Asebter amenzawi

Lexṣaṣ n tnezzut, azal n 8 yimelyaṛen n yidulaṛen deg 7 wayyuren imezwura

LEZZAYER – Lmizan n tnezzut n Lezzayer yessekles yiwen n lexṣaṣ n 8,041 n yimelyaṛen n yidulaṛen deg 7 wayyuren imezwura n useggas 2015 mgal yiwen n uzadi izad s 3,964 yimelyaṛen n yidulaṛen, ma nquren-iten, deg yiwen n ukud, d useggas yezrin n 2014, i as-d-tenna i Tnegga ass n lḥedd tedbelt yerzan tabzert n sselɛa.

Asenz n sselɛa ɣer beṛṛa yessaweḍ ɣer 22,924 n yimelyaṛen n yidulaṛen gar wayyur n yennayer d yulyu 2015 mgal 38,49 n yimelyaṛen n yidulaṛen n useggas yezrin 2014 ma nsers-iten deg yiwen n ukud, aya yemla-d belli yella yiwen n uṣubbu n wazal n 40,44%, i dyenna Ulemma aɣelnaw n tsenselkimt d usiḍen n tedbelt n tebzert (Cnis).

Ma d tiwin n sselɛa seg beṛṛa, tessawḍen ɣer 30,965 n yimelyaṛen n yidulaṛen mgal 34,525 n yimelyaṛen n yidulaṛen n sa wayyuren imezwura n useggas 2014, tṣub s 10,31%.

Asenzi n sselɛa ɣer beṛṛa aseggas-a yewweḍ uzal-is ɣer 74% n uzal n sselɛa i d-nuɣ, ma nquren-it deg yiwen n ukud s aseggas yezrin, yessaweḍ uzal-is ar111%.

Asenz n upiṭrul d wayen icudden ɣer-s, yessaweḍ ɣer 94,05% n wayen akk tessenz tmurt-nneɣ ɣer beṛṛa, azal-is yewweḍ ɣer 21,559 n yimelyaṛen n yidulaṛen mgal 37,222 yimelyaṛen n yidulaṛen deg yiwen n ukud n useggas 2014 (-42,08%).