Asebter amenzawi

Amennuɣ mgal rrebrab : Iwunak Yedduklen zulen ddur n Lezzayer i ’’yessemhazen’’ ideg tella ‘’lfayda’’

LEZZAYER – Amaray n Uwanek amarikani, John Kerry, izul, deg yiwet n tebrat i d-yuzen i uneɣlaf n Tɣawsiwin n tmazɣa, n Tdukli tafriqit d Yiwunak n temɣunt taɛrabt Abdelkader Messahel, tamlilt (ddur) n Lezzayer i ’’yessemhazen’’ ideg tella ‘’lfayda’’ deg wayen yerzan amennuɣ amaḍlan mgal rrebrab, isenfali-d beɣɣu n tmurt-is akken ad imahel s ’’telqey’’ akked Lezzayer deg taɣult-a.

’Bɣiɣ ad snemmreɣ seg wul, anabaḍ-nwen d uselway n Lezzayer, Mass Abdelaziz Bouteflika, imi txedmem asarag ɣef tukksa n tiṭṭurfa ass n 22 d 23 yulyu yezrin’’, i d-yenna Mass Kerry deg tebrat-is, tewweḍ-d ass n letniyen telsarut-is ɣer Tnegga.

Aɣella n tdiplumasit tamarikanit yenna-d belli ‘’asarag yessemhez tamuɣli tamatut ɣef tazert d uzraɛ n tiṭṭurfa tukriḍt d usebɣes n yinabaḍen d tuddsiwin nniḍen akken ad kkint deg umussu amaḍlan n umennuɣ mgal tiṭṭurfa tukriḍt (CVE)’’.