ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⴷⵧⵓⵉ ⵢⴻⵙⵙⴰⵡⴻⵍ ⴷ ⵜⵏⴻⵎⵀⴰⵍⵜ ⵜⴰⵙⵍⴻⴽⵎⴰⵏⵜ ⵏ ⴼⵏⵓⴷ
ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⵢⴻⵎⵎⵓⴳⴻⵔ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵜⴰⵏⴻⵎⵀⴰⵍⵜ ⵜⴰⵙⵍⴻⴽⵎⴰⵏⵜ ⵏ ⵓⵙⴻⵏⴷⵓⵇ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵓⴳⴷⵓⵜ (ⴼⵏⵓⴷ), ⴰⵏⵏⵉⴽⴰ ⵙⴰⵠⵉⵍⵍⴻ, ⴰⵢ ⴷ-ⵢⴻⵔⵣⴰⵏ ⵓⵙⵙⴰⵏ-ⴰ ⵖⴻⴼ ⵍⴷⵣⴰⵢⴻⵔ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ, ⴷⴻⴼⴼⵉⵔ ⵓⵎⵎⴰⴳⴻⵔ-ⴰ, ⵎⴰⵙⵙ ⵙⴰⵠⵉⵍⵍⴻ ⵜⴻⵏⵏⴰ-ⴷ ⴷⴰⴽⴽⴻⵏ ⴰⴷⵉⵡⴻⵏⵏⵉ ⴳⴰⵔ-ⴰⵙ ⴷ ⵓⵏⴻⵖⵍⴰⴼ ⵢⴻⵍⵍⴰ-ⴷ ⵖⴻⴼ ⵓⵙⵏⴻⵔⵏⵉ ⵏ ⵓⵅⴻⴷⴷⵉⵎ ⴳⴰⵔ ⵓⵡⴰⵏⴰⴽ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷⴻⴳ ⵍⴷⵣⴰⵢⴻⵔ.
« ⴰⵙⴻⵏⴷⵓⵇ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵓⴳⴷⵓⵜ ⵍⴰ ⵉⵅⴻⴷⴷⴻⵎ, ⵍⴰⴷⵖⴰ, ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷⴻⴳ ⵢⴰⵍ ⵜⴰⵎⵓⵔⵜ ⴰⴽⴽⴻⵏ ⴰⴷ ⵢⴻⵙⵙⴻⴷⴷⵓ ⵜⵓⴳⴷⵓⵜ ⵖⴻⵔ ⵙⴷⴰⵜ, ⴷⵖⴰ ⵖⴻⴼ ⵡⴰⵢⴰ ⴰⵢ ⵏⴻⵙⵙⴰⵡⴻⵍ (ⴷ ⵓⵏⴻⵖⵍⴰⴼ) ⵖⴻⴼ ⵡⴰⵎⴻⴽ ⴰⵔⴰ ⵢⴻⵜⵜⵡⴰⵙⵙⵉⴼⵙⴻⵙ ⵓⵎⴰⵀⵉⵍ (ⴰⵅⴻⴷⴷⵉⵎ) ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵍⴷⵣⴰⵢⴻⵔ ⴷ ⵜⵜⴻⵊⵕⵉⴱⴰ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴰⵠⵉⵍⵍⴻ.
« ⵢⴻⵙⵙⴻⴼⴽ ⴰⴷ ⴷ-ⵏⴳⴻⵔ ⴷⴻⴳ ⵍⴻⵃⵙⴰⴱ ⵜⵜⴻⵊⵕⵉⴱⴰ ⵜⴰⵢⵉⵡⴻⵏⵜ ⵏ ⵍⴷⵣⴰⵢⴻⵔ ⴷⴻⴼⴼⵉⵔ ⵎⴰ ⵜⴻⴽⴽⴰ ⵉⵙⴻⴳⴳⴰⵙⴻⵏ ⴷ ⵉⵡⴻⵄⵕⴰⵏⴻⵏ ⵢⴻⵔⵏⴰ ⵜⴻⵍⵎⴻⴷ-ⴷ ⵙⴻⴳ-ⵙⴻⵏ ⵜⵉⵎⵙⵉⵔⵉⵏ ⴰⵢ ⵉⵣⴻⵎⵔⴻⵏ ⴰⴷ ⵏⴻⴼⵄⴻⵏⵜ ⵓⵍⴰ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⵜⴰⵏⴻⵎⵀⴰⵍⵜ ⵜⴰⵙⵍⴻⴽⵎⴰⵏⵜ ⵏ ⵓⵙⴻⵏⴷⵓⵇ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵓⴳⴷⵓⵜ ⵜⴻⴱⴷⴰ-ⴷ ⵜⵉⵔⵣⵉ-ⵏⵏⴻⵙ ⵖⴻⴼ ⵍⴷⵣⴰⵢⴻⵔ ⵙⴻⴳ 23 ⵖⵓⵛⵜ ⵢⴻⵔⵏⴰ ⴰⴷ ⵜⴻⵇⵇⵉⵎ ⴰⵔⵎⴰ ⴷ 29 ⵖⵓⵛⵜ, ⴷ ⵜⵉⵔⵣⵉ ⴰⵢ ⵢⵓⴷⴼⴻⵏ ⴷⴻⴳ ⵓⴽⴰⵜⴰⵔ ⵏ ⵓⵎⵄⴰⵡⴻⵏ ⵓⵛⵔⵉⴽ ⴳⴰⵔ ⵍⴷⵣⴰⵢⴻⵔ ⴷ ⵓⵏⴰⴳⵔⴰⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
