Asebter amenzawi
Yettwenɣ urebrab wis 3 deg Skikda
LDZAYER TAMANEɣT – Tisensar n yiɣallen yettwassuddsen n Yigen aɣelnaw aɣerfan nɣant arebrab wis 3 ass n lḥedd deg temnaḍt n Skikda, deg yiwet n temhelt n ufraḍ ay la ttgen yiɣallen imsellḥen n tmurt seg wass n ssebt yezrin deg temnaḍt n Ɛin Leqṣer, deg tdayṛa n Ɛin Kecra, ɣef wakken ay d-yenna uɣlif n temḥaddit taɣelnawt deg yiwen n ulɣu.
« Tamhelt n tɣara n yiɣallen yettwassuddsen n Yigen aɣelnaw aɣerfan yeqqnen ɣer uḥric amehlan n Skikda (Tamnaḍt taserdasit tis 5) sdat temdint n Ɛin Leqṣer, deg tdayṛa n Ɛin Kecra, ttwenɣen deg-s iḍelli sin n yirebraben yerna yettwalqeḍ-d deg-s leslaḥ d rrṣaṣ yerna, deffir ma tettwafreḍ temnaḍt-nni, yerna yettwenɣ urebrab wis 3 taṣebḥit n 23 Ɣuct 2015 », ɣef wakken ay d-tenna teɣbalut-a.
« Tamhelt-a mazal-itt tettkemmil yerna tewweḍ tecrawt-nnes ɣer tmenɣiwt n 3 n yirebraben d ulqaḍ n ubeckiḍ-amiṭrayut n ṣṣenf n Kalachnikov, abeckiḍ-amiṭrayut n ṣṣenf n RPK, sin n yiseččaṛen yeččuṛen d rrṣaṣ, tayuga n tsatin, rrṣaṣ d tɣawsiwin yemgerraden », ɣef wakken ay d-yerna uɣlif n temḥaddit.
