ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴳⴷⵓⵜ ⴷ ⵓⵎⴻⵏⵏⵓⵖ ⵎⴳⴰⵍ ⵜⵉⵟⵟⵓⵔⴼⴰ : ⴰⵎⴰⵀⵉⵍ ⵜⴻⵎⵀⴻⵍ ⵍⴻⵣⵣⴰⵢⴻⵔ ⵢⴻⵙⵄⴰ ’’ⴰⵣⴰⵍ ⴰⵎⴻⵇⵔⴰⵏ’’

ⵍⴻⵣⵣⴰⵢⴻⵔ – ⵜⴰⵏⴻⵎⵀⴰⵍⵜ ⵜⴰⵙⴻⵍⴽⴰⵎⵜ ⵏ ⵜⴻⴷⵔⵓⵜ ⵏ ⵢⵉⵖⵍⴰⵍⴻⵏ ⵢⴻⴷⴷⵓⴽⵍⴻⵏ ⵉ ⵜⵓⴳⴷⵓⵜ (ⴼⵏⵓⴷ), ⴰⵏⵏⵉⴽⴰ ⵙⴰⵠⵉⵍⵍⴻ, ⵜⴻⴼⵙⴻⵔ-ⴷ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ, ⴰⵎⴰⵀⵉⵍ ⵢⴻⵙⵄⴰⵏ ’’ⴰⵣⴰⵍ ⴰⵎⴻⵇⵔⴰⵏ’’ ⵉ ⵜⴻⵎⵀⴻⵍⵜ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴳⴷⵓⵜ ⴷ ⵓⵎⴻⵏⵏⵓⵖ ⵎⴳⴰⵍ ⵜⵉⵟⵟⵓⵔⴼⴰ, ⵜⴻⵙⵏⴻⴱⴳⵉ-ⵜⵜ ⴰⴽⴽⴻⵏ ⴰⴷ ⵜⴻⵎⵎⴻⵍ ⵜⴰⵔⵎⵉⵜ-ⴰ ⵉ ⵜⵎⵓⵔⴰ ⵏⵏⵉⴹⴻⵏ.

‘’ⴰⵎⴰⵀⵉⵍ ⵉ ⵜⴻⵎⵀⴻⵍ ⵍⴻⵣⵣⴰⵢⴻⵔ ⵢⴻⵙⵄⴰ ⴰⵣⴰⵍ ⴰⵎⴻⵇⵔⴰⵏ, ⵜⴰⵔⵎⵉⵜ-ⵉⵙ ⵜⴻⴽⵍⴰⵍ ⴰⴷ ⵜⵜ-ⵜⴻⵎⵎⴻⵍ ⵉ ⵜⴻⵎⵏⴰⴹⵜ ⴷ ⵡⴰⴽⴽ ⴰⵎⴰⴹⴰⵍ’’, ⵉ ⴷ-ⵜⴻⵏⵏⴰ ⵎⴰⵙⵙⴰ ⵙⴻⵠⵉⵍⵍⴻ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵎⴻⵏⴹⴰⵡⴰⵏ, ⵎⵧⵓⵔⴰⴷ ⵎⴻⴷⴻⵍⵛⵉ.

‘’ⴰⵟⴰⵙ ⵏ ⵜⴻⵎⵙⵉⵔⵉⵏ ⴰⵔⴰ ⵏⴻⵍⵎⴻⴷ ⵙⴻⴳ ⵜⴻⵔⵎⵉⵜ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴳⴷⵓⵜ ⴷ ⵓⵎⴻⵏⵏⵓⵖ ⵎⴳⴰⵍ ⵜⵉⵟⵟⵓⵔⴼⴰ’’, ⵉ ⴷ-ⵜⴻⵏⵏⴰ, ⵜⴻⵜⵜⵡⴰⵍⵉ ⴱⴻⵍⵍⵉ ⵍⴻⵣⵣⴰⵢⴻⵔ ‘’ⴰⵟⴰⵙ ⵉ ⵜⴻⵍⵎⴻⴷ ⵙⴻⴳ ⵜⴻⵔⵎⵉⵜ-ⵉⵙ ⵏ ⵢⵉⵙⴻⴳⴳⴰⵙⴻⵏ 1990’’.

ⵜⴰⵙⴻⵍⵡⴰⵢⵜ ⵏ ⴼⵏⵓⴷ ⵜⴻⵏⵏⴰ-ⴷ ⴱⴻⵍⵍⵉ ⵀⴰ-ⵜⵜ-ⴰⵏ ⵜⴻⵙⵜⵓⴼⴰ-ⴷ ⵉ ⵓⵎⴰⵀⵉⵍ ⴷ ⵓⵙⵇⴰⵎⵓ ⴰⵎⴻⵏⴹⴰⵡⴰⵏ ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵏ ⵍⴼⴰⵢⴷⴰ ⵉ ⴰⵖ-ⵉⵛⴻⵔⴽⴻⵏ.

ⵜⴰⵏⴻⵎⵀⴰⵍⵜ ⵜⴰⵙⴻⵍⴽⴰⵎⵜ ⵏ ⵜⴻⴷⵔⵓⵜ ⵏ ⵢⵉⵖⵍⴰⵍⴻⵏ ⵢⴻⴷⴷⵓⴽⵍⴻⵏ ⵉ ⵜⵓⴳⴷⵓⵜ (ⴼⵏⵓⴷ) ⵢⴻⵍⵍⴰⵏ ⵜⵓⵔⴰ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ ⵙⴻⴳ 23 ⴰⵔ 29 ⵖⵓⵛⵜ, ⴷⴻⴳ ⵓⴽⴰⵜⴰⵔ ⵏ ⵓⵙⴻⴵⵀⴻⴷ ⵏ ⵓⵎⴻⴷⵀⴻⵍ ⵓⵛⵔⵉⴽ ⴳⴻⵔ ⵍⴻⵣⵣⴰⵢⴻⵔ ⴷ ⵓⵏⴰⴳⵔⴰⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ.