Asebter amenzawi

Aneẓruf Utrim: Meṛṛuk tugi ad teḥtec ɣef tmettant n Yiṣeḥrawiyen (CODESA)

LEƐYUN YETTWAḌḌFEN – Iduba imeṛṛukiyen mazal ur steɛṛfen ara s uccetki gant twaculin n yiṣeḥrawiyen ay d-yessutren ad d-tili tsestant tarawsant ɣef wamek ay mmuten warraw-nsent deg yikalen yettwaḍḍfen n Uneẓruf Utrim d temdinin n Meṛṛuk, ɣef wakken ay d-yenna tnegga taṣeḥrawit n yisalan SPS.

Azal n 10 n twaculin ay yeccetkan deg yixxamen yemgerraden n ccṛeɛ n Meṛṛuk akken ad d-ssutrent ad d-ilint tsestanin ɣef tmettant n wacḥal n yilemẓiyen iṣeḥrawiyen deg yikalen n Uneẓruf Utrim ay teḍḍef Meṛṛuk.

Amazday n yimḥiddan iṣeḥrawiyen n yizerfan n umdan (CODESA) yenna-d, deg yiwen n ulɣu, dakken « ula ma tiwaculin n wid yemmuten ccetkant », iduba n teɣdemt tameṛṛukit mazal ugin ad d-rren ɣef ussuter n twaculin-a, yerna fkan-d ttesriḥat i yiduba imeṛṛukiyen akken ad meḍlen imdanen-nni ay yemmuten ula ma ɣabent twaculin-nsen.