ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021: « ⴰⵇⵍ-ⴰⵖ ⵏⴻⵙⵙⴰⵔⴰⵎ, ⵎⴰⵛⴰ ⵎⴰⵣⴰⵍ-ⴰⵖ ⵏⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵖ » (ⴰⵏⴻⵖⵍⴰⴼ)
ⵒⴻⵙⵛⴰⵔⴰ (ⵟⵟⴰⵍⵢⴰⵏ) – ⴰⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⵢⴻⵡⵡⴻⴹ ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵒⴻⵙⵛⴰⵔⴰ (ⴷⴻⴳ ⵟⵟⴰⵍⵢⴰⵏ) ⴰⴽⴽⴻⵏ ⴰⴷ ⵉⴷⴰⴼⴻⵄ ⵖⴻⴼ ⵓⴽⴰⵔⴰⵎ ⵏ ⵜⴻⵎⴷⵉⵏⵜ ⵜⴰⴷⵣⴰⵢⵔⵉⵜ ⵏ ⵡⴻⵀⵕⴰⵏ ⴰⵢ ⴷ-ⵜⴻⵙⵙⵓⵎⴻⵔ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵉⵍⵉⵏ ⴷⴻⴳ-ⵙ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021, ⵢⴻⵔⵏⴰ ⵓⵍⴰ ⵎⴰ ⵇⵇⵉⵎⴻⵏⵜ-ⴷ ⴰⵍⴰ 24 ⵏ ⵜⵙⴰⵄⵜⵉⵏ ⵓⵇⴱⴻⵍ ⵜⴻⴼⵔⴰⵏⵜ, ⵏⴻⵜⵜⴰ ⵢⴻⵏⵏⴰ-ⴷ ⵢⴻⵙⵄⴰ ⴰⵙⵙⵉⵔⴻⵎ ⴷ ⵡⴻⵀⵕⴰⵏ ⴰⵔⴰ ⵢⴻⵜⵜⵡⴰⴼⴻⵔⵏⴻⵏ.
« ⴰⴽⴽ ⵉⴷⵓⴱⴰ ⵉⵙⴻⵔⵜⵉⵢⴻⵏ ⴷ ⵢⵉⵏⴰⴷⴷⴰⵍⴻⵏ ⵙⵡⴻⵊⴷⴻⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵔⴱⴻⵃ ⵜⴻⴼⵔⴰⵏⵜ-ⴰ. ⵙⵙⴰⵔⴰⵎⴻⵖ ⴰⴷ ⵜⴻⵔⴱⴻⵃ ⴼⴻⵍⵍ-ⵉ ⵍⴷⵣⴰⵢⴻⵔ ⵢⴻⵔⵏⴰ ⴰⴷ ⵜⵜ-ⵉⴷ-ⵉⵚⴰⵃ ⴰⴷ ⵜⴻⵙⵙⵓⴷⴷⴻⵙ ⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021. ⵛⵉⴽⴽⴻⵖ ⴰⵟⴰⵙ ⴰⵢ ⵢⴻⵜⵜⵡⴰⵅⴻⴷⵎⴻⵏ ⵉ ⵍⵎⴻⵏⴷ ⵏ ⵡⴰⵢⴰ. ⵏⴻⵙⵄⴰ ⴰⵙⵙⵉⵔⴻⵎ ⴷ ⴰⵎⴻⵇⵔⴰⵏ ⴷⴰⴽⴽⴻⵏ ⴷ ⵡⴻⵀⵕⴰⵏ ⴰⵔⴰ ⵢⴻⵜⵜⵡⴰⴼⴻⵔⵏⴻⵏ ⴷ ⵜⴰⵎⴰⵏⴻⵖⵜ ⵉ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
« ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴰⴷ ⵏⵄⴰⵙⵙ ⵉⵎⴰⵏ-ⵏⵏⴻⵖ, ⴰⴷ ⵏⵉⵍⵉ ⵏⴻⵡⵊⴻⴷ ⵢⴻⵔⵏⴰ ⵏⵓⴽⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵡⴰⴷⴷⴰⵍ ⴰⵢ ⵢⴻⵛⴼⴰⵏ ⵖⴻⴼ ⵜⴻⵎⵙⴰⵍ-ⵏⵏⵉ ⵏ ⵜⵉⵎⵎⴰⵣⵡⴻⵔⵜ ⵏ ⵍⴷⵣⴰⵢⴻⵔ ⵉ ⵓⵙⵙⵓⴷⴷⴻⵙ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2017 ⴷ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴹⴰⵔ ⵏ 2019.
ⵜⴰⴼⵔⴰⵏⵜ ⵏ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⴻⵅⵎⵉⵙ ⵖⴻⴼ 11ⵙ00 ⵙ ⵡⴰⴽⵓⴷ ⴰⴷⵉⴳⴰⵏ (10ⵙ00 ⵙ ⵡⴰⴽⵓⴷ ⴰⴷⵣⴰⵢⵔⵉ) ⴷⴻⴳ ⵍⴻⵇⵚⴻⵔ ⵏ ⵢⵉⵙⵡⵉⵔⴻⵏ ⴷⴻⴳ ⵒⴻⵙⵛⴰⵔⴰ, ⴰⴽⴽⴻⵏ ⴰⴷ ⴷ-ⵉⴱⴰⵏ ⵎⴰ ⴷ ⵡⴻⵀⵕⴰⵏ ⵏⴻⵖ ⴷ ⵙⴼⴰⵇⵙ (ⵜⵓⵏⴻⵙ) ⴰⵔⴰ ⵜⵜ-ⵢⴰⵡⵉⵏ.
ⴰⴽⴽⴻⵏ ⴽⴰⵏ ⴰⵔⴰ ⴷ-ⵜⴻⵜⵜⵡⴰⴽⵛⴻⴼ ⵜⵎⵓⵔⵜ ⴰⵢⴷⴻⴳ ⴰⵔⴰ ⴷ-ⵉⵍⵉⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ, ⴰⴷ ⵢⴻⵙⵜⴻⵏⵢⵉ ⵓⵙⴻⵇⵇⴰⵎⵓ ⵍⴻⵄⵇⴻⴷ ⵏ ⵓⵙⵙⵓⴷⴷⴻⵙ ⵏ ⵜⴻⴷⵢⴰⵏⵜ-ⵏⵏⵉ ⴷⴻⴳ ⵜⵎⵓⵔⵜ-ⵏⵏⵉ ⴰⵔⴰ ⵉⵔⴻⴱⵃⴻⵏ ⴷⴻⴳ ⵜⴻⴼⵔⴰⵏⵜ.
