ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵍⴻⴳⴳⵉⵎⵜ: ⴼⵍⵉⵙⵙⵉ ⵢⴻⵔⴱⴻⵃ ⵜⴰⵣⴰⵍⵖⵉ ⵏ ⵡⵓⵔⴻⵖ

ⵜⵉⴳⴻⵎⵎⵉ ⵜⴰⵎⴻⵍⵍⴰⵍⵜ – ⵢⴻⵔⴱⴻⵃ ⴰⵙⵙ ⵏ ⵍⵃⴻⴷⴷ ⵎⵧⵀⴰⵎⴻⴷ ⴼⵍⵉⵙⵙⵉ (52 ⵏ ⵢⵉⴽⵉⵍⵓⴳⵕⴰⵎⴻⵏ) ⵜⴰⵣⴰⵍⵖⵉ ⵏ ⵡⵓⵔⴻⵖ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵍⴻⴳⴳⵉⵎⵜ (ⵉⵎⴻⵇⵔⴰⵏⴻⵏ, ⵉⵔⴳⴰⵣⴻⵏ) ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⴷ ⵓⵅⵚⵉⵎ ⴰⵎⴻⵕⵕⵓⴽⵉ ⴽⵀⴰⵔⵔⵧⵓⴱⵉ ⴰⵛⵀⵔⴰⴼ ⴷⴻⴳ ⵜⵏⴻⴳⴳⴰⵔⵓⵜ.

ⴷ ⵜⴰ ⴰⵢ ⴷ ⵜⴰⵣⴰⵍⵖⵉ ⵏ ⵡⵓⵔⴻⵖ ⵜⴰⵎⴻⵣⵡⴰⵔⵓⵜ ⴰⵔⴰ ⴷ-ⵜⴻⵔⴱⴻⵃ ⵍⴷⵣⴰⵢⴻⵔ ⴷⴻⴳ ⵜⴻⵍⵖⵓⵖⴰ-ⴰ, ⵢⴻⵔⵏⴰ ⵎⴰⵣⴰⵍ ⴰⴷ ⴷ-ⵉⵍⵉⵏ ⵢⵉⵎⴻⵏⵖⵉⵢⴻⵏ ⵏ 5 ⵏ ⵢⵉⴷⵣⴰⵢⵔⵉⵢⴻⵏ ⵏⵉⴹⴻⵏ ⴰⵢⴷⴻⴳ ⵢⴻⵣⵎⴻⵔ ⵍⵃⴰⵍ ⴰⴷ ⵔⵏⵓⵏⵜ ⴰⴷ ⴷ-ⵜⵜⵡⴰⵔⴻⴱⵃⴻⵏⵜ ⵜⵣⴰⵍⵖⵉⵡⵉⵏ ⵏⵉⴹⴻⵏ, ⵢⴻⵔⵏⴰ ⵡⵉ ⴷ ⵔⴻⴷⴰ ⴱⴻⵏⴱⴰⴰⵣⵉⵣ (60 ⵏ ⵢⵉⴽⵉⵍⵓⴳⵕⴰⵎⴻⵏ), ⴰⴱⴷⴻⵍⵀⴰⴼⵉⴷ ⴱⴻⵏⵛⵀⴻⴱⵍⴰ (81 ⵏ ⵢⵉⴽⵉⵍⵓⴳⵕⴰⵎⴻⵏ), ⵎⵧⵀⴰⵎⴻⴷ ⴳⵔⵉⵎⴻⵙ (ⵓⴳⴰⵔ 91 ⵏ ⵢⵉⴽⵉⵍⵓⴳⵕⴰⵎⴻⵏ), ⴰⴱⴷⴻⵍⴽⴰⴷⴻⵔ ⵛⵀⴰⴷⵉ (ⴷⴷⴰⵡ 64 ⵏ ⵢⵉⴽⵉⵍⵓⴳⵕⴰⵎⴻⵏ) ⴷ ⵛⵀⵧⵓⴰⵉⴱ ⴱⵧⵓⵍⵧⵓⴷⵉⵏⴰⵜ (91 ⵏ ⵢⵉⴽⵉⵍⵓⴳⵕⴰⵎⴻⵏ). ⵉⵍⴻⴳⴳⴰⵎⴻⵏ-ⴰ ⴰⴽⴽ ⴰⴷ ⵏⵏⴰⵖⴻⵏ ⵜⵉⵏⴻⴳⴳⵓⵔⴰ-ⵏⵙⴻⵏ ⴰⵙⵙ ⵏ ⵍⵃⴻⴷⴷ ⵖⴻⴼ 6ⵙ00 ⵏ ⵜⵎⴻⴷⴷⵉⵜ ⴷⴻⴳ ⵓⵙⵉⴷⴷⵉⵙ ⴰⵏⴰⴷⴷⴰⵍ ⵏ ⵎⵓⵃⴻⵎⵎⴻⴷ ⵡⵉⵙ 5 ⴷⴻⴳ ⵜⴳⴻⵎⵎⵉ ⵜⴰⵎⴻⵍⵍⴰⵍⵜ.

ⴷⴻⴳ ⵜⴻⵍⵖⵓⵖⴰ-ⴰ ⵏ ⵜⴻⴼⵔⵉⵇⵜ ⵏ ⵜⵍⴻⴳⴳⵉⵎⵜ, 3 ⵏ ⵢⵉⵍⴻⴳⴳⴰⵎⴻⵏ ⵉⵎⴻⵣⵡⵓⵔⴰ ⵏ ⵢⴰⵍ ⵜⴰⴳⴳⴰⵢⵜ ⵏ ⵍⵎⵉⵣⴰⵏ ⴰⴷ ⵄⴻⴷⴷⵉⵏ ⵖⴻⵔ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⴰⵔⴰ ⴷ-ⵢⵉⵍⵉⵏ ⴳⴰⵔ 8 ⴷ 18 ⵟⵓⴱⴻⵔ ⴷⴻⴳ ⴷⴷⵓⵃⴰ (ⵇⴰⵟⴰⵔ), ⵙⴰⴽⴽⵉⵏ, ⵡⵉⴷ ⴰⵔⴰ ⴷ-ⵢⴻⵣⴳⴻⵏ ⴳⴰⵔ 3 ⵉⵎⴻⵣⵡⵓⵔⴰ ⴷⵉⵏ ⴷⴻⴳ ⵢⴰⵍ ⵜⴰⴳⴳⴰⵢⵜ, ⴰⴷ ⵄⴻⴷⴷⵉⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⴷⴻ ⵊⴰⵏⴻⵉⵔⵧ ⴷⴻⴳ ⴱⵔⵉⵣⵉⵍ ⴷⴻⴳ 2016.