ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵅⵚⴰⵚ ⵏ ⵢⵉⵙⴰⴼⴰⵔⴻⵏ ⵢⴻⵍⵍⴰ-ⴷ ⵙⴻⴳ ⵡⵓⴳⵓⵔ ⵏ ⵜⵉⵖⵉⵏ
ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵢⵉⴼⴻⵔⵔⴰⵇⴻⵏ ⵉⴷⵣⴰⵢⵔⵉⵢⴻⵏ ⵏ ⵢⵉⵙⴰⴼⴰⵔⴻⵏ (ⴰⴷⵒⵀⴰ) ⵜⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴰⴽⴽⴻⵏ ⵓⴳⵓⵔⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉⵎⵉⵔ-ⴰ ⴷⴻⴳ ⵙⵙⵓⵇ ⵏ ⵢⵉⵙⴰⴼⴰⵔⴻⵏ ⵙⵙⴻⴱⴱⴰ-ⵏⵙⴻⵏ ⴷ « ⴰⴳⵣⴰⵎ ⵏ ⵓⵣⵔⵔ ⵏ ⵜⵉⵖⵉⵏ », ⵉⵎⵉ ⵡⵉⴷ ⴰⵢ ⵍⴰ ⴷ-ⵢⴻⵜⵜⴰⴵⵡⴻⵏ ⵉⵙⴰⴼⴰⵔⴻⵏ ⵙⴻⴳ ⵓⵣⵖⴰⵔ ⵓⵔ ⴰⵙⴻⵏ-ⴷ-ⵢⴻⵜⵜⵓⵏⴻⴼⴽ ⴰⵔⴰ ⵜⵜⴻⵙⵔⵉⵃ ⵏ ⵡⴰⴵⴰⵡ ⴷⴻⴳ ⵡⴰⴽⵓⴷ.
« ⵓⴳⵓⵔⴻⵏ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ-ⴰ ⴷⴻⴳ ⵙⵙⵓⵇ-ⵏⵏⴻⵖ ⵙⵙⴻⴱⴱⴰ-ⵏⵙⴻⵏ ⵜⴰⵎⴻⵣⵡⴰⵔⵓⵜ ⴷ ⴰⴳⵣⴰⵎ ⵏ ⵓⵣⵔⴰⵔ ⵏ ⵜⵉⵖⵉⵏ, ⵉⵎⵉ ⵜⵜⴻⵙⵔⵉⵃ ⵏ ⵡⴰⴵⴰⵡ ⵓⵔ ⵍⴰ ⴷ-ⵉⵡⴻⵊⵊⴻⴷ ⴰⵔⴰ ⴷⴻⴳ ⵡⴰⴽⵓⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ-ⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ.
ⵜⵅⴻⴱⴱⴻⵔ-ⴷ ⴷⴰⵖ ⵜⵉⴷⴷⵓⴽⵍⴰ ⵏ ⵢⵉⴼⴻⵔⵔⴰⵇⴻⵏ ⵉⴷⵣⴰⵢⵔⵉⵢⴻⵏ ⵏ ⵢⵉⵙⴰⴼⴰⵔⴻⵏ ⴷⴰⴽⴽⴻⵏ ⵍⴻⵅⵚⴰⵚ ⵏ ⵢⵉⵙⴰⴼⴰⵔⴻⵏ ⵉⵃⵓⵣⴰ ⴰⵟⴰⵙ ⵏ ⵢⵉⵙⴰⴼⴰⵔⴻⵏ ⵢⴻⵔⵏⴰ ⵎⴰⵛⵉ ⴰⵍⴰ 300 ⵏ ⵢⵉⵙⴰⴼⴰⵔⴻⵏ, ⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ.
« ⵙ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵏⴻⴳ ⴰⵎⴳⴻⵔⵔⴰⴷ ⴳⴰⵔ ⵍⴻⵅⵚⴰⵚ ⵓⵎⵎⵉⴷ (ⵏ ⴽⵔⴰ ⵏ ⵢⵉⵙⴰⴼⴰⵔⴻⵏ) ⵢⴻⵔⵏⴰ ⴰⵢⴰ ⵢⴻⵙⵡⴰⵖ ⵎⵍⵉⵃ ⴽⵔⴰ ⵏ ⵢⵉⵎⵓⴹⵉⵏⴻⵏ ⵓⵔ ⵢⵓⴼⵉⵏ ⴰⵔⴰ ⵙ ⵡⴰⵛⵓ ⴰⵔⴰ ⴷⴰⵡⵉⵏ, ⴷ ⵍⴻⵅⵚⴰⵚ ⴰⵢ ⵉⵃⵓⵣⴰⵏ ⵍⴰⴷⵖⴰ ⴽⵔⴰ ⵏ ⵢⵉⴼⴰⵔⵉⵙⴻⵏ ⵏ ⵜⵎⴻⵕⴽⵉⵡⵉⵏ ⵢⴻⵜⵜⵡⴰⵙⵙⵏⴻⵏ, ⴷ ⵉⵙⴰⴼⴰⵔⴻⵏ ⴰⵢ ⵢⴻⴼⵔⴻⵏ ⵓⵏⴰⴱⴰⴹ ⵓⵔ ⴷ-ⵜⵜⵡⴰⴵⴰⵡⴻⵏ ⴰⵔⴰ ⴰⴽⴽⴻⵏ ⴰⴷ ⵏⵣⴻⵏ, ⴷⴻⴳ ⵓⵎⴽⴰⵏ-ⵏⵙⴻⵏ, ⵢⵉⵙⴰⴼⴰⵔⴻⵏ ⵢⴻⵍⵍⴰⵏ ⴷ ⵉⵎⵜⵉⵍⴻⵏ-ⵏⵙⴻⵏ ⵢⴻⵔⵏⴰ ⵜⵜⵡⴰⵅⴷⴰⵎⴻⵏ-ⴷ ⴷⴻⴳ ⵜⵎⵓⵔⵜ ⵙ ⵙⵙⵓⵎⴰ ⵔⵅⵉⵙⴻⵏ ⵢⴻⵔⵏⴰ ⵙ ⵜⵖⴰⵔⴰ ⵏ ⵓⴷⴰⵡⵉ ⴰⵎ ⵜⵉⵏ ⵏ ⵢⵉⵙⴰⴼⴰⵔⴻⵏ ⵉⵏⴻⵚⵍⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⵙⵙⴻⴼⵀⴻⵎ.
ⵜⵉⴷⴷⵓⴽⵍⴰ ⵏ ⵢⵉⴼⴻⵔⵔⴰⵇⴻⵏ ⵉⴷⵣⴰⵢⵔⵉⵢⴻⵏ ⵏ ⵢⵉⵙⴰⴼⴰⵔⴻⵏ ⵜⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⵟⴰⵙ ⵏ ⵜⵎⴻⵕⴽⵉⵡⵉⵏ ⵏ ⵢⵉⵙⴰⴼⴰⵔⴻⵏ ⴰⵢ ⵢⴻⵇⵇⵍⴻⵏ ⵓⵍⴰⵛ-ⵉⵜⴻⵏⵜ ⴷⴻⴳ ⵙⵙⵓⵇ, ⵎⴰⵛⴰ ⵉⵎⵜⵉⵍⴻⵏ-ⵏⵙⴻⵏ ⵍⵍⴰⵏ.
ⵖⴻⴼ ⵍⴻⵃⵙⴰⴱ ⵏ ⵜⵉⴷⴷⵓⴽⵍⴰ-ⴰ, ⴰⵙⵏⴻⴼⵍⵉ ⵏ ⵓⴼⴰⵔⴻⵙ ⴰⵖⴻⵍⵏⴰⵡ ⴷ ⴰⵢⴻⵏ « ⴰⵢ ⵢⴻⵙⵙⴻⵅⵚⴰⵔⴻⵏ ⵉⴷⵔⵉⵎⴻⵏ ⵉ ⵙⵙⵓⵇ ⵏ ⵡⴰⴵⴰⵡ ⵙⴻⴳ ⵓⵣⵖⴰⵔ ⵢⴻⵔⵏⴰ ⵢⴻⵙⵡⴰⵖ ⵏⵏⴼⴻⵄ ⵏ ⴽⵔⴰ ⵙⴻⴳ ⵡⵉⴷ ⵢⴻⴹⴹⴼⴻⵏ ⴰⵎⴽⴰⵏ (ⴷⴻⴳ ⵡⴰⴵⴰⵡ) ».
« ⵎⴰⵣⴰⵍ ⵏⴻⵜⵜⵡⴻⴽⴽⵉⴷ-ⴷ ⴷⴰⴽⴽⴻⵏ ⴰⵇⵍ-ⴰⵖ ⴷⵉⵎⴰ ⵏⴻⵡⵊⴻⴷ ⵉ ⵡⴰⵡⴰⵍ ⴷ ⵓⵎⵛⵉⵡⴻⵕ, ⵢⴻⵔⵏⴰ ⴷ ⵡⵉⵏ ⴽⴰⵏ ⴰⵢ ⴷ ⴰⴱⵔⵉⴷ ⵓⵚⵡⵉⴱ ⴰⵡⵃⵉⴷ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵍⵍⴰⵏ ⴷ ⵓⵜⵜⴻⴽⴽⵉ ⴷⴻⴳ ⵓⵙⵙⴻⵔⴽⴻⴷ ⵏ ⵙⵙⵓⵇ-ⵏⵏⴻⵖ, ⴰⵙⵏⴻⴼⵍⵉ ⵏ ⵓⵃⵔⵉⵛ ⵏ ⵢⵉⵙⴰⴼⴰⵔⴻⵏ ⴷ ⵜⵙⴻⵔⵜⵉⵜ ⵜⴰⵖⴻⵍⵏⴰⵡⵜ ⵏ ⵜⴷⴰⵡⵙⴰ ⵜⴰⵏⴰⴳⴷⵓⴷⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ-ⴰ.
