Asebter amenzawi

Talɣuɣa n umaḍal n tatlitit n 2015 (400 n lmitrat s yifergan) : Lahoulou deg uzgen n tneggarut

PIKIN – Anaddal adzayri Abdelmalk Lahoulou iɛedda ɣer uzgen n tneggarut deg temsizzelt n 400 n yimitren s yifergan deg Telɣuɣa n Umaḍal n 2015 n tatlitit n Pikin mi fukent temsizzlin n wass n ssebt.

Lahoulou yettekka deg umazrar amezwaru n temsizzlin, yerna iṣaḥ-it-id umkan wis 5 s wakud n 49.33 deffir Ikenyen Bette Nicholas (48.37), Arusi Chalyy Timofey (49.05), Abeḥṛini Gibson Jeffery (49.09) d Umuzambiki Kurt Couto (49.15).

Lahoulou iɛedda s waya ɣer uzgen n tneggarut ara d-yilin ass n lḥedd, yerna yezga-d d wis 19 deg usettef amatu n yimazraren n temsizzlin. Deg uzgen n tneggarut, Lahoulou ad yettekki deg umazrar amezwaru n temsizzlin.

Sin-nni n yinaddalen idzayriyen ay yettekkan deg temsizzet n 400 n yimitren s yifergan, Saber Boukemouche d Mouloud Rahmani, ur ssawḍen ara ad ɛeddin i tuzzya. Amezwaru yezga-d d wis 6 s 51.54, ma d wis sin yezga-d d 7 s wakud n 50.21.

Llan daɣ sin n Yidzayriyen niḍen ay iɛeddan ɣer tneggarut n temizzelt n 3000 n yimitren s temda ara d-yilin ass n letniyen. Wi d Bilal Tabti d Hicham Bouchicha. I usmekti, Ldzayer tettekka deg Telɣuɣa-a n umaḍal s 14 n yinaddalen, gar-asen Taoufik Makhloufi, d alɣuɣ ulimpi n 2012 deg temsizzelt n 1500 n yimitren.