ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵉⴱⵢⴰ: ⵍⴻⵧⵏ ⵢⴻⵙⵄⴰ ⵍⴰⵎⴰⵏ ⴷⴻⴳ ⵍⴻⵎⵛⴰⵡⵕⴰⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴰⴽⴽⴻⵏ ⵢⴻⵙⵄⴰ ⵍⴰⵎⴰⵏ ⴷⴰⴽⴽⴻⵏ ⴰⴷ ⵔⴻⴱⵃⴻⵏⵜ ⵍⴻⵎⵛⴰⵡⵕⴰⵜ ⵉ ⵍⵎⴻⵏⴷ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴳⴰⵔ ⵜⴻⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⴰⵢ ⵍⴰ ⵢⴻⵎⵅⴰⵚⴰⵎⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴽⵔⴰ ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ ⴳⵔⴻⵏⵜ-ⴷ ⵜⵉⵖⵔⵉ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ « ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ».

ⵍⵉⴱⵢⴰ ⵜⴻⵣⴷⴻⵔ ⴷⴻⴳ ⵛⵛⵡⴰⵍ ⴷⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵓⵏⵀⴰⵍ ⵏ ⵎⴰⴰⵎⴰⵔ ⴻⵍ ⴳⵓⴻⴷⴷⴰⴼⵉ ⴷⴻⴳ 2011, ⵢⴻⵔⵏⴰ ⵍⴰ ⴷ-ⵢⴻⵜⵜⵉⵍⵉ ⴷⴻⴳ-ⵙ ⵢⵉⵎⴻⵏⵖⵉ ⴷ ⴰⵎⴻⵇⵔⴰⵏ ⴳⴰⵔ ⵜⴻⴳⵔⴰⵡⵉⵏ ⵢⴻⵎⵅⴰⵚⴰⵎⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵄⴰ ⵙⵉⵏ ⵏ ⵢⵉⵏⴰⴱⴰⴹⴻⵏ ⴷ ⵙⵉⵏ ⵏ ⵢⵉⵎⵏⴰⵏ ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⴼ ⵓⴷⴰⴱⵓ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙⵉⵎⴰⵍ ⵍⴰ ⵢⴻⵜⵜⵏⴻⵔⵏⵉ ⴷⴻⴳ ⵍⵉⴱⵢⴰ ⵍⴵⴻⵀⴷ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ).

ⴱⴻⵔⵏⴰⵔⴷⵉⵏⵧ ⵍⴻⵧⵏ ⵍⴰ ⵢⴻⵙⵙⴻⴷⴷⴰⵢ ⵍⴻⵎⵛⴰⵡⵕⴰⵜ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵓⵎⵜⴰⵡⴰ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ.

ⴷⴻⴼⴼⵉⵔ 7 ⵏ ⵡⴰⵢⵢⵓⵔⴻⵏ ⵏ ⵍⴻⵎⵛⴰⵡⵕⴰⵜ, ⵢⴻⵏⵏⴰ-ⴷ, ⵙⴷⴰⵜ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴰⴽⴽⴻⵏ « ⵙⵉⵎⴰⵍ ⵍⴰ ⵢⴻⵜⵜⵏⴻⵔⵏⵉ ⵍⴰⵎⴰⵏ ⴷⴻⴳ ⵡⵓⵍ-ⵏⵏⴻⵙ ⴷⴰⴽⴽⴻⵏ ⵜⵉⵖⴰⵡⵙⵉⵡⵉⵏ ⵍⴰ ⵜⵜⴻⴷⴷⵓⵏⵜ ⴰⴽⴽⴻⵏ ⴰⴷ ⴼⵔⵓⵏⵜ ».

« ⵍⴻⵎⵛⴰⵡⵕⴰⵜ-ⴰ ⵜⵜⴻⴽⴽⴰⵏⵜ ⴰⵟⴰⵙ ⴷⴻⴳ ⵓⵙⵙⴻⵏⵇⴻⵙ ⵏ ⵍⵇⴻⵍⵍⴰ ⵏ ⵍⴰⵎⴰⵏ ⴳⴰⵔ ⵢⵉⴷⵉⵙⴰⵏ ⵉⵙⴻⵔⵜⵉⵢⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ » ⴷⴻⴳ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵍⴻⵧⵏ « ⵉⴳⴻⵔ-ⴷ ⵜⵉⵖⵔⵉ ⵉ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴽⴽⴻⵏ ⵓⵔ ⵙⵙⴻⵅⵚⴰⵔⴻⵏ ⴰⵔⴰ ⵜⴰⴳⵏⵉⵜ-ⴰ ⵜⴰⵡⵃⵉⴷⵜ ⴰⵢ ⵜⴻⵏ-ⵉⴷ-ⵉⵚⴰⵃⴻⵏ ⴷⴻⴳ ⵓⵎⴻⵣⵔⵓⵢ ⴰⴽⴽⴻⵏ ⴰⴷ ⴳⵜⴻⵏ ⵜⴰⵍⵡⵉⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⴰⴽⵓⴷ ⵍⴰ ⵢⴻⵜⵜⵄⴻⴷⴷⵉ, ⵢⴻⵔⵏⴰ ⵢⴻⵙⵙⴻⴼⴽ ⵉⵎⴹⴻⴱⴱⵔⴻⵏ ⵉⵍⵉⴱⵉⵢⴻⵏ ⵏ ⵡⴰⴽⴽ ⵉⴷⵉⵙⴰⵏ ⴰⴷ ⴳⴻⵏ ⵍⵎⴻⴵⵀⵓⴷ ⴰⵏⴻⴳⴳⴰⵔⵓ ⵉ ⵍⵎⴻⵏⴷ ⵏ ⵜⴰⵍⵡⵉⵜ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⴽⵓⴽⵔⵓ ⴰⵢ ⴷ-ⵢⴻⵙⵙⴻⵏⴼⴰⵍⵉ ⵓⵙⵡⵉⵔ ⴰⵎⴰⵜⵓ ⴰⵖⵍⴻⵍⵏⴰⵡ (ⴰⵎⵏⵉ ⵏ ⵟⵔⴰⴱⵍⴻⵙ) ⵎⵉ ⵢⴻⵙⵜⴻⵏⵢⴰ ⵓⵎⵏⵉ-ⵏⵏⵉ ⴰⵅⵚⵉⵎ ⵢⵉⵡⴻⵏ ⵏ ⵓⵎⵜⴰⵡⴰ ⴰⵙⵙ ⵏ 11 ⵢⵓⵍⵢⵓ ⵢⴻⵣⵎⴻⵔ ⴰⴷ ⵢⴻⴽⴽⴻⵙ « ⵍⴻⵎⵎⴻⵔ ⴰⴷ ⴽⴻⵎⵎⵍⴻⵏⵜ ⵍⴻⵎⵛⴰⵡⵕⴰⵜ ⵖⴻⴼ ⵜⴻⵎⵔⵓⵣⵉⵏ ⵏ ⵓⵎⵜⴰⵡⴰ ».

ⵖⴻⴼ ⵍⴻⵃⵙⴰⴱ ⵏ ⵢⵉⴷⵉⵒⵍⵓⵎⴰⵜⵉⵢⴻⵏ ⵏ ⵓⵙⴻⵇⵇⴰⵎⵓ, ⵎⴰⵙⵙ ⵍⴻⵧⵏ ⵢⴻⵙⵙⴰⵔⴰⵎ ⴰⴷ ⵢⴻⴳ ⵜⵉⵖⵉⵎⵉⵜ ⵏⵉⴹⴻⵏ ⵏ ⵍⴻⵎⵛⴰⵡⵕⴰⵜ ⴷⴷⵓⵕⵜ-ⴰ. ⵜⵉⵖⵉⵎⵉⵜ ⵜⴰⵏⴻⴳⴳⴰⵔⵓⵜ ⵜⴻⵍⵍⴰ-ⴷ ⴳⴰⵔ 11 ⴷ 12 ⵖⵓⵛⵜ ⴷⴻⴳ ⴳⴻⵏⴻⵠⴻ. ⵉ ⵍⵎⴻⵏⴷ ⵏ ⵡⴰⵢⴰ, ⵏⵏⴰⵏ-ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴰⴽⴽⴻⵏ ⵍⴰ ⵙⵙⴰⵔⴰⵎⴻⵏ ⴰⴷ ⴷ-ⵢⵉⵍⵉ ⵓⵎⵜⴰⵡⴰ « ⴷⴻⴳ 3 ⵏ ⵍⴻⴷⵡⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ ».

ⴰⴱⴷⴰⵎⵎⴰⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷ ⵏⴻⵜⵜⴰ ⴰⵢ ⴷ ⵜⵉⴼⵔⴰⵜ ⵜⴰⵡⵃⵉⴷⵜ ⵉ ⵓⵃⴰⵕⴻⴱ ⵏ ⴷⴰⵄⴻⵛ ⵙ ⵜⵉⴷⴻⵜ.

« ⵉⵣⴻⵏ-ⵏⵏⴻⵖ ⵉ ⵢⵉⵎⴹⴻⴱⴱⵔⴻⵏ ⵉⵍⵉⴱⵉⵢⴻⵏ ⵉⴱⴰⵏ: ⵓⵍⴰⵛ ⴽⵔⴰ ⵏ ⵜⵉⴼⵔⴰⵜ ⵏⵉⴹⴻⵏ ⵎⴻⵏⵖⵉⵔ ⵜⵉⴳⴰⵡⵜ ⵢⴻⴷⴷⵓⴽⴽⵍⴻⵏ ⴷ ⵜⵎⴰⵣⴷⴰⵢⵜ ⵎⴰ ⵢⴻⵍⵍⴰ ⵓⵔ ⴱⵖⵉⵏ ⴰⵔⴰ ⵢⵉⵍⵉⴱⵉⵢⴻⵏ ⴰⴷ ⵢⴰⵥ ⴷⴰⵄⴻⵛ ⵢⴻⵔⵏⴰ ⴰⴷ ⵢⴻⴳ ⴰⵅⴻⵚⵚⴰⵔ ⴷⴻⴳ ⵜⵎⵓⵔⵜ ⴰⴽⴽⴻⵏ ⴰⵢ ⵉⴳⴰ ⴷⴻⴳ ⵙⵓⵔⵢⴰ ⴷ ⵍⵄⵉⵔⴰⵇ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵄⴻⵢⵢⴻⵏ.