ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴳⵔⴰⵡⵍⴰ ⵏ ⵍⴷⵣⴰⵢⴻⵔ: ⵢⴻⴱⴷⴰ ⵢⵉⵎⴻⵏⵖⵉ ⴷⴻⴳ ⴼⵕⴰⵏⵙⴰ ⴷⴻⴳ 1956

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵓⵔ ⵢⴻⴱⴷⵉ ⴰⵔⴰ ⵢⴻⵜⵜⵃⴰⵣ ⴼⵕⴰⵏⵙⴰ ⴷⴻⴳ ⵡⴰⴽⴰⵍ-ⵏⵏⴻⵙ ⴷⴻⴳ 25 Ɣⵓⵛⵜ 1958, ⵡⴰⵏⴰⴳ ⵢⴻⴱⴷⴰ-ⴷ ⵢⴰⴳⵉ ⴳⴰⵔ 1956 ⴷ 1957, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵓⵏⵎⴻⵣⵔⵓⵢ ⴷⴰⵀⵧ ⴷⵊⴻⵔⴱⴰⵍ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵜⴻⴷⵢⴰⵏⵉⵏ ⵏ ⵜⴰⵍⵍⵉⵜ-ⴰ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.

« ⴰⵔⵥⴰⵎ ⵏ ⵓⴷⵎⴰⵔ ⵡⵉⵙ ⵙⵉⵏ (ⵏ ⵜⴻⴳⵔⴰⵡⵍⴰ) ⴷ ⵜⴰⴷⵢⴰⵏⵜ ⵜⴰⵙⴻⵔⵜⵉⵜ ⴰⵢ ⵢⴻⵙⵄⴰⵏ ⴰⵣⴰⵍ ⴷⴻⴳ ⵢⵉⵎⴻⵏⵖⵉ ⵉ ⵍⵎⴻⵏⴷ ⵏ ⵓⵣⴰⵔⵓⴳ ⵏ ⵍⴷⵣⴰⵢⴻⵔ, ⵢⴻⵔⵏⴰ ⴰⵢⴰ ⴷ ⴰⵏⴻⵄⵔⵓⴹ ⵡⵉⵙ ⵙⵉⵏ, ⵉⵎⵉ ⴰⵏⴻⵄⵔⵓⴹ ⴰⵎⴻⵣⵡⴰⵔⵓ (ⵏ ⵓⵙⵙⵉⵡⴻⴹ ⵏ ⵟⵟⵔⴰⴷ ⵖⴻⵔ ⵡⴰⴽⴰⵍ ⵏ ⴼⵕⴰⵏⵙⴰ) ⵢⴻⵍⵍⴰ-ⴷ ⵢⴰⴳⵉ ⴳⴰⵔ 1956 ⴷ 1957 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵎⴰⴷ-ⴰ ⵏ ⵓⵎⴻⵣⵔⵓⵢ ⴰⵎⵉⵔⴰⵏ ⵏ ⵍⴷⵣⴰⵢⴻⵔ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⴻⵙⴷⴰⵡⵉⵜ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⵉ ⵓⵎⵎⴻⴽⵜⵉ ⵏ ⵜⴻⴷⵢⴰⵏⵉⵏ-ⴰ, ⴷ ⴰⵙⴰⵔⴰⴳ ⴰⵢ ⴷ-ⵜⴳⴰ ⵎⴰⵛⵀⴰⴰⵍ ⴻⵛⵀⴰⵀⵉⴷ ⴷⴻⴳ ⵓⵏⵎⴰⴳⴻⵔ ⵏ ⵓⵖⵎⵉⵙ ⴻⵍ-ⵎⵧⵓⴷⵊⴰⵀⵉⴷ.

ⵎⴰⵙⵙ ⴷⵊⴻⵔⴱⴰⵍ ⵢⴻⵙⵙⴻⴼⵀⴻⵎ-ⴷ ⴷⴰⴽⴽⴻⵏ « ⴷⴻⴳ ⵙⵉⵏ-ⵏⵏⵉ ⵏ ⵢⵉⵙⴻⴳⴳⴰⵙⴻⵏ, ⵓⵔ ⴷ-ⵢⴻⵍⵍⵉ ⴰⵔⴰ ⵍⵅⴻⵜⵢⴰⵔ ⴰⵙⴻⵔⵜⵉ, ⵎⴰⵛⴰ ⵢⴻⵍⵍⴰ-ⴷ ⵡⴰⵡⴰⵍ ⴷ ⵓⵙⴽⴰⵙⵉ ⴷⴻⴳ ⵓⵙⴻⵇⵇⴰⵎⵓ ⵏ ⵓⵙⵙⴻⵎⵢⵓⴷⴷⴻⵙ ⴷ ⵓⵙⵙⴻⵍⴽⴻⵎ (ⵛⵛⴻ) ⵢⴻⵔⵏⴰ ⵜⴻⵡⵡⴻⴹ ⵜⴻⵎⵙⴰⵍⵜ-ⴰ ⴰⵔⵎⵉ ⴷ ⴰⵙⵡⵉⵔ ⴰⵄⵍⴰⵢⴰⵏ ⵏ ⵜⵎⴻⵀⵍⴰ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ », ⵉⵎⵉ « ⴰⵢ ⴷ-ⵢⴻⵍⵍⴰ ⵓⵎⴳⴻⵔⵔⴰⴷ ⴳⴰⵔ-ⴰⵙⴻⵏ ⵖⴻⴼ ⵜⵙⵓⴷⴷⵙⵉⵏ ⴷ ⵜⵜⴰⵡⵉⵍⴰⵜ ⴰⵔⴰ ⵢⴻⵜⵜⵡⴰⵙⵇⴻⴷⵛⴻⵏ ⵉ ⵢⵉⵎⴻⵏⵖⵉ ».

ⵕⵕⴰⵢ ⵏ ⵓⵙⴻⵇⵇⴰⵎⵓ ⵏ ⵓⵙⵙⴻⵎⵢⵓⴷⴷⴻⵙ ⴷ ⵓⵙⵙⴻⵍⴽⴻⵎ ⵉ ⵓⵙⵙⵉⵡⴻⴹ ⵏ ⵟⵟⵔⴰⴷ ⵖⴻⵔ ⵡⴰⴽⴰⵍ ⵏ ⴼⵕⴰⵏⵙⴰ ⴷ ⵕⵕⴰⵢ ⴰⵢ ⵢⵓⴷⴼⴻⵏ ⴷⴻⴳ ⵓⵎⴻⵣⵔⵓⵢ, ⵢⴻⵔⵏⴰ « ⵉⵙⵡⵉ-ⵏⵏⴻⵙ ⴰⴳⴻⵊⴷⴰⵏ ⵏⴻⵜⵜⴰ ⴷ ⴰⵙⵙⵉⵡⴻⴹ ⵏ ⵍⵇⴻⵍⵍⴰ ⵏ ⵍⴰⵎⴰⵏ ⵖⴻⵔ ⴼⵕⴰⵏⵙⴰ ⵙ ⵜⵉⵎⵎⴰⴷ-ⵏⵏⴻⵙ ⴷ ⵓⵃⴻⵜⵜⴻⵎ ⵏ ⵢⵉⴷⵓⴱⴰ ⵉⵀⴻⵔⵙⴰⵏⴻⵏ ⵉⴼⵕⴻⵏⵙⵉⵙⴻⵏ ⴰ ⴵⴵⴻⵏ ⴰⵎⴹⴰⵏ ⴷ ⴰⵎⴻⵇⵔⴰⵏ ⵏ ⵢⵉⵙⴻⵔⴷⴰⵙⴷⴻⵏ ⵏ ⴷ ⵢⵉⵎⵙⵓⵍⵜⴰ ⴷⴻⴳ ⴼⵕⴰⵏⵙⴰ ⴰⴽⴽⴻⵏ ⴰⴷ ⵜⵉⴼⵙⵓⵙ ⵜⴻⵄⴽⴻⵎⵜ ⵥⵥⴰⵢⴻⵏ ⴰⵢ ⴷ-ⵢⴻⵔⵙⴻⵏ ⵖⴻⴼ ⵜⵓⵢⴰⵜ ⵏ ⵢⵉⴳⴻⵏ ⵏ ⵓⵙⴻⵍⵍⵉ ⴰⵖⴻⵍⵏⴰⵡ ⴷⴻⴳ ⵍⴷⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵍⴻⵛⵖⴰⵍ ⴰⵢ ⵜⴳⴰ ⵜⵓⴷⴷⵙⴰ ⵜⵓⵣⵣⵉⴳⵜ ⵏ ⵜⴼⵉⴷⵉⵕⴰⵍⵉⵜ ⵏ ⴼⵕⴰⵏⵙⴰ ⴷⴻⴳ 25 Ɣⵓⵛⵜ 1958, ⵉⵙⵡⵉ-ⵏⵙⴻⵏ, ⵖⴻⴼ ⵍⴻⵃⵙⴰⴱ ⵏ ⵓⵙⴻⵍⵎⴰⴷ-ⴰ «  ⴷ ⴰⵙⵙⵉⴼⵙⴻⵙ ⵏ ⵜⴻⵄⴽⴻⵎⵜ ⵖⴻⴼ ⵢⵉⵎⵊⴰⵀⴷⴻⵏ ⴰⵢ ⵢⴻⵍⵍⴰⵏ ⵏⴹⴻⵔⵔⴻⵏ ⵙⴻⴳ ⵓⵖⴰⵡⴰⵙ ⵏ ⵛⵀⴰⵍⵍⴻ ⴰⵢ ⵢⴻⵙⵡⴰⵖⴻⵏ 60% ⵙⴻⴳ ⵢⵉⵖⴰⵍⵍⴻⵏ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ».

ⵎⴰⵙⵙ ⴷⵊⴻⵔⴱⴰⵍ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ « ⵍⴻⵛⵖⴰⵍ ⴰⵢ ⵢⴻⵜⵜⴻⵡⴳⴻⵏ ⴷⴻⴳ ⴼⵕⴰⵏⵙⴰ ⴼⴽⴰⵏ ⵜⵉⵢⵉⵜⴰ ⵉ ⵢⵉⵖⴰⵍⵍⴻⵏ ⵉⵀⴻⵔⵙⴰⵏⴻⵏ ⵡⴰⵔ ⵎⴰ ⴱⵏⴰⵏ ⴼⴻⵍⵍ-ⴰⵙ. ⵏⵏⵉⴳ ⵡⴰⵢⴰ, ⵍⴻⵛⵖⴰⵍ-ⴰ ⵍⵍⴰⵏ ⴷ ⵉⵙⴻⵔⴷⴰⵙⵉⵢⴻⵏ, ⴷ ⵉⵙⵓⴷⴷⵙⴰⵏⴻⵏ ⴽⴰⵏ, ⵢⴻⵔⵏⴰ ⵃⵓⴽⵕⴻⵏ ⴰⵍⴰ ⵉⵙⵡⴰⵏ ⵏ ⵟⵟⵔⴰⴷ ».

ⴷⵊⴻⵔⴱⴰⵍ ⵢⵓⵔⴰ-ⴷ ⵢⵉⵡⴻⵏ ⵏ ⵓⴷⵍⵉⵙ ⵖⴻⴼ ⵜⴻⵎⵙⴰⵍⵜ-ⴰ, ⵉⵙⴻⵎ-ⵏⵏⴻⵙ « ⵜⵓⴷⴷⵙⴰ ⵜⵓⵣⵣⵉⴳⵜ ⵏ ⵜⴼⵉⴷⵉⵕⴰⵍⵉⵜ ⵏ ⴼⵕⴰⵏⵙⴰ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴻⴰⵡ – ⴰⵎⴻⵣⵔⵓⵢ ⵏ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ ⵏ ⵜⴻⵔⵏⵉ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷⴻⴳ ⴼⵕⴰⵏⵙⴰ (1956-1962) », ⵢⴻⵔⵏⴰ ⵉⵅⴻⴱⴱⴻⵔ-ⴷ ⴷⴻⴳ ⵓⵙⴰⵔⴰⴳ-ⴰ ⴷⴰⴽⴽⴻⵏ ⵍⴻⵛⵖⴰⵍ ⵉⵎⵙⴻⵍⵍⵃⴻⵏ ⵏ ⵜⴼⵉⴷⵉⵕⴰⵍⵉⵜ ⵏ ⴼⵕⴰⵏⵙⴰ ⵃⵓⴽⵕⴻⵏ ⵉⵎⴻⵥⵍⴰ (ⵙⵙⵔⴰⴱⴻⵙ) ⵓⵏⵚⵉⴱⴻⵏ ⵉⴼⵕⴻⵏⵙⵉⵙⴻⵏ ⴰⵎ ⵍⵍⵓⵣⵉⵏⴰⵜ ⵏ ⵍⴻⵙⵍⴰⵃ ⴷ ⵓⴱⴰⵕⵓⴷ, ⵉⵥⴻⴹⵡⴰⵏ ⵏ ⵜⴻⵖⵡⴰⵍⵜ ⵜⴰⵏⴻⵎⴳⴰⵍⵜ ⴷ ⵜⵜⴰⵡⵉⵍⴰⵜ ⵏ ⵓⵎⴻⵙⵏⵉ, ⵢⴻⵔⵏⴰ ⵍⵍⴰⵏ-ⴷ 56 ⵏ ⵍⴻⵛⵖⴰⵍ ⵏ ⵓⵙⴼⴰⵜⴰ, 242 ⵏ ⵢⵉⵏⵟⴰⴳⴻⵏ, 82 ⵏ ⵢⵉⵎⴰⵜⵜⴰⵏⴻⵏ ⴷ 188 ⵏ ⵢⵉⵎⴻⵊⵔⴰⵃ.

ⴷⴰⵀⵧ ⵢⴻⵙⵙⴰⵡⴻⵍ-ⴷ ⴷⴰⵖ ⵖⴻⴼ ⵓⵎⵃⴰⵇ ⴰⵢ ⵎⴻⵃⵇⴻⵏ ⵢⵉⴷⵓⴱⴰ ⵉⴼⵕⴻⵏⵙⵉⵙⴻⵏ ⵉⴷⵣⴰⵢⵔⵉⵢⴻⵏ ⵏ ⴼⵕⴰⵏⵙⴰ ⵖⴻⴼ ⵍⴵⴰⵍ ⵏ ⵜⴻⴷⵢⴰⵏⵉⵏ-ⴰ, ⴰⵎ ⵡⴰⴽⴽⴻⵏ ⴰⵢ ⵉⵇⵓⵔⴻⵏ ⴰⵎⵃⴰⵇ-ⴰ ⵖⴻⵔ ⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴳⴰⴼⴰ ⵏ ⵇⵙⴻⵏⵟⵉⵏⴰ ⴰⵢⴷⴻⴳ ⵉⵖⴰⵍⵍⴻⵏ ⵉⵀⴻⵔⵙⴰⵏⴻⵏ « ⵓⵔ ⵡⵉⵜⴻⵏ ⴰⵔⴰ ⵡⵉⴷ ⴽⴰⵏ ⴰⵢ ⵉⴳⴰⵏ ⵍⴻⵛⵖⴰⵍ-ⵏⵏⵉ, ⵡⴰⵏⴰⴳ ⵡⵜⴻⵏ ⴰⴽⴽ ⵎⴻⴷⴷⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵉⴳⴻⵏ ⴰⵀⴻⵔⵙⴰⵏ ⴰⴼⵕⴻⵏⵙⵉⵙ ⵢⴻⵙⵙⴻⵡⵍⴰⵡⴻⵍ ⴰⴽⴽ ⵜⵜⴰⵡⵉⵍⴰⵜ-ⵏⵏⴻⵙ ⵏ ⵓⵎⵃⴰⵇ ⴰⴽⴽⴻⵏ ⴰⴷ ⵢⴻⵃⴱⴻⵙ ⵜⴰⴳⵔⴰⵡⵍⴰ, ⴷⵖⴰ ⵢⴻⵃⴱⴻⵙ ⵎⴻⴷⴷⴻⵏ, ⵢⴻⵏⵖⴰ ⵎⴻⴷⴷⴻⵏ ⵡⴰⵔ ⵎⴰ ⵜⵜⵡⴰⵛⴰⵕⵄⴻⵏ, ⵢⴻⵙⵙⴻⵄⵔⴻⵇ ⵎⴻⴷⴷⴻⵏ ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵎ ⴰⵙⵙⴻⴼⵇⴻⴷ ⵏ ⵍⴻⴽⵡⴰⵖⴻⴹ ⵏ ⵎⴻⴷⴷⴻⵏ ». « ⴰⵣⴻⵎⵣ ⵏ 25 ⵖⵓⵛⵜ 1958 ⴷ ⴰⵙⵙ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵉⵎⵉ ⴰⵢ ⴷ-ⵢⴻⵙⴱⴰⵏ ⵉⵎⴻⵏⵖⵉ ⵏ ⵓⵖⵔⴻⴼ ⵉ ⵍⵎⴻⵏⴷ ⵏ ⵓⵣⴰⵔⵓⴳ-ⵏⵏⴻⵙ, ⵢⴻⵔⵏⴰ ⵢⴻⵔⵔⴰ-ⴷ ⵓⵎⴰⴹⴰⵍ ⵍⴱⴰⵍ-ⵏⵏⴻⵙ ⵖⴻⵔ ⵟⵟⵔⴰⴷ ⵏ ⵍⴷⵣⴰⵢⴻⵔ ⴰⵙⵎⵉ ⴰⵢ ⵢⴻⵙⵙⴰⵡⴻⴹ ⵟⵟⵔⴰⴷ-ⴰ ⵣⵣⵀⵉⵔ-ⵏⵏⴻⵙ ⵓⵍⴰ ⵖⴻⵔ ⵜⵎⴰⵏⴻⵖⵜ ⵏ ⴼⵕⴰⵏⵙⴰ ⵜⴰⵙⴻⵀⵔⴰⵙⵜ ».