ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⴼⴻⵙⴽⵉⵏⵡⵉⵏ "ⵙⵉⵏⵉⵎⴰ ⵏ ⵜⴻⵎⴷⵉⵏⵜ" ⴷ "ⵙⵉⵏⵉⵎⴰ ⵏ ⵜⴻⴼⵜⵉⵙⵜ" ⵜⴻⵥⵔⴰ ⵏⵏⵉⵊⴰⵃ ⴷ ⴰⵎⴻⵇⵇⵕⴰⵏ (ⵉⵎⴹⴻⴱⴱⴻⵔ)
ⵡⴻⵀⵔⴰⵏ- ⵢⵓⵜⵍⴰⵢ ⵎⴰⵙⵙ ⵉⵙⵎⴰⵄⵉⵍ ⵎⴰⵙⴱⴰⵃ, ⴰⵎⴻⵙⵀⵓⵍ ⵏ ⵓⵚⵉⵡⴻⴹ ⴷ ⵜⵡⴰⴽⵍⴰ ⵜⴰⵊⴰⵣⴰⵢⵔⵉⵜ ⵏ ⵍⵉⵛⵄⴰⵄ ⴰⴷⴻⵍⵙⴰⵏ, ⴰⵙⵙ-ⴰ ⵍⵉⵔⴻⴱⵄⴰ, ⴷⵉ ⵡⴻⵀⵔⴰⵏ. ⵡⴰⵢ ⵖⴻⴼ ⵢⵉⴷⵉⵙ ⵏ ⵜⴼⴻⵙⴽⴰ ⵜⴰⵎⵓⵙⵉⵇⵉⵜ "ⵜⴰⵡⴻⵍⵍⵉⵜ ⵖⴻⵔ ⵍⴰⵚⴻⵍ ⵍⴱⴰⵀⵢⴰ ⴷⵉ ⵜⴼⴻⵙⴽⴰ", ⴱⴻⵍⵍⵉ ⵜⵉⴼⴻⵙⴽⵉⵏⵡⵉⵏ "ⵙⵉⵏⵉⵎⴰ ⵏ ⵜⴻⵎⴷⵉⵏⵜ" ⴷ "ⵙⵉⵏⵉⵎⴰ ⵏ ⵜⴻⴼⵜⵉⵙⵜ", ⵥⵔⵉⵏⵜ ⵏⵏⵉⵊⴰⵃ ⴷ ⴰⵎⴻⵇⵇⵕⴰⵏ. ⵎⴰⵏⵉ ⵙⵓⵔⴼⴻⵏⵜ ⵉ ⵡⴻⵖⵔⴻⴼ ⴰⴷ ⴷ ⵉⵙⴻⵏⵏⴻⴷ ⵖⴻⵔ ⵓⵏⴰⵥⵓⵔ ⵡⵉⵙ ⵙⴻⴱⵄⴰ.
ⵎⴰⵏⵉ ⵉⵡⴻⴽⴽⴻⴷ ⴱⴻⵍⵍⵉ ⵜⵡⴰⴽⵍⴰ ⵜⴻⵙⵄⴰ ⵜⵜⴰⵊⵔⵉⴱⵜ ⵙⴻⴳ ⵓⵙⴻⴳⴳⴰⵙ ⵏ 2010, ⴰⵅⴰⵜⴻⵔ ⵜⴻⵅⴷⴻⵎ ⵎⴻⵏⵏⴰⵡⵜ ⵏ ⵉⴼⵉⵍⵎⴻⵏ, ⴰⵎⴰ ⴷ ⵉⵣⴻⴳⵔⴰⵔⴻⵏ, ⵏⵉⵖ ⴷ ⵉⴳⵉⵍⴰⵍⴻⵏ.
ⴰⵔⴻⵏ ⵉ ⵢⴻⵏⵏⴰⴷ ⵜⵡⴰⴽⵍⴰ ⵜⴻⵅⵙ ⴰⴷ ⴷ ⵜⵉⵍⵉ ⵙⴻⵜⵎⴰ ⵏ ⵢⵓⴷⴰⵏ, ⴰⵅⴰⵜⴻⵔ ⵜⴰⵎⵙⴰⵍⵜ-ⴰ ⴷ ⵙⵙⴱⴻⵔ ⴷ ⴰⵎⴰⴹⵍⴰⵏ ⴰⴷ ⵜ-ⵏⴻⴹⴼⴻⵔ. ⵓ ⵢⴻⵔⵏⵉ ⵢⴻⵙⵙⵎⴻⴽⵜⴰ ⵎⴰⵜⵜⴰ ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⵎⴰⵙⵙ ⵄⴰⵣⴻⴷⴷⵉⵏ ⵎⵉⵀⵓⴱⵉ, ⴰⵙⵙ ⵏ 17 ⵖⵓⵛⵜ ⴷⵉ ⵜⵔⴻⵔⵣⴻⴼⵜ-ⵏⵏⴻⵙ, ⵖⴻⵔ ⵜⵍⴻⵎⵙⴰⵏ ⴳⵉ ⴷ-ⵢⴻⵏⵏⴰ "ⴷ ⴰⵖⴻⵏ ⵜⴻⴼⵙⴻⵔⵜ ⵏ ⵙⵉⵏⵉⵎⴰ ⵜⴰⴷⴻⵍⵙⴰⵏⵜ ⵙ ⵜⴰⵍⵍⴰⵍⵜ ⵏ ⵜⵉⴼⴻⵙⵔⵉⵏ ⵜⵉⵎⴻⵔⴼⴰⴷⵉⵏ, ⴰⵛⴽⵓ ⴷ ⴰⵎⴰⵀⵉⵍ ⵢⴻⵜⵜⵡⴰⴼⵙⴻⵔ ⴷⴻⴳ ⵓⵎⴰⴹⴰⵍ"
