ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵙⴰⵏⴷⵉⴽⴰⵜ ⵏ ⵓⵙⵙⴻⴳⵎⵉ ⵏⵏⴰⵏ-ⴷ ⵓⵖⴰⵍ ⵖⴻⵔ ⵓⵖⴻⵔⴱⴰⵣ ⴰⴷ ⴷ-ⵢⵉⵍⵉ ⵡⴰⵔ ⵓⴳⵓⵔⴻⵏ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵕⴻⴳⴳⵎⴻⵏ-ⴷ ⵢⵉⵏⵎⵓⵍⴰ (ⵙⵙⴰⵏⴷⵉⴽⴰⵜ) ⵏ ⵓⵙⵙⴻⴳⵎⵉ ⴷⴰⴽⴽⴻⵏ ⵓⵖⴰⵍ ⵖⴻⵔ ⵓⵖⴻⵔⴱⴰⵣ ⴰⴷ ⴷ-ⵢⵉⵍⵉ ⴷ « ⴰⵔⵓⵙⴰⵏ », ⴷⴻⴼⴼⵉⵔ ⵎⴰ ⴳⴰⵏ ⵜⵉⵎⵍⵉⵍⵉⵜ ⴰⵙⵙ ⵏ ⵜⵜⵍⴰⵜⴰ ⴷ ⵜⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵢ ⴰⵙⴻⵏ-ⵉⵕⴻⴳⴳⵎⴻⵏ, ⵓⵍⴰ ⴷ ⵏⴻⵜⵜⴰⵜ, ⴰⴷ ⴰⵙⴻⵏ-ⴷ-ⵜⴻⴳ ⵜⵉⵖⴰⵡⵙⵉⵡⵉⵏ ⵜⵉⵎⴻⵇⵔⴰⵏⵉⵏ ⴰⵢ ⴷ-ⵙⵙⵓⵜⵔⴻⵏ.

ⴷⴻⴼⴼⵉⵔ ⵓⵎⵢⴰⴳⴻⵔ-ⵏⵙⴻⵏ ⴷ ⵓⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵅⵅⴰⵎ ⵏ ⵓⵖⵍⵉⴼ ⵢⴻⵔⵏⴰ ⵢⴻⴹⴹⴻⴼ 3 ⵏ ⵜⵙⴰⵄⵜⵉⵏ, ⵉⴳⴻⵏⵙⴰⵙⴻⵏ ⵏ ⵢⵉⵏⵎⵓⵍⴰ ⵏ ⵓⵙⵙⴻⴳⵎⵉ ⵏⵏⴰⵏ-ⴷ ⴰⴽⴽ ⴷⴰⴽⴽⴻⵏ ⵓⵖⴰⵍ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⵔ ⵓⵖⴻⵔⴱⴰⵣ ⴰⴷ ⴷ-ⵢⵉⵍⵉ ⴷ « ⴰⵔⵓⵙⴰⵏ » ⵉⵎⵉ ⴰⵢ ⵢⴻⵜⵜⵡⴰⵇⴻⴱⵍⴻⵏ ⴰⴽⴽ ⵢⵉⵙⵙⵓⵜⵔⴻⵏ-ⵏⵙⴻⵏ ⵉⴳⴻⵊⴷⴰⵏⴻⵏ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵢⵉⵕⴰⴱⵓⵍⴻⵏ ⵏ ⵢⵉⵏⵎⵓⵍⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵡⴰⵢⵢⵓⵔ ⵏ ⵎⴻⵖⵔⴻⵙ ⵢⴻⵣⵔⵉⵏ.

ⴰⵙⴻⵎⵢⵓⴷⴷⴰⵙ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⵓⵍⵎⴰⵏ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⵍⵎⴻⴷ ⵏ ⵓⵃⵔⵉⵛ ⵡⵉⵙ ⴽⵔⴰⴹ ⵏ ⵓⵙⵙⴻⴳⵎⵉ (ⵛⵏⴰⵒⴻⵙⵜⴻ), ⵎⴰⵙⵙ ⵏⵧⵓⴰⵔ ⵍⴰⵔⴱⵉ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴷ ⵜⵏⴻⵖⵍⴰⴼⵜ ⴷ « ⴰⵎⵢⴰⴳⴻⵔ ⵏ ⵓⵙⵙⴻⵍⵖⵓ » ⴰⵢⴷⴻⴳ ⵜⴰⵏⴻⵖⵍⴰⴼⵜ ⵜⵇⴻⴷⴷⴻⵎ-ⴷ ⴰⵛⵃⴰⵍ ⵏ ⵢⵉⵃⴻⵣⵣⵉⴱⴻⵏ ⵉ ⵡⵓⵖⴰⵍ ⴰⵖⵓⵔⴱⵉⵣ ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⴰ ⵜⴻⵙⵙⵓⵜⴻⵔ ⴰⴷ ⵢⴻⵜⵜⵡⴰⴹⵎⴻⵏ « ⵓⵀⴻⴷⴷⴻⵏ », ⴰⵎ ⵡⴰⴽⴽⴻⵏ ⴰⵢ ⵟⵔⴻⴳⴳⴻⵎ ⴷⴰⴽⴽⴻⵏ ⴰⴷ ⴷ-ⵜⴻⴳ ⴰⴽⴽ ⴰⵢⴻⵏ ⴰⵢ ⴷ-ⵙⵙⵓⵜⵔⴻⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ.

ⴳⴰⵔ ⵢⵉⵙⵙⵓⵜⵔⴻⵏ-ⴰ ⴰⵢ ⴷ-ⵜⵕⴻⴳⴳⴻⵎ ⵜⵏⴻⵖⵍⴰⴼⵜ ⴰⴷ ⵜⴻⵏ-ⵉⴷ-ⵜⴻⴳ, ⵢⴻⵍⵍⴰ ⵓⵙⵙⵓⴷⴷⴻⵙ ⵏ ⵜⴻⵎⵙⵉⵣⴻⵡⵔⵉⵏ ⴷⴻⴳ ⵡⵓⵖⴰⵍ ⴰⵖⵓⵔⴱⵉⵣ ⵉ ⵓⵙⵎⴰⵍ ⵏ 45.000 ⵏ ⵢⵉⵙⴻⵍⵎⴰⴷⴻⵏ ⵙⴻⴳ 3 ⵏ ⵢⵉⵃⵔⵉⵛⴻⵏ ⵏ ⵓⵙⵙⴻⵍⵎⴻⴷ (ⴰⵎⴻⵏⵣⵓ, ⴰⵍⴻⵎⵎⴰⵙ ⴷ ⵓⵙⵉⵏⴰⵏ) ⴷ ⵓⵙⵎⴰⵍ « ⴰⵏⴰⴳⵔⴰⵡⴰⵏ » ⵖⴻⵔ ⵜⵚⴻⴷⴷⴰⵔⵉⵏ ⵜⵎⴰⵢⵏⵓⵜⵉⵏ ⵉ ⵓⴹⵎⴰⵏ ⵏ ⵓⵙⵎⴰⵍ ⵏ ⵢⵉⵙⴻⵍⵎⴰⴷⴻⵏ « ⴰⵢ ⵉⵣⴻⵎⵔⴻⵏ ⴰⴷ ⵏⴻⴳⵔⴻⵏ », ⵎⴰ ⴷ ⵜⵉⵏⵇⵉⴹⵉⵏ ⵓⵔ ⴷ-ⵢⴻⵜⵜⵡⴰⴱⴻⴷⵔⴻⵏ ⴰⵔⴰ ⴷⴻⴳ ⵓⵎⵢⴰⴳⴻⵔ-ⵏⵏⵉ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷⴰⴽⴽⴻⵏ ⴰⴷ ⵜⵜⵡⴰⵇⴻⵢⵢⵎⴻⵏⵜ ⴰⵙⵙ ⵏ 15 ⵟⵓⴱⴻⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵧⵓⴰⵔ.

ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ ⵏ ⵓⵏⵎⴰⵍⵓ, ⵎⴰⵣⴰⵍ ⴰⴷ ⴷ-ⵉⵍⵉⵏ ⵢⵉⵎⵢⴰⴳⵔⴻⵏ ⵏⵉⴹⴻⵏ ⴳⴰⵔ ⵓⵏⵎⴰⵍⵓ ⴷ ⵓⵖⵍⵉⴼ ⵙⴻⴳ 15 ⵟⵓⴱⴻⵔ ⴷ ⴰⵙⴰⵡⴻⵏ.

« ⵉⵙⵙⵓⵜⵔⴻⵏ ⵉⴳⴻⵊⴷⴰⵏⴻⵏ ⵜⵜⵡⴰⵡⴻⵅⵅⵔⴻⵏ (ⵉ ⵜⴻⵎⵍⵉⵍⵉⵜ ⵏⵉⴹⴻⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ (ⴼⵏⵜⴻ) ⴼⴻⵔⵀⴰⵜ ⵛⵀⴰⴱⴻⴽⵀ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵏⴰⴱⴰⴹ ⵢⴻⵇⴱⴻⵍ ⴰⵙⵙⵓⵜⴻⵔ-ⵏⵏⵉ ⵏ ⵢⵉⴷⵔⵉⵎⴻⵏ ⴰⵔⴰ ⵢⴻⵜⵜⵡⴰⵔⵏⵓⵏ ⵉ ⵢⵉⵏⴻⴷⴱⴰⵍⴻⵏ ⵏ ⵜⵜⴰⵡⵉⵍⴰⵜ ⴷ ⵜⴻⴷⵔⵉⵎⵜ ⵏ ⵢⵉⵖⴻⵔⴱⴰⵣⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴷⵔⵉⵎⴻⵏ ⵏ ⵓⵙⵙⴻⴳⵔⴻⵔ, ⵎⴰⵙⵙ ⵛⵀⴰⴱⴻⴽⵀ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵏⵎⴰⵍⵓ ⵎⴰⵣⴰⵍ ⵍⴰ ⵢⴻⵜⵜⵕⴰⵊⵓ ⴰⵏⴰⴱⴰⴹ ⴰⴷ ⵜⵜ-ⵉⴷ-ⵉⵅⴻⵍⵍⴻⵚ.

ⵜⵜⵡⴰⴱⴻⴷⵔⴻⵏⵜ-ⴷ ⴷⴰⵖ ⴽⵔⴰ ⵏ ⵜⴻⵏⵇⵉⴹⵉⵏ ⵜⵉⵙⴻⵏⵙⴻⴳⵎⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵔⵏⴰ ⵉⵅⴻⴱⴱⴻⵔ-ⴷ ⴷⴰⴽⴽⴻⵏ ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴷⴰⴽⴽⴻⵏ « ⵜⵓⵜⵍⴰⵢⵜ ⵜⴰⴳⴻⵊⴷⴰⵏⵜ (ⵏ ⵓⵙⵙⴻⵍⵎⴻⴷ) ⵏⴻⵜⵜⴰⵜ ⴷ ⵜⴰⵄⵕⴰⴱⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵜⵃⴻⵜⵜⴻⵜ ⵖⴻⴼ ⵓⵙⵙⴻⵍⵀⵓ ⵏ ⵓⵙⵡⵉⵔ ⵏ ⵢⵉⴱⴰⵍⵎⵓⴷⴻⵏ ⵏ ⵓⵏⵥⵓⵍ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵜⵍⴰⵢⵉⵏ ⵜⵉⴱⴻⵕⵕⴰⵏⵉⵢⵉⵏ.

« ⴰⵖⴰⵏⵣⵓ ⵏ ⵡⵓⵖⴰⵍ ⵖⴻⵔ ⵓⵖⴻⵔⴱⴰⵣ ⵓⵔ ⵢⴻⵜⵜⵡⴰⵇⴱⴰⵍ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵙⴻⴳ ⵢⵉⴷⵉⵙ-ⵏⵏⴻⵙ, ⵓⵎⴰⵔⵓ ⴰⵎⴰⵜⵓ ⵏ ⵓⵏⵎⴰⵍⵓ ⴰⵖⴻⵍⵏⴰⵡ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ (ⵙⵏⵜⴻ), ⴱⵧⵓⴰⵍⴻⵎ ⴰⵎⵧⵓⵔⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵢⴰ ⴷ ⵢⵉⵡⴻⵏ ⵙⴻⴳ ⵢⵉⵎⴻⵏⵣⴰⵢⴻⵏ ⵏ ⵓⵏⵎⴰⵍⵓ.

ⴰⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵢⴻⵏⵏⴰ-ⴷ ⵢⴰⴳⵉ ⴷⴻⴳ ⵡⴰⵢⵢⵓⵔ ⵏ ⵎⴻⵖⵔⴻⵙ ⴷⴰⴽⴽⴻⵏ ⵢⴻⵙⵙⴰⵡⴻⴹ ⵖⴻⵔ ⵓⵎⵜⴰⵡⴰ ⴷ ⵢⵉⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ ⵉ ⵍⵎⴻⵏⴷ ⵏ ⵓⵙⵎⴰⵍ ⵏ ⵢⵉⵙⴻⵍⵎⴰⴷⴻⵏ ⵖⴻⵔ ⵜⵚⴻⴷⴷⴰⵔⵜ ⵜⵓⵏⵏⵉⴳⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵜⴳⴰ, ⴰⵙⵙ ⵏ ⵍⴻⵜⵏⵉⵢⴻⵏ ⵙⵉⵏ ⵏ ⵢⵉⵎⵢⴰⴳⵔⴻⵏ ⵏⵉⴹⴻⵏ, ⵢⵉⵡⴻⵏ ⴷ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ, ⴷ ⵡⴰⵢⴻⴹ ⴷ ⵢⵉⵏⴻⵎⵀⴰⵍⴻⵏ ⵉⵍⴻⵎⵎⴰⵙⴻⵏ ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵉ ⵡⵓⵖⴰⵍ ⴰⵖⵓⵔⴱⵉⵣ ⵏ 2015-2016.