ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵎⴻⵕⵕⵓⴽ ⵜⵓⴳⵉ ⴰⴷ ⵜⴻⵃⵜⴻⵛ ⵖⴻⴼ ⵜⵎⴻⵜⵜⴰⵏⵜ ⵏ ⵢⵉⵚⴻⵃⵔⴰⵡⵉⵢⴻⵏ (ⵛⵧⴷⴻⵙⴰ)
ⵍⴻⵄⵢⵓⵏ ⵢⴻⵜⵜⵡⴰⴹⴹⴼⴻⵏ – ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⵎⴰⵣⴰⵍ ⵓⵔ ⵙⵜⴻⵄⵕⴼⴻⵏ ⴰⵔⴰ ⵙ ⵓⵛⵛⴻⵜⴽⵉ ⴳⴰⵏⵜ ⵜⵡⴰⵛⵓⵍⵉⵏ ⵏ ⵢⵉⵚⴻⵃⵔⴰⵡⵉⵢⴻⵏ ⴰⵢ ⴷ-ⵢⴻⵙⵙⵓⵜⵔⴻⵏ ⴰⴷ ⴷ-ⵜⵉⵍⵉ ⵜⵙⴻⵙⵜⴰⵏⵜ ⵜⴰⵔⴰⵡⵙⴰⵏⵜ ⵖⴻⴼ ⵡⴰⵎⴻⴽ ⴰⵢ ⵎⵎⵓⵜⴻⵏ ⵡⴰⵔⵔⴰⵡ-ⵏⵙⴻⵏⵜ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴻⵎⴷⵉⵏⵉⵏ ⵏ ⵎⴻⵕⵕⵓⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵜⵏⴻⴳⴳⴰ ⵜⴰⵚⴻⵃⵔⴰⵡⵉⵜ ⵏ ⵢⵉⵙⴰⵍⴰⵏ ⵙⵒⵙ.
ⴰⵣⴰⵍ ⵏ 10 ⵏ ⵜⵡⴰⵛⵓⵍⵉⵏ ⴰⵢ ⵢⴻⵛⵛⴻⵜⴽⴰⵏ ⴷⴻⴳ ⵢⵉⵅⵅⴰⵎⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵛⵛⵕⴻⵄ ⵏ ⵎⴻⵕⵕⵓⴽ ⴰⴽⴽⴻⵏ ⴰⴷ ⴷ-ⵙⵙⵓⵜⵔⴻⵏⵜ ⴰⴷ ⴷ-ⵉⵍⵉⵏⵜ ⵜⵙⴻⵙⵜⴰⵏⵉⵏ ⵖⴻⴼ ⵜⵎⴻⵜⵜⴰⵏⵜ ⵏ ⵡⴰⵛⵃⴰⵍ ⵏ ⵢⵉⵍⴻⵎⵥⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵢⵉⴽⴰⵍⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⵜⴻⴹⴹⴻⴼ ⵎⴻⵕⵕⵓⴽ.
ⴰⵎⴰⵣⴷⴰⵢ ⵏ ⵢⵉⵎⵃⵉⴷⴷⴰⵏ ⵉⵚⴻⵃⵔⴰⵡⵉⵢⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵛⵧⴷⴻⵙⴰ) ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵏ ⵏ ⵓⵍⵖⵓ, ⴷⴰⴽⴽⴻⵏ « ⵓⵍⴰ ⵎⴰ ⵜⵉⵡⴰⵛⵓⵍⵉⵏ ⵏ ⵡⵉⴷ ⵢⴻⵎⵎⵓⵜⴻⵏ ⵛⵛⴻⵜⴽⴰⵏⵜ », ⵉⴷⵓⴱⴰ ⵏ ⵜⴻⵖⴷⴻⵎⵜ ⵜⴰⵎⴻⵕⵕⵓⴽⵉⵜ ⵎⴰⵣⴰⵍ ⵓⴳⵉⵏ ⴰⴷ ⴷ-ⵔⵔⴻⵏ ⵖⴻⴼ ⵓⵙⵙⵓⵜⴻⵔ ⵏ ⵜⵡⴰⵛⵓⵍⵉⵏ-ⴰ, ⵢⴻⵔⵏⴰ ⴼⴽⴰⵏ-ⴷ ⵜⵜⴻⵙⵔⵉⵃⴰⵜ ⵉ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴰⴽⴽⴻⵏ ⴰⴷ ⵎⴻⴹⵍⴻⵏ ⵉⵎⴷⴰⵏⴻⵏ-ⵏⵏⵉ ⴰⵢ ⵢⴻⵎⵎⵓⵜⴻⵏ ⵓⵍⴰ ⵎⴰ ⵖⴰⴱⴻⵏⵜ ⵜⵡⴰⵛⵓⵍⵉⵏ-ⵏⵙⴻⵏ.
