ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵀⴰⴰⴱⴰⵏⴻ (ⴰⵙⵏⴰⵙⵖⴻⵍ) ⴷ ⵧⵓⴰⴽⴰⵍⵉ (ⵜⵉⵖⵉⵍⵜ) ⵜⵜⵡⴰⵄⴰⵇⴱⴻⵏ ⵖⴻⴼ ⵓⵙⵙⴻⵇⴷⴻⵛ ⵏ ⵢⵉⵙⴻⴵⵀⴰⴷⴻⵏ

ⵍⴻⵣⵣⴰⵢⴻⵔ – ⴰⵎⴻⵙⵏⴰⵙⵖⴰⵍ ⵀⵉⵛⵀⴻⵎ ⵛⵀⴰⴰⴱⴰⵏⴻ ⴷ ⵓⵎⵏⴻⵖ ⵏ ⵜⵉⵖⵉⵍⵜ ⴰⴱⴷⴻⵍⴽⵔⵉⵎ ⵧⵓⴰⴽⴰⵍⵉ ⵜⵜⵡⴰⵙⵙⴰⴳⵍⴻⵏ 4 ⵏ ⵢⵉⵙⴻⴳⴳⴰⵙⴻⵏ ⵉⵎⵉ ⵓⵔ ⵇⵓⴷⵔⴻⵏ ⴰⵔⴰ ⵉⵍⵓⴳⴰⵏ ⵢⴻⵜⵜⵃⴰⵕⴰⴱⴻⵏ ⴰⵙⵙⴻⵇⴷⴻⵛ ⵏ ⵢⵉⵙⴻⴵⵀⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵃⴰⵕⴻⴱ ⵏ ⵢⵉⵙⴻⴵⵀⴰⴷⴻⵏ (ⵛⵏⴰⴷ).

« ⴰⵙⴻⵇⵇⴰⵎⵓ ⵏ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵕⵕⴰⵢ ⵢⴻⵙⵙⴻⴱⵟⴻⵍ ⵍⴻⵕⵢⵓⵢ-ⵏⵏⵉ ⴰⵢ ⵉⵄⴻⴷⴷⴰⵏ ⵏ ⵓⵙⴻⵇⵇⴰⵎⵓ ⵏ ⵜⵓⴳⵔⵉⵏⵜ ⵏ ⵛⵏⴰⴷ ⴰⵢⴷⴻⴳ ⵀⵉⵛⵀⴻⵎ ⵛⵀⴰⴰⴱⴰⵏⴻ ⵃⴻⴽⵎⴻⵏ-ⴰⵙ ⴰⴷ ⵢⴻⵜⵜⵡⴰⴳⴻⵍ 18 ⵏ ⵡⴰⵢⵢⵓⵔⴻⵏ, ⵎⴰ ⴷ ⴰⴱⴷⴻⵍⴽⵔⵉⵎ ⵧⵓⴰⴽⴰⵍⵉ ⴰⴷ ⵢⴻⵜⵜⵡⴰⵙⵙⵉⴳⴻⵍ ⵙ 6 ⵏ ⵡⴰⵢⵢⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴰⵙⵙⵉⴳⴻⵍ ⵏ ⵀⵉⵛⵀⴻⵎ ⵛⵀⴰⴰⴱⴰⵏⴻ ⵢⴻⴱⴷⴰ-ⴷ ⵙⴻⴳ 23 ⵢⴻⴱⵔⵉⵔ 2015, ⵎⴰ ⴷ ⵡⵉⵏ ⵏ ⵧⵓⴰⴽⴰⵍⵉ ⵢⴻⴱⴷⴰ-ⴷ 12 ⵎⴻⵖⵔⴻⵙ 2015.

ⵎⴻⵏⵖⵉⵔ ⴰⵙⵙⵉⴳⴻⵍ ⵏ 4 ⵏ ⵢⵉⵙⴻⴳⴳⴰⵙⴻⵏ (48 ⵏ ⵡⴰⵢⵢⵓⵔⴻⵏ) ⵏ ⵢⵉⵏⴰⴷⴷⴰⵍⴻⵏ-ⴰ, ⴰⴽⴽ ⵉⴳⵎⴰⴹ-ⵏⵙⴻⵏ ⴷⴻⴳ ⵜⴻⵎⵙⵉⵣⴻⵡⵔⵉⵏ ⵜⵜⵡⴰⴱⴻⵟⵍⴻⵏ ⵙⴻⴳ 24 ⵎⴻⵖⵔⴻⵙ 2015 ⵉ ⵛⵀⴰⴰⴱⴰⵏⴻ ⴷ 12 ⵎⴻⵖⵔⴻⵙ ⵉ ⵧⵓⴰⴽⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴰⵎⴻⵙⵏⴰⵙⵖⴰⵍ ⵀⵉⵛⵀⴻⵎ ⵛⵀⴰⴰⴱⴰⵏⴻ ⵜⵓⴼⴰ-ⵜ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵃⴰⵕⴻⴱ ⵏ ⵢⵉⵙⴻⴵⵀⴰⴷⴻⵏ ⴷⴰⴽⴽⴻⵏ ⵢⴻⵙⵙⴻⵇⴷⴻⵛ ⵉⵙⴻⴵⵀⴰⴷⴻⵏ ⵏ ⴻⵒⵧ (ⵜⵉⵔⵉⵜⵕⵓⵒⵓⵢⵉⵜⵉⵏⵜ) ⴷ ⵜⵎⵉⵜⵉⵍⵒⵔⵉⴷⵏⵉⵙⵓⵍⵓⵏⵜ (ⴰⴳⵍⵓⴽⵓⴽⵓⵕⵜⵉⴽⵓⵢⵉⴷ) ⵎⵉ ⴰⵙ-ⵙⵄⴻⴷⴷⴰⵏ ⴰⴽⴰⵢⴰⴷ ⴷⴻⴳ ⵇⵙⴻⵏⵟⵉⵏⴰ ⴰⵙⵙ ⵏ 24 ⵎⴻⵖⵔⴻⵙ, ⴷ ⵓⴽⴰⵢⴰⴷ ⵏⵉⴹⴻⵏ ⴷⴻⴳ ⵄⴻⵏⵏⴰⴱⴰ ⴰⵙⵙ ⵏ 28 ⵎⴻⵖⵔⴻⵙ ⴷⴻⴳ ⵜⵓⵣⵣⵢⴰ ⵏ ⵍⴷⵣⴰⵢⴻⵔ ⵏ ⵓⵙⵏⴰⵙⵖⴻⵍ ⵏ 2015.

ⵎⴰ ⴷ ⴰⵏⴰⴷⴷⴰⵍ ⵏ ⵜⵉⵖⵉⵍⵜ, ⴰⴱⴷⴻⵍⴽⵔⵉⵎ ⵧⵓⴰⴽⴰⵍⵉ, ⵜⴻⵙⵙⴻⴼⵇⴻⴷ-ⵉⵜ ⵜⵙⴻⵇⵇⴰⵎⵓⵜ ⵢⴻⵔⵏⴰ ⵜⵓⴼⴰ-ⵜ-ⵉⴷ ⵉⴳⴰ ⵜⴰⴼⵓⵕⵓⵙⵉⵎⵉⴷⵜ ⴷⴻⴼⴼⵉⵔ ⵢⵉⵡⴻⵏ ⵏ ⵓⴽⴰⵢⴰⴷ ⴷⴻⴳ ⵍⴷⵣⴰⵢⴻⵔ ⴷⴻⴳ 14 ⴼⵓⵕⴰⵕ 2015, ⵎⵉ ⵢⴻⵜⵜⴻⴽⴽⴰ ⴷⴻⴳ ⵜⴻⵍⵖⵓⵖⴰ ⵜⴰⵖⴻⵍⵏⴰⵜ ⵏ ⵜⵉⵖⵉⵍⵜ ⵏ 2015.