ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ : ⵉⵡⵓⵏⴰⴽ ⵢⴻⴷⴷⵓⴽⵍⴻⵏ ⵣⵓⵍⴻⵏ ⴷⴷⵓⵔ ⵏ ⵍⴻⵣⵣⴰⵢⴻⵔ ⵉ ’’ⵢⴻⵙⵙⴻⵎⵀⴰⵣⴻⵏ’’ ⵉⴷⴻⴳ ⵜⴻⵍⵍⴰ ‘’ⵍⴼⴰⵢⴷⴰ’’

ⵍⴻⵣⵣⴰⵢⴻⵔ – ⴰⵎⴰⵔⴰⵢ ⵏ ⵓⵡⴰⵏⴻⴽ ⴰⵎⴰⵔⵉⴽⴰⵏⵉ, ⵊⵧⵀⵏ ⴽⴻⵔⵔⵢ, ⵉⵣⵓⵍ, ⴷⴻⴳ ⵢⵉⵡⴻⵜ ⵏ ⵜⴻⴱⵔⴰⵜ ⵉ ⴷ-ⵢⵓⵣⴻⵏ ⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵢⵉⵡⵓⵏⴰⴽ ⵏ ⵜⴻⵎⵖⵓⵏⵜ ⵜⴰⵄⵔⴰⴱⵜ ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵜⴰⵎⵍⵉⵍⵜ (ⴷⴷⵓⵔ) ⵏ ⵍⴻⵣⵣⴰⵢⴻⵔ ⵉ ’’ⵢⴻⵙⵙⴻⵎⵀⴰⵣⴻⵏ’’ ⵉⴷⴻⴳ ⵜⴻⵍⵍⴰ ‘’ⵍⴼⴰⵢⴷⴰ’’ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵏⵏⵓⵖ ⴰⵎⴰⴹⵍⴰⵏ ⵎⴳⴰⵍ ⵔⵔⴻⴱⵔⴰⴱ, ⵉⵙⴻⵏⴼⴰⵍⵉ-ⴷ ⴱⴻⵖⵖⵓ ⵏ ⵜⵎⵓⵔⵜ-ⵉⵙ ⴰⴽⴽⴻⵏ ⴰⴷ ⵉⵎⴰⵀⴻⵍ ⵙ ’’ⵜⴻⵍⵇⴻⵢ’’ ⴰⴽⴽⴻⴷ ⵍⴻⵣⵣⴰⵢⴻⵔ ⴷⴻⴳ ⵜⴰⵖⵓⵍⵜ-ⴰ.

’ⴱⵖⵉⵖ ⴰⴷ ⵙⵏⴻⵎⵎⵔⴻⵖ ⵙⴻⴳ ⵡⵓⵍ, ⴰⵏⴰⴱⴰⴹ-ⵏⵡⴻⵏ ⴷ ⵓⵙⴻⵍⵡⴰⵢ ⵏ ⵍⴻⵣⵣⴰⵢⴻⵔ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⵎⵉ ⵜⵅⴻⴷⵎⴻⵎ ⴰⵙⴰⵔⴰⴳ ⵖⴻⴼ ⵜⵓⴽⴽⵙⴰ ⵏ ⵜⵉⵟⵟⵓⵔⴼⴰ ⴰⵙⵙ ⵏ 22 ⴷ 23 ⵢⵓⵍⵢⵓ ⵢⴻⵣⵔⵉⵏ’’, ⵉ ⴷ-ⵢⴻⵏⵏⴰ ⵎⴰⵙⵙ ⴽⴻⵔⵔⵢ ⴷⴻⴳ ⵜⴻⴱⵔⴰⵜ-ⵉⵙ, ⵜⴻⵡⵡⴻⴹ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵜⴻⵍⵙⴰⵔⵓⵜ-ⵉⵙ ⵖⴻⵔ ⵜⵏⴻⴳⴳⴰ.

ⴰⵖⴻⵍⵍⴰ ⵏ ⵜⴷⵉⵒⵍⵓⵎⴰⵙⵉⵜ ⵜⴰⵎⴰⵔⵉⴽⴰⵏⵉⵜ ⵢⴻⵏⵏⴰ-ⴷ ⴱⴻⵍⵍⵉ ‘’ⴰⵙⴰⵔⴰⴳ ⵢⴻⵙⵙⴻⵎⵀⴻⵣ ⵜⴰⵎⵓⵖⵍⵉ ⵜⴰⵎⴰⵜⵓⵜ ⵖⴻⴼ ⵜⴰⵣⴻⵔⵜ ⴷ ⵓⵣⵔⴰⵄ ⵏ ⵜⵉⵟⵟⵓⵔⴼⴰ ⵜⵓⴽⵔⵉⴹⵜ ⴷ ⵓⵙⴻⴱⵖⴻⵙ ⵏ ⵢⵉⵏⴰⴱⴰⴹⴻⵏ ⴷ ⵜⵓⴷⴷⵙⵉⵡⵉⵏ ⵏⵏⵉⴹⴻⵏ ⴰⴽⴽⴻⵏ ⴰⴷ ⴽⴽⵉⵏⵜ ⴷⴻⴳ ⵓⵎⵓⵙⵙⵓ ⴰⵎⴰⴹⵍⴰⵏ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⵟⵟⵓⵔⴼⴰ ⵜⵓⴽⵔⵉⴹⵜ (ⵛⵠⴻ)’’.