ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵔⴷⴰⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⵟⵟⴼⴻⵏ 40 ⵏ ⵢⵉⵎⵙⴻⵜⵜⵉⵢⴻⵏ ⴷⴻⴳ ⵡⴻⵏⵥⵓⵍ ⵏ ⵜⵎⵓⵔⵜ (ⵎⴷⵏ)

ⵍⴻⵣⵣⴰⵢⴻⵔ- ⴽⵓⵥ ⵜⵎⴻⵔⵡⵉⵏ ⵏ ⵢⵉⵎⵙⴻⵜⵜⵉⵢⴻⵏ ⵉ ⵢⴻⵜⵜⵡⴰⵟⵟⴼⴻⵏ ⵜⴰⵎⴻⴷⴷⵉⵜ ⵏ ⵡⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵜⴻⵎⵏⴰⴹⵜ ⵏ ⴵⴰⵏⴻⵜ , ⵙⵖⵓⵔ ⵢⵉⵙⴻⵔⴷⴰⵙⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵏⵒ), ⴰⴽⴽⴻⵏ ⵉⴷ-ⵜⴻⵍⵍⴰ ⵜⵓⴽⴽⵙⴰ ⴷ ⵜⵔⵉⵔⵉⵜ ( ⴷⴻⴳ ⵜⴻⵎⵏⴰⴹⵜ-ⴰ ⴰⴽⴽⴻⴷ ⵜⵉⴳⴰⴷ ⵉ ⴰⵙ-ⴷ-ⵢⴻⵣⵣⵉⵏ) ⵏ ⴷⴷⴻⵇⵙ ⵏ ⵢⵉⴼⴰⵔⵉⵙⴻⵏ ⵉ ⵢⴻⴼⴼⴻⵖⴻⵏ ⵙⴻⴳ ⴷⴷⴰⵡ ⵓⴼⵓⵙ, ⴰⴽⴽⴻⵏ ⵉⴷ-ⵢⴻⵏⵏⴰ ⴰⵙⵙ-ⴰ ⵏ ⵍⴻⵅⵎⵉⵙ, ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ) ⴷⴻⴳ ⵢⵉⵡⴻⵏ ⵏ ⵓⵍⵖⵓ.

ⴷⴻⴳ ⵓⴽⴰⵜⴰⵔ ⵏ ⵓⵖⴻⵍⵍⴻⵙ ⵏ ⵜⵍⵉⵙⴰ ⴷ ⵓⵎⴻⵏⵏⵓⵖ ⵎⴳⴰⵍ ⵜⵓⴷⴷⵙⵉⵡⵉⵏ ⵉⵏⴻⵇⵇⴻⵏ, ⵜⴰⵏⵙⴻⵔⵜ ⵢⴻⵔⵣⴰⵏ ⵜⵉⵎⵀⴰⵍⵉⵏ ⵏ ⴵⴰⵏⴻⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4), ⵜⴻⵟⵟⴻⴼ ⵉⴹⴻⵍⵍⵉ ⵜⴰⵎⴻⴷⴷⵉⵜ ⵏ 26 Ɣⵓⵛⵜ 2015, 40 ⵏ ⵢⵉⵎⵙⴻⵜⵜⵉⵢⴻⵏ ( 11 ⴷ ⵉⵣⵣⴰⵢⵔⵉⵢⴻⵏ, ⴰⴽⴽⴻⴷ 29 ⵙⴻⴳ ⵜⵎⵓⵔⵜ ⵏ ⵏⵏⵉⴵⴻⵔ), ⴰⴽⴽⴻⵏ ⵉⴷ-ⵜⵡⴻⴽⴽⴻⴷ ⵜⴻⵖⴱⴰⵍⵓⵜ-ⴰ.

ⵜⴰⵎⵀⴻⵍⵜ-ⴰ ⴷ ⵜⵉⵏ ⵉ ⵢⵄⴻⵎⵎⴷⴻⵏ ⴷⴰⵖ ⵉ ⵢⵙⴻⵔⴷⴰⵙⴻⵏ ⵏ ⵢⵉⴳⴻⵏ ⵉ ⵡⴰⴽⴽⴻⵏ ⴰⴷ ⵟⵟⴼⴻⵏ 6 ⵏ ⵢⵉⵎⵙⴻⴷⴷⴰⵢⴻⵏ (ⵟⵧⵏⵧⴱⵉⵍⴰⵜ), 3 ⵏ ⵢⵉⵎⴰⴹⴹⴰⴼⴻⵏ ⵏ ⵍⴻⵃⴷⵉⴷ, ⴰⴽⴽⴻⴷ 17 ⵏ ⵢⵉⵙⴰⵡⴰⵍⴻⵏ (ⵜⵉⵍⵉⴼⵓⵏⴰⵜ).

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⴰⵏⵙⴻⵔⵜ ⵢⴻⵔⵣⴰⵏ ⵜⵉⵎⵀⴰⵍⵉⵏ ⵏ ⵜⴻⵎⵏⴰⴹⵜ ⵏ ⴻⵍ ⵡⴻⴷ ⵜⴻⵔⵔⴰ-ⴷ ⵙⴻⴳ ⵜⴰⵎⴰ-ⵉⵏⴻⵙ -ⴷⴻⴳ ⵢⵉⵡⴻⵜ ⵏ ⵜⴻⵎⵀⴻⵍⵜ ⴷⵉ ⵜⵍⵉⵙⴰ ⵏ ⴱⴻⵏ ⴳⴻⵛⴰ- , ⵢⵉⵡⴻⵜ ⵏ ⵜⴻⵊⵍⵉⴱⵜ ⵏ ⵜⵖⴻⵟⵟⴻⵏ ⵉⴷⴻⴳ ⵍⵍⴰⵏ 35 ⵉⵇⴻⵕⵕⴰ , ⵉ ⵢⴻⴼⵖⴻⵏ ⵉ ⵡⴰⴽⴽⴻⵏ ⴰⴷ ⵏⵣⴻⵏ ⵎⴳⴰⵍ ⵓⵙⴰⴹⵓⴼ. ⴰⴽⴽⴻⵏ ⵉⴷ-ⵢⴻⵏⵏⴰ ⵡ ⵓⵍⵖⵓ-ⵏⵏⵉ.

ⴰⴽⴽⴻⵏ ⴷⴰⵖ ⵉ ⵢⴻⵙⵃⴻⴱⵙⴻⵏ ⵢⵉⵙⴻⵔⴷⴰⵙⴻⵏ ⵏ ⵜⵄⴻⵙⵙⴰⵙⵜ ⵏ ⵜⵍⵉⵙⴰ ⴷⴻⴳ ⴱⴰⴱ ⴻⵍ ⴰⵙⵙⴰ, ⵉ ⵢⵜⴻⴱⵄⴻⵏ ⵖⴻⵔ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ ⵙⵏⴰⵜ, ⵢⵉⵡⴻⵜ ⵏ ⵜⴻⵎⵀⴻⵍⵜ ⵏ ⵓⵙⵙⵓⴼⴻⵖ ⵏ 6710 ⵏ ⵍⵍⵉⵜⵔⴰⵜ ⵏ ⵓⵚⴻⵔⵖⵓ.