ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴽⵔⴰ ⵏ ⵢⵉⵙⵉⵏⴰⵜⵓⵔⴻⵏ ⵉⵎⴰⵔⵉⴽⴰⵏⵉⵢⴻⵏ ⵇⴻⴱⵍⴻⵏ ⴰⵎⵜⴰⵡⴰ ⵏ ⵉⵕⴰⵏ (ⴰⵅⵅⴰⵎ ⴰⵎⴻⵍⵍⴰⵍ)
ⵡⴰⵛⵉⵏⵜⵓⵏ – ⵎⵔⴰⵡ ⵙⴻⵎⵎⵓⵙ (15) ⵏ ⵢⵉⵙⵉⵏⴰⵜⵓⵔⴻⵏ ⴰⵢ ⴷ-ⵢⴻⵙⵙⴻⵏⴼⴰⵍⵉⵏ ⴰⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ ⵖⴻⴼ ⵡⴰⵀⵉⵍ ⵉⵎⵉⵖⴻⵙ ⵏ ⵉⵕⴰⵏ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴰⵙⵙ ⵏ 14 ⵢⵓⵍⵢⵓ ⴳⴰⵔ ⵉⵕⴰⵏ ⴷ ⵜⵏⴻⵣⵎⴰⵔⵉⵏ ⵜⵉⵎⴻⵇⵔⴰⵏⵉⵏ ⴷⴻⴼⴼⵉⵔ 2 ⵏ ⵢⵉⵙⴻⴳⴳⴰⵙⴻⵏ ⵏ ⵍⴻⵎⵛⴰⵡⵕⴰⵜ ⵜⵉⵡⴻⵄⵕⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵅⵅⴰⵎ ⴰⵎⴻⵍⵍⴰⵍ.
« ⵏⵡⴰⵍⴰ ⴷⴰⴽⴽⴻⵏ 15 ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⵉⵏⴰⵜ ⴰⵎⴰⵔⵉⴽⴰⵏⵉ ⴰⵢ ⴷ-ⵢⴻⵙⵙⴻⴽⵏⴻⵏ ⴰⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷ ⵉⵕⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵊⵧⵙⵀ ⴻⴰⵔⵏⴻⵙⵜ, ⴰⵏⴻⵟⵟⴰⵇ ⵏ ⵓⵅⵅⴰⵎ ⴰⵎⴻⵍⵍⴰⵍ.
ⴳⴰⵔ ⵢⵉⵙⵉⵏⴰⵜⵓⵔⴻⵏ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⴰⵜⵏⵉ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ-ⴰ ⵢⴻⵍⵍⴰ ⵀⴰⵔⵔⵢ ⵔⴻⵉⴷ, ⴰⵖⴻⵍⵍⴰ ⵏ ⵜⴷⴻⵔⵙⵉ ⵜⴰⵎⴻⴳⴷⵓⵜⵏ ⵏ ⵓⵙⵉⵏⴰⵜ, ⴷ ⵜⵙⵉⵏⴰⵜⵓⵔⵜ ⴷⴻⴱⴱⵉⴻ ⵙⵜⴰⴱⴻⵏⵧⵡ, ⵙⴻⴳ ⵎⵉⵛⵀⵉⴳⴰⵏ.
ⴰⵖⴻⵍⵍⴰ ⵏ ⵜⴻⴳⵜⵉ ⵜⴰⴳⴷⵓⴷⴰⵏⵜ ⵏ ⵓⵙⵉⵏⴰⵜ, ⵎⵉⵜⵛⵀ ⵎⵛⵛⵧⵏⵏⴻⵍⵍ, ⵉⵡⴻⵜ-ⴷ ⴷⴻⴳ ⵓⵙⴻⵍⵡⴰⵢ ⴱⴰⵔⴰⵛⴽ ⵧⴱⴰⵎⴰ ⵖⴻⴼ ⵡⴰⵎⴻⴽ ⴰⵢ ⵢⴻⵙⵙⴻⴷⴷⴰ ⵍⴻⵎⵛⴰⵡⵕⴰⵜ ⴷ ⵉⵕⴰⵏ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⵎⵛⴰⵡⵕⴰⵜ-ⵏⵏⵉ ⴷⴷⴰⵏⵜ ⵖⴻⴼ ⵍⴻⵃⵙⴰⴱ ⵏ « ⵜⵎⵓⵖⵍⵉ ⵢⴻⵛⵛⴹⴻⵏ, ⴷ ⵜⵉⵏ ⴰⵢ ⵉⵃⵓⴽⵕⴻⵏ ⴰⴷ ⵏⴻⵙⵙⵉⵡⴻⴹ ⵖⴻⵔ ⵓⵎⵜⴰⵡⴰ ⵢⴻⵍⵀⴰⵏ ⴰⴽⴽ ⴻⴷ ⵉⵕⴰⵏ, ⵢⵉⵍⵉ, ⴷⴻⴳ ⵜⵉⴷⴻⵜ, ⵉⵙⵡⵉ-ⵏⵏⴻⵖ ⴰⵖⴻⵍⵏⴰⵡ ⵏⴻⵜⵜⴰ ⴷ ⴰⵃⴱⴰⵙ ⵏ ⵡⴰⵀⵉⵍ ⵉⵎⵉⵖⴻⵙ ⵏ ⵉⵕⴰⵏ ».
ⴰⵎⴰⵔⵓ ⵏ ⵓⵡⴰⵏⴰⴽ, ⵊⵧⵀⵏ ⴽⴻⵔⵔⵢ, ⵢⴻⵏⵏⴰ-ⴷ ⵢⴰⴳⵉ ⴷⴰⴽⴽⴻⵏ ⵜⴰⴳⵏⵉⵜ ⵉⴳⴻⵔⵔⵣⴻⵏ ⴰⴽⴽ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵢⵉⵎⵉⵖⴻⵙ ⵏ ⵉⵕⴰⵏ ⵏⴻⵜⵜⴰⵜ ⴷ ⵍⴻⵎⵛⴰⵡⵕⴰⵜ, ⵢⴻⵔⵏⴰ ⵎⴰ ⵢⵓⴳⵉ ⵓⵛⵧⵏⴳⵔⴻⵙⵙ ⴰⵎⵜⴰⵡⴰ-ⴰ, ⵍⵎⴻⴵⵀⵓⴷ-ⴰ ⴰⴷ ⵢⴻⴷⵔⴻⵎ.
ⴰⵛⵧⵏⴳⵔⴻⵙⵙ ⵢⴻⵍⵀⴰ-ⴷ ⵓⵙⵙⴰⵏ-ⴰ ⵙ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⵎⵜⴰⵡⴰ-ⴰ, ⵢⴻⵔⵏⴰ ⵛⵛⵖⴻⵍ-ⴰ ⴰⴷ ⵢⴻⴹⴹⴻⴼ 60 ⵏ ⵡⵓⵙⵙⴰⵏ. ⵎⴰⵙⵙ ⵧⴱⴰⵎⴰ ⵉⵄⵓⵀⴻⴷ ⴰⴷ ⵢⴻⵙⵙⴻⵇⴷⴻⵛ ⴰⵣⵔⴻⴼ-ⵏⵏⴻⵙ ⵏ ⵓⵠⵉⵟⵓ ⵎⴳⴰⵍ ⵕⵕⴰⵢ ⵏ ⵓⵛⵧⵏⴳⵔⴻⵙⵙ ⵎⴰ ⵢⴻⵍⵍⴰ ⴰⵏⴻⴳⴳⴰⵔⵓ-ⴰ ⵢⴻⵄⵣⴻⵎ ⴰⴷ ⵢⴻⵔⴳⴻⵍ ⴰⴱⵔⵉⴷ ⵉ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⵏⵏⵉ ⴷ ⵉⵕⴰⵏ.
ⴷ ⴰⵛⵓ ⴽⴰⵏ, ⵍⴻⵎⵎⴻⵔ ⵙⵉⵏ ⵏ ⵢⵉⵎⵓⵔⴻⵏ ⵖⴻⴼ 3 ⵙⴻⴳ ⵓⵙⵉⵏⴰⵜ ⴷ ⵜⴻⵅⵅⴰⵎⵜ ⵏ ⵢⵉⴳⴻⵏⵙⴰⵙⴻⵏ ⴰⴷ ⴷⴻⵖⵔⴻⵏ (ⴰⴷ ⴱⴱⵓⵟⵉⵏ) ⵎⴳⴰⵍ ⵓⵎⵜⴰⵡⴰ-ⴰ, ⴷ ⵕⵕⴰⵢ-ⵏⵙⴻⵏ ⴰⵔⴰ ⵉⵄⴻⴷⴷⵉⵏ ⵢⴻⵔⵏⴰ ⴰⵠⵉⵟⵓ ⵏ ⵓⵙⴻⵍⵡⴰⵢ ⵓⵔ ⵉⵙⴻⵄⵄⵓ ⴰⵔⴰ ⴰⵣⴰⵍ.
