻⵇⵇⴻⵙⵜ ⴷ ⵓⵙⵎⴰⵍ ⵏ ⵓⵎⴻⵥⵍⵓ ⴰⵏⴰⴳⴷⵓⴷ.

ⵎⴰⵙⵙ ⵙⴰⵢⴻⵀ ⵉⵡⴻⴽⴽⴻⴷ-ⴷ ⴷⴰⵖ ⴷⴰⴽⴽⴻⵏ ⵜⴰⴷⴱⴻⵍⵜ ⵜⴻⴷⴷⴻⵎ ⵉⵃⴻⵣⵣⵉⴱⴻⵏ ⴷⴻⴳ ⵜⵎⴻⵀⵍⵉⵡⵉⵏ ⵏ ⵜⴻⵙⵔⴻⵇⵇⴻⵙⵜ ⵏ ⵢⴰⵍ ⵜⴰⵡⵉⵍⴰⵢⵜ ⴰⴽⴽⴻⵏ ⴰⴷ ⵙⵙⴻⴼⵇⴰⴷⴻⵏ ⴰⵚⴻⴳⴳⴻⵎ ⵏ ⵜⵎⴰⵛⵉⵏⵉⵏ-ⴰ ⵢⴻⵔⵏⴰ ⵓⵔ ⵜⵜⵓⵖⴰⵍⴻⵏ ⴰⵔⴰ ⵎⴻⴷⴷⴻⵏ ⵖⴻⵔ ⵜⵉⴳⴳⴰⵏⵉⵜ ⵡⴰ ⴷⴻⴼⴼⵉⵔ ⵡⴰⵢⴻⴹ ⵎⴰ ⵅⴻⵚⵔⴻⵏⵜ ⵜⵎⴰⵛⵉⵏⵉⵏ.

ⴷⵖⴰ ⵢⴻⵍⵍⴰ-ⴷ ⵍⵎⴻⴵⵀⵓⴷ ⵉ ⵍⵎⴻⵏⴷ ⵏ ⵓⵙⵎⴰⵜⵓ ⵏ ⵓⵙⵙⴻⵇⴷⴻⵛ ⵏ ⵜⴻⵙⵏⴻⵙⵜⵡⵉⵍⵉⵏ ⵜⵉⵎⴰⵢⵏⵓⵜⵉⵏ ⵏ ⵜⴻⵖⵡⴰⵍⵜ ⵉ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ ⵉ ⵍⴼⴰⵢⴷⴰ ⵏ ⵎⴻⴷⴷⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴷⴻⵍⵍⵓ ⵖⴻⴼ ⵓⵎⵉⴹⴰⵏ ⵏ ⵛⵛⵒ ⵙ ⵉⵏⵜⴻⵔⵏⴻⵜ ⵏⴻⵖ ⵙ ⵜⴻⴱⵕⴰⵜ ⵏ ⵓⵙⴰⵡⴰⵍ (ⴰⵙⴰⵎⴰⵙ), ⴷ ⵓⵡⵊⴰⴷ ⵏ ⵢⵉⴽⴰⵕⵏⵉⵢⴻⵏ ⵏ ⵢⵉⵛⴰⴽⴻⵏ ⴷⴻⴳ 15 ⵏ ⵡⵓⵙⵙⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⴰ ⵢⵉⵎⴹⴻⴱⴱⴻⵔ-ⴰ.

ⴷ ⴰⵛⵓ ⴽⴰⵏ, ⵢⴻⵙⵜⴻⵄⵕⴻⴼ ⴷⴰⵖ ⴷⴰⴽⴽⴻⵏ ⴽⵔⴰ ⵏ ⵜⵏⴰⵔⵉⵢⵉⵏ ⵏ ⵜⴻⵙⵔⴻⵇⵇⴻⵙⵜ ⵢⴻⵍⵍⴰ-ⴷ ⴼⴻⵍⵍ-ⴰⵙⴻⵏ ⵍⵃⴻⵕⵙ, ⵍⴰⴷⵖⴰ ⴷⴻⴳ ⵜⴰⵍⵍⵉⵜ ⵏ ⵍⴻⵅⵍⴰⵚ ⵏ ⵢⵉⴱⵓⵕⵙⵢⵓⵏⴻⵏ ⵏ ⵜⴻⵙⵜⴰⵖⵜ (ⵍⴰⵏⵜⵔⵉⵜ) ⴷ ⵢⵉⵅⴻⴷⴷⴰⵎⴻⵏ (ⴳⴰⵔ 14 ⴷ 18 ⵏ ⵢⴰⵍ ⴰⵢⵢⵓⵔ) ⴷ ⵎⵉ ⴰⵔⴰ ⴷ-ⵇⴻⵔⵔⴱⴻⵏⵜ ⵍⴻⵄⵢⵓⴷⴰⵜ (ⵜⴰⵎⴻⵥⵢⴰⵏⵜ ⴷ ⵜⵎⴻⵇⵔⴰⵏⵜ).

ⴰⵍⴳéⵔⵉⴻ-ⵒⵧⵙⵜⴻ ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⵜⴻⴼⵔⵓ ⵜⴰⵍⵓⴼⵜ-ⴰ ⵙ ⵓⵔⵥⴰⵎ ⵏ ⵜⵏⴰⵔⵉⵢⵉⵏ ⵏ ⵜⴻⵙⵔⴻⵇⵇⴻⵙⵜ ⵙⴷⴰⵜ ⵢⵉⴳⵎⴰⵎⴻⵏ ⴰⵏⴷⴰ ⴰⵢ ⵍⵍⴰⵏ ⴰⵟⴰⵙ ⵏ ⵢⵉⵎⴻⵣⴷⴰⵖⴻⵏ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵙⵙⴻⵅⴷⴰⵎⴻⵏ ⴰⵟⴰⵙ ⵏ ⵢⵉⵅⴻⴷⴷⴰⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵍⴳⴻⵔⵉⴻ-ⵒⵧⵙⵜⴻ ⵜⴻⵙⵄⴰ ⵉⵥⴻⴹⵡⴰⵏ ⵏ ⵜⴻⵙⵔⴻⵇⵇⴻⵙⵜ ⵉⵎⵅⴻⵢⵢⵔⴻⵏ ⴰⴽⴽ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ ⵙ 3650 ⵏ ⵜⵏⴰⵔⵉⵢⵉⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵢⴻⵔⵏⴰ ⵙ ⵜⵍⴻⵎⵎⴰⵙⵜ ⵏ ⵢⵉⵡⴻⵜ ⵏ ⵜⴻⵙⵔⴻⵇⵇⴻⵙⵜ ⵉ ⵢⴰⵍ 10500 ⵏ ⵢⵉⵎⴻⵣⴷⴰⵖⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⴱⴰⵙ ⵏ ⵓⵥⴻⴹⴹⴰ ⵏ ⵓⵙⵙⴻⴷⴷⵓ ⵏ ⵜⴻⴷⵔⵉⵎⵜ ⵏ ⵜⴻⵙⵔⴻⵇⵇⴻⵙⵜ, ⵉⵎⴹⴻⴱⴱⴻⵔ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴽⴻⴱⴱⴰⵏⵉⵜ-ⵏⵏⴻⵙ ⵜⴻⵙⵙⴻⴼⵄⴻⵍ ⵢⵉⵡⴻⵏ ⵏ ⵓⵖⴰⵡⴰⵙ ⵙ ⵓⵎⵄⴰⵡⴻⵏ ⴷ ⴰⵍⴳⴻⵔⵉⴻ ⵜⴻⵍⴻⵛⵧⵎⵙ ⵉ ⵓⵙⵙⴻⵜⵔⴻⵔ ⵏ ⵓⵥⴻⴹⴹⴰ ⵏ ⵜⵏⴻⵍⵍⵉⵜ ⵜⴰⵙⴻⴽⴷⴰⵏⵜ ⴰⴽⴽⴻⵏ ⴰⴷ ⴼⴰⴽⴻⵏ ⵡⵓⴳⵓⵔⴻⵏ-ⴰ.

ⴰⵥⴻⴹⴹⴰ ⵏ ⵓⵙⵙⴻⴷⴷⵓ ⵏ ⵜⴻⴷⵔⵉⵎⵜ ⵢⴻⵇⵇⴻⵍ ⵢⴻⵜⵜⴻⴷⴷⵓ ⵅⵉⵔ ⵏ ⵣⵉⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵙⵙ ⵏ 14 ⵢⵓⵍⵢⵓ ⵢⴻⵣⵔⵉⵏ, 1,8 ⴷ ⴰⵎⴻⵍⵢⵓⵏ ⵏ ⵢⵉⵊⴱⴰⴷⴻⵏ ⵏ ⵢⵉⴷⵔⵉⵎⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵏⴰⵔⵉⵢⵉⵏ ⵏ ⵜⴻⵙⵔⴻⵇⵇⴻⵙⵜ ⵢⴻⵔⵏⴰ ⵜⵜⵡⴰⵊⴻⴱⴷⴻⵏ-ⴷ 25 ⵏ ⵢⵉⵍⴻⵎⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ ⴷⴻⴳ ⴽⵔⴰ ⵏ ⵜⵏⴰⵔⵉⵢⵉⵏ ⵏ ⵜⴻⵙⵔⴻⵇⵇⴻⵙⵜ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴱⴰⵏⴽⴰ ⵏ ⵍⴷⵣⴰⵢⴻⵔ ⵍⴰ ⵜⴻⵜⵜⴻⴳ ⵍⵎⴻⴵⵀⵓⴷ ⴷ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⴷ-ⵜⴻⵙⵙⵉⵡⴻⴹ ⵉⴷⵔⵉⵎⴻⵏ ⵉ ⵜⵏⴰⵔⵉⵢⵉⵏ ⵏ ⴰⵍⴳⴻⵔⵉⴻ-ⵒⵧⵙⵜⴻ, ⴷ ⴰⵛⵓ ⴽⴰⵏ, ⴰⵙⵙⵉⵡⴻⴹ ⵏ ⵢⵉⴷⵔⵉⵎⴻⵏ ⵢⴻⵙⵄⴰ ⵜⴰⵍⴰⵙⵜ ⴷⴻⴳ ⵡⴰⴽⵓⴷ (ⴽⵔⴰ ⴽⴰⵏ ⵏ ⵜⵙⴰⵄⵜⵉⵏ ⴷⴻⴳ ⵡⴰⵙⵙ) ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ, ⵙ ⵓⵎⴰⵜⴰ, ⵜⵉⵏⴰⵔⵉⵢⵉⵏ ⵉⴱⴻⵄⴷⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴽⵔⴰ ⵏ ⵢⵉⵅⴻⴷⴷⴰⵎⴻⵏ ⴰⵢ ⵢⴻⵜⵜⴰⴽⵔⴻⵏ ⵉⴷⵔⵉⵎⴻⵏ ⵙⴻⴳ ⵢⵉⵎⵉⴹⴰⵏⴻⵏ ⵏ ⵎⴻⴷⴷⴻⵏ, ⵢⴻⵏⵏⴰ-ⴷ ⵎⴰⵙⵙ ⵙⴰⵢⴻⵀ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵍⵓⴳⴰⵏ ⵏ ⴰⵍⴳⴻⵔⵉⴻ ⵒⵧⵙⵜⴻ ⵜⵜⵃⴻⵜⵜⵉⵎⴻⵏ ⵡⵉⵏ ⴰⵔⴰ ⵢⴰⴽⵔⴻⵏ ⴰⴷ ⴷ-ⵢⴻⵔⵔ ⵉⴷⵔⵉⵎⴻⵏ-ⵏⵏⵉ ⴰⵢ ⵢⵓⴽⴻⵔ ⵢⴻⵔⵏⴰ ⵡⵉⵏ ⴰⵔⴰ ⵉⴳⴻⵏ ⴰⵢⴰ ⴰⴷ ⵢⴻⵜⵜⵡⴰⵄⴰⵇⴻⴱ ⴰⵎⴰ ⵖⴻⵔ ⵜⴻⴷⴱⴻⵍⵜ ⵏ ⵜⴽⴻⴱⴱⴰⵏⵉⵜ, ⴰⵎⴰ ⴷⴻⴳ ⵛⵛⵕⴻⵄ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵙⴰⵢⴻⵀ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⵏⴼⴰⵔ-ⵏⵏⵉ ⵏ ⵜⴱⴰⵏⴽⴰ ⵏ ⴰⵍⴳⴻⵔⵉⴻ ⵒⵧⵙⵜⴻ ⵎⴰⵣⴰⵍ-ⵉⵜ ⴷⴻⴳ ⵜⴻⵣⵔⴰⵡⵜ ⵢⴻⵔⵏⴰ ⴰⴷ ⴷ-ⵜⵜⵓⵏⴻⴼⴽⴻⵏ ⵜⵜⴼⴰⵚⵉⵍ-ⵏⵏⴻⵙ ⴰⵙⵎⵉ ⴰⵔⴰ ⵢⴻⵡⵊⴻⴷ ⴽⵓⵍⵍⴻⵛ. ⴰⵙⵙⴻⴱⴷⴻⴷ ⵏ ⵜⴱⴰⵏⴽⵉⵡⵉⵏ ⴰⵎ ⵜⵉ ⵢⴻⴹⴹⴻⴼ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵜⵎⵓⵔⴰ ⵏⵉⴹⴻⵏ ⴰⵎ ⴼⵕⴰⵏⵙⴰ ⴷ ⵍⴰⵍⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵎⴰⴳⴻⵔ ⵏ ⵢⵉⵖⴻⵔⵎⴰⵏⴻⵏ ⴷⴻⴳ ⵜⵏⴰⵔⵉⵢⵉⵏ ⵏ ⵜⴻⵙⵔⴻⵇⵇⴻⵙⵜ, ⵢⴻⵏⵏⴰ-ⴷ ⵢⵉⵎⴹⴻⴱⴱⴻⵔ ⵏ ⴰⵍⴳⴻⵔⵉⴻ ⵒⵧⵙⵜⴻ ⴷⴰⴽⴽⴻⵏ ⵉⵅⴻⴷⴷⴰⵎⴻⵏ ⵏ ⵜⴻⵙⵔⴻⵇⵇⴻⵙⵜ ⵜⵜⵉⵍⵉⵏ-ⴷ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵎⴻⴷⴷⴻⵏ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜ-ⵎⵎⴰⴳⵔⴻⵏ ⵙ ⵡⵓⴷⴻⵎ ⵉⴳⴻⵔⵔⵣⴻⵏ ⴰⴽⴽ.

ⵜⴰⴷⴱⴻⵍⵜ ⵏ ⵜⴻⵙⵔⴻⵇⵇⴻⵙⵜ ⵜⴻⵙⵙⴻⴱⴷⴻⴷ-ⴷ ⵜⴰⵎⴻⵀⵍⴰ ⵏ ⵓⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⵜⴻⵏ-ⵉⴷ-ⵙⵡⴻⵊⴷⴻⵏ ⵉ ⵓⵅⴻⴷⴷⵉⵎ ⵏ ⵜⵖⴰⵔⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵓⴳⵓⵔⴻⵏ ⴰⵢ ⵉⵃⵓⵣⴰⵏ ⴰⵃⵔⵉⵛ ⵏ ⵜⴻⵙⵔⴻⵇⵇⴻⵙⵜ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷ ⵍⴰⵜⴻⵕ ⵏ ⴷⵉⵔⵉ ⴰⵢⵢⴻⵙ ⴷ-ⵢⴻⴳⵍⴰ ⵡⴰⵢⴰ ⵖⴻⴼ ⵎⴻⴷⴷⴻⵏ, ⵎⴰⵙⵙ ⵙⴰⵢⴻⵀ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵢⴻⴱⵖⴰ ⴰⴷ ⵢⵉⵍⵉ ⵓⵎⵛⵉⵡⴻⵕ ⴳⴰⵔ ⵜⴽⴻⴱⴱⴰⵏⵉⵜ-ⵏⵏⴻⵙ ⴷ ⵢⵉⵏⵎⵓⵍⴰ (ⵙⵙⴰⵏⴷⵉⴽⴰⵜ) ⵉ ⴼⴻⵔⵔⵓ ⵏ ⵜⴻⵎⵙⴰⵍ ⵢⴻⵔⵣⴰⵏ ⵉⵅⴻⴷⴷⴰⵎⴻⵏ ⴷ ⵜⴽⴻⴱⴱⴰⵏⵉⵜ.