ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ: ⵓⵙⵎ ⵍⴷⵣⴰⵢⴻⵔ ⴳⴰⵔ ⵡⵓⵥⵡⵉⵔⴻⵏ

ⵣⵓⵔⵉⵛⵀ – ⵜⴰⵖⵍⴰⵎⵜ ⵏ ⵓⵙⵎ ⵍⴷⵣⴰⵢⴻⵔ ⵜⴻⵔⴱⴻⵃ 5 ⵏ ⵜⴻⵎⵍⵉⵍⵉⵢⵉⵏ ⵜⴰ ⴷⴻⴼⴼⵉⵔ ⵜⴰⵢⴻⴹ ⴷⴻⴳ ⵓⵃⵔⵉⵛ ⵏ ⵜⵄⴻⵎⵎⵓⵛⵉⵏ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴹⴰⵔ, ⵢⴻⵔⵏⴰ ⵙ ⵡⴰⵢⴰ, ⵜⴰⵖⵍⴰⵎⵜ-ⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵣⵡⴰⵔⵓⵜ ⴰⵔⴰ ⵉⵔⴻⴱⵃⴻⵏ 5 ⵏ ⵜⴻⵎⵍⵉⵍⵉⵢⵉⵏ ⵖⴻⴼ ⵜⵉⴽⴽⴻⵍⵜ ⴳⴰⵔ ⵜⴻⵖⵍⴰⵎⵉⵏ ⵜⵉⴼⵔⵉⵇⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⵜ ⵏ ⵓⴹⴰⵔ (ⴼⵉⴼⴰ).

ⵉⵎⴰⵔⵉⵔⴻⵏ ⵏ ⵓⵙⵎ ⵍⴷⵣⴰⵢⴻⵔ ⵜⴻⴱⵃⴻⵏ-ⴷ ⴰⴽⴽ ⵜⵉⵎⵍⵉⵍⵉⵢⵉⵏ-ⵏⵙⴻⵏ ⵜⵉⵎⴻⵣⵡⵓⵔⴰ ⵏ ⵓⵃⵔⵉⵛ ⵏ ⵜⵄⴻⵎⵎⵓⵛⵉⵏ ⵎⴳⴰⵍ: ⴻⵙ ⵙⴹⵉⴼ (1 ⵖⴻⵔ 2), ⴰⵍ ⵎⴻⵔⵔⵉⴽⵀ (1 ⵖⴻⵔ 0), ⵎⵛ ⵍⵄⴻⵍⵎⴰ (2 ⵖⴻⵔ 1), ⵎⵛ ⵍⵄⴻⴽⵍⴰ (0-1) ⴷ ⴻⵙ ⵙⴹⵉⴼ (3-0).

ⵙ ⵡⴰⵢⴰ, ⵜⴰⵖⵍⴰⵎⵜ ⵏⵉⴹⴻⵏ ⴰⵢ ⴷ-ⵉⵔⴻⴱⵃⴻⵏ 5 ⵏ ⵜⴻⵎⵍⵉⵍⵉⵢⵉⵏ ⴷⴻⴳ ⵓⵃⵔⵉⵛ ⵏ ⵜⵄⴻⵎⵎⵓⵛⵉⵏ ⵏⴻⵜⵜⴰⵜ ⴷ ⴰⵙⵙⵉⵔⴻⵎ ⴰⵏⴰⴷⴷⴰⵍ ⵏ ⵜⵓⵏⴻⵙ (ⴻⵙⵜ) ⴷⴻⴳ 1999 ⴷ 2013, ⵎⴰⵛⴰ ⵓⵔ ⵜⴻⵏⵜ-ⵉⴷ-ⵔⴱⵉⵃ ⴰⵔⴰ ⵖⴻⴼ ⵓⵙⵔⴻⴼ (ⵜⴰ ⴷⴻⴼⴼⵉⵔ ⵜⴰⵢⴻⴹ).

ⵙ ⵙⴻⵎⵎⵓⵙⴻⵜ-ⴰ (5) ⵏ ⵜⴻⵎⵍⵉⵍⵉⵢⵉⵏ, ⵓⵙⵎ ⵍⴷⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⴳⵔⴰⵡⵜ ⴱ, ⵢⴻⵔⵏⴰ ⵜⵄⴻⴷⴷⴰ ⵙ ⵜⴻⴼⵙⴻⵙ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵖⴻⵔ ⵢⵉⴷⵉⵙ ⵏ ⴰⵍ ⵎⴻⵔⵔⵉⴽⵀ (10 ⵏ ⵜⴻⵏⵇⵉⴹⵉⵏ). ⵙⵏⴰⵜ-ⴰ ⵏ ⵜⴻⵖⵍⴰⵎⵉⵏ ⴰⴷ ⵓⵔⴰⵔⴻⵏⵜ ⴰⵙⵙ ⵏ 11 ⵛⵜⴻⵎⴱⴻⵕ ⴷⴻⴳ ⵅⴻⵔⵟⵓⵎ (ⵙⵓⴷⴰⵏ) ⴷⴻⴳ ⵡⴰⵙⵙ ⴰⵏⴻⴳⴳⴰⵔⵓ ⵏ ⵜⴻⵎⵙⵉⵣⵡⴻⵔⵜ-ⴰ.

ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴰⵔⴰ ⴷ-ⵢⵉⵍⵉⵏ ⴳⴰⵔ ⵜⴳⴰⵔⴰ ⵏ ⵛⵜⴻⵎⴱⴻⵕ ⴷ ⵜⴻⵣⵡⴰⵔⴰ ⵏ ⵟⵓⴱⴻⵔ, ⵓⵙⵎ ⵍⴷⵣⴰⵓⴻⵔ ⴰⴷ ⵜⵇⴰⴱⴻⵍ ⵜⴰⵖⵍⴰⵎⵜ ⵜⵉⵙ ⵙⵏⴰⵜ ⵏ ⵜⴻⴳⵔⴰⵡⵜ ⴱ ⴰⵢ ⵡⴻⵔⵄⴰⴷ ⵓⵔ ⴷ-ⵉⴱⴰⵏⴻⵏ.