ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵅⵚⴰⵚ ⵏ ⵜⵏⴻⵣⵣⵓⵜ, ⴰⵣⴰⵍ ⵏ 8 ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 7 ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ

ⵍⴻⵣⵣⴰⵢⴻⵔ – ⵍⵎⵉⵣⴰⵏ ⵏ ⵜⵏⴻⵣⵣⵓⵜ ⵏ ⵍⴻⵣⵣⴰⵢⴻⵔ ⵢⴻⵙⵙⴻⴽⵍⴻⵙ ⵢⵉⵡⴻⵏ ⵏ ⵍⴻⵅⵚⴰⵚ ⵏ 8,041 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 7 ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ 2015 ⵎⴳⴰⵍ ⵢⵉⵡⴻⵏ ⵏ ⵓⵣⴰⴷⵉ ⵉⵣⴰⴷ ⵙ 3,964 ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⵎⴰ ⵏⵇⵓⵔⴻⵏ-ⵉⵜⴻⵏ, ⴷⴻⴳ ⵢⵉⵡⴻⵏ ⵏ ⵓⴽⵓⴷ, ⴷ ⵓⵙⴻⴳⴳⴰⵙ ⵢⴻⵣⵔⵉⵏ ⵏ 2014, ⵉ ⴰⵙ-ⴷ-ⵜⴻⵏⵏⴰ ⵉ ⵜⵏⴻⴳⴳⴰ ⴰⵙⵙ ⵏ ⵍⵃⴻⴷⴷ ⵜⴻⴷⴱⴻⵍⵜ ⵢⴻⵔⵣⴰⵏ ⵜⴰⴱⵣⴻⵔⵜ ⵏ ⵙⵙⴻⵍⵄⴰ.

ⴰⵙⴻⵏⵣ ⵏ ⵙⵙⴻⵍⵄⴰ ⵖⴻⵔ ⴱⴻⵕⵕⴰ ⵢⴻⵙⵙⴰⵡⴻⴹ ⵖⴻⵔ 22,924 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴳⴰⵔ ⵡⴰⵢⵢⵓⵔ ⵏ ⵢⴻⵏⵏⴰⵢⴻⵔ ⴷ ⵢⵓⵍⵢⵓ 2015 ⵎⴳⴰⵍ 38,49 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵏ ⵓⵙⴻⴳⴳⴰⵙ ⵢⴻⵣⵔⵉⵏ 2014 ⵎⴰ ⵏⵙⴻⵔⵙ-ⵉⵜⴻⵏ ⴷⴻⴳ ⵢⵉⵡⴻⵏ ⵏ ⵓⴽⵓⴷ, ⴰⵢⴰ ⵢⴻⵎⵍⴰ-ⴷ ⴱⴻⵍⵍⵉ ⵢⴻⵍⵍⴰ ⵢⵉⵡⴻⵏ ⵏ ⵓⵚⵓⴱⴱⵓ ⵏ ⵡⴰⵣⴰⵍ ⵏ 40,44%, ⵉ ⴷⵢⴻⵏⵏⴰ ⵓⵍⴻⵎⵎⴰ ⴰⵖⴻⵍⵏⴰⵡ ⵏ ⵜⵙⴻⵏⵙⴻⵍⴽⵉⵎⵜ ⴷ ⵓⵙⵉⴹⴻⵏ ⵏ ⵜⴻⴷⴱⴻⵍⵜ ⵏ ⵜⴻⴱⵣⴻⵔⵜ (ⵛⵏⵉⵙ).

ⵎⴰ ⴷ ⵜⵉⵡⵉⵏ ⵏ ⵙⵙⴻⵍⵄⴰ ⵙⴻⴳ ⴱⴻⵕⵕⴰ, ⵜⴻⵙⵙⴰⵡⴹⴻⵏ ⵖⴻⵔ 30,965 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵎⴳⴰⵍ 34,525 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵏ ⵙⴰ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ 2014, ⵜⵚⵓⴱ ⵙ 10,31%.

ⴰⵙⴻⵏⵣⵉ ⵏ ⵙⵙⴻⵍⵄⴰ ⵖⴻⵔ ⴱⴻⵕⵕⴰ ⴰⵙⴻⴳⴳⴰⵙ-ⴰ ⵢⴻⵡⵡⴻⴹ ⵓⵣⴰⵍ-ⵉⵙ ⵖⴻⵔ 74% ⵏ ⵓⵣⴰⵍ ⵏ ⵙⵙⴻⵍⵄⴰ ⵉ ⴷ-ⵏⵓⵖ, ⵎⴰ ⵏⵇⵓⵔⴻⵏ-ⵉⵜ ⴷⴻⴳ ⵢⵉⵡⴻⵏ ⵏ ⵓⴽⵓⴷ ⵙ ⴰⵙⴻⴳⴳⴰⵙ ⵢⴻⵣⵔⵉⵏ, ⵢⴻⵙⵙⴰⵡⴻⴹ ⵓⵣⴰⵍ-ⵉⵙ ⴰⵔ111%.

ⴰⵙⴻⵏⵣ ⵏ ⵓⵒⵉⵟⵔⵓⵍ ⴷ ⵡⴰⵢⴻⵏ ⵉⵛⵓⴷⴷⴻⵏ ⵖⴻⵔ-ⵙ, ⵢⴻⵙⵙⴰⵡⴻⴹ ⵖⴻⵔ 94,05% ⵏ ⵡⴰⵢⴻⵏ ⴰⴽⴽ ⵜⴻⵙⵙⴻⵏⵣ ⵜⵎⵓⵔⵜ-ⵏⵏⴻⵖ ⵖⴻⵔ ⴱⴻⵕⵕⴰ, ⴰⵣⴰⵍ-ⵉⵙ ⵢⴻⵡⵡⴻⴹ ⵖⴻⵔ 21,559 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵎⴳⴰⵍ 37,222 ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵢⵉⵡⴻⵏ ⵏ ⵓⴽⵓⴷ ⵏ ⵓⵙⴻⴳⴳⴰⵙ 2014 (-42,08%).