Asebter amenzawi

Tugdut d umennuɣ mgal tiṭṭurfa : amahil temhel Lezzayer yesɛa ’’azal ameqran’’

LEZZAYER – Tanemhalt taselkamt n Tedrut n Yiɣlalen Yedduklen i tugdut (FNUD), Annika Saville, tefser-d, ass n ttlata deg Lezzayer, amahil yesɛan ’’azal ameqran’’ i temhelt Lezzayer deg wayen yerzan tugdut d umennuɣ mgal tiṭṭurfa, tesnebgi-tt akken ad temmel tarmit-a i tmura nniḍen.

‘’Amahil i temhel Lezzayer yesɛa azal ameqran, tarmit-is teklal ad tt-temmel i temnaḍt d wakk amaḍal’’, i d-tenna Massa Seville deg yiwen n udiwenni d uselway n Usqamu amenḍawan, Mourad Medelci.

‘’Aṭas n temsirin ara nelmed seg termit n Lezzayer deg wayen yerzan tugdut d umennuɣ mgal tiṭṭurfa’’, i d-tenna, tettwali belli Lezzayer ‘’aṭas i telmed seg termit-is n yiseggasen 1990’’.

Taselwayt n FNUD tenna-d belli ha-tt-an testufa-d i umahil d Usqamu amenḍawan ɣef wayen yerzan tuttriwin n lfayda i aɣ-icerken.

Tanemhalt taselkamt n Tedrut n Yiɣlalen Yedduklen i tugdut (FNUD) yellan tura deg yiwet n tirzi n umahil ɣer Lezzayer seg 23 ar 29 ɣuct, deg ukatar n useǧhed n umedhel ucrik ger Lezzayer d unagraw n Yiɣlanen Yedduklen.