ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴻⵙⵜⴻⵕⵃⴻⴱ ⵙ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴷⵣⴰⵢⴻⵔ ⵜⴻⵙⵜⴻⵕⵃⴻⴱ « ⵙ ⵔⵔⴹⴰ » ⴰⵙⵜⴻⵏⵢⵉ ⴰⵢ ⵢⴻⵙⵜⴻⵏⵢⴰ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ ⴰⵎⵜⴰⵡⴰ ⵏ ⵜⴰⵍⵡⵉⵜ ⴰⵙⵙ ⵏ ⵍⵃⴻⴷⴷ ⴷⴻⴳ ⵊⵓⴱⴰ, ⵜⴰⵎⴰⵏⴻⵖⵜ ⵏ ⵙⵓⴷⴰⵏ ⵏ ⵓⵏⵥⵓⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵛⴽⴻⵕ ⵍⴷⵣⴰⵢⴻⵔ ⵍⵎⴻⴵⵀⵓⴷ ⴰⵢ ⴳⴰⵏ ⴰⴽⴽ ⵢⵉⴷⵉⵙⴰⵏ ⵢⴻⵜⵜⴻⴽⴽⴰⵏ ⵉ ⵓⵙⵙⴻⴵⵀⴻⴷ ⵏ ⵜⴰⵍⵡⵉⵜ ⴷⴻⴳ ⵜⵎⵓⵔⵜ-ⴰ ⴷ ⵡⴰⴽⴽ ⵜⴰⵎⵏⴰⴹⵜ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ.

« ⵍⴷⵣⴰⵢⴻⵔ ⵜⴻⵙⵜⴻⵕⵃⴻⴱ ⵙ ⵔⵔⴹⴰ ⴰⵙⵜⴻⵏⵢⵉ ⴰⵢ ⵢⴻⵙⵜⴻⵏⵢⴰ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ ⴰⵎⵜⴰⵡⴰ ⵏ ⵜⴰⵍⵡⵉⵜ ⵙ ⵢⵉⵙⴻⵎ ⵏ ⵓⵏⴰⴱⴰⴹ ⵏ ⵜⵎⵓⵔⵜ-ⵏⵏⴻⵙ ⴰⵙⵙ ⵏ ⵍⵃⴻⴷⴷ 26 ⵖⵓⵛⵜ 2015 ⴷⴻⴳ ⵊⵓⴱⴰ, ⵢⴻⵔⵏⴰ ⵙ ⵓⵙⵜⴻⵏⵢⵉ-ⴰ, ⵓⵍⴰ ⴷ ⵏⴻⵜⵜⴰ ⵢⴻⵔⵏⴰ ⵖⴻⵔ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ ⴰⵢ ⵢⴻⵙⵜⴻⵏⵢⴰⵏ ⵢⴰⴳⵉ ⴰⵎⵜⴰⵡⴰ-ⴰ ⴰⵙⵎⵉ ⴰⵢ ⴷ-ⵜⴻⵍⵍⴰ ⵜⴼⵓⴳⵍⴰ ⵜⴰⵎⴻⵣⵡⴰⵔⵓⵜ ⵏ ⵓⵙⵜⴻⵏⵢⵉ ⴷⴷⴰⵡ ⵍⴻⵄⵏⴰⵢⴰ ⵏ « ⵉⴳⴰⴷ ⵔⵏⵓ » ⴷⴻⴳ ⴰⴷⴷⵉⵙ ⴰⴱⴻⴱⴰ ⴰⵙⵙ ⵏ 17 ⵖⵓⵛⵜ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

« ⵍⴷⵣⴰⵢⴻⵔ ⵜⴻⵃⴷⴻⵕ ⴷⴻⴳ ⵜⴼⴰⴳⵍⴰ-ⴰ ⵏ ⵓⵙⵜⴻⵏⵢⵉ ⵙ ⵢⵉⵙⴻⵎ-ⵏⵏⴻⵙ ⴷ ⵜⴰⵎⴰⵙⵍⴰⴹⵜ ⴷⴻⴳ ⵜⴻⴳⵔⴰⵡⵜ ⵏ « ⵉⴳⴰⴷ-ⵔⵏⵓ » (ⵉⴳⴰⴷ+) ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵜⵉⵎⴰⵙⵍⴰⴹⵉⵏ ⵏⵉⴹⴻⵏ ⵏ ⵜⴻⴳⵔⴰⵡⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ.

« ⵜⴰⵎⵓⵔⵜ-ⵏⵏⴻⵖ ⵜⴻⵜⵜⴻⴽⴽⴰ ⴷⴻⴳ ⵜⴻⴱⴷⴰⵎⵎⴰⵙⵜ ⵏ « ⵉⴳⴰⴷ-ⵔⵏⵓ » ⵙ ⵓⵙⵙⵓⵜⴻⵔ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ, ⵢⴻⵔⵏⴰ ⵜⴻⵜⵜⴻⴽⴽⴰ ⴷⴻⴳ ⵓⴽⴰⵍⴰ ⵏ ⵜⴰⵍⵡⵉⵜ ⴰⵎ ⵡⴰⴽⴽⴻⵏ ⴰⵢ ⵜⴻⴼⵕⴻⵃ ⵙ ⵓⵇⴱⴰⵍ ⴰⵢ ⵇⴻⴱⵍⴻⵏ ⴰⴽⴽ ⵢⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴰⵍⵓⴼⵜ ⵛⵛⵓⵔⵓⴹ ⵏ ⵓⵎⵜⴰⵡⴰ-ⴰ ⵉ ⵍⵎⴻⵏⴷ ⵏ ⴼⴻⵔⵔⵓ ⴰⵙⴻⵔⵜⵉ ⵏ ⵜⴰⵍⵓⴼⵜ-ⴰ ⵢⴻⵔⵏⴰ ⵄⵓⵀⴷⴻⵏ ⴰⴷ ⵙⴼⴻⵄⵍⴻⵏ ⴰⵎⵜⴰⵡⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⵍⴷⵣⴰⵢⴻⵔ « ⵜⴻⵔⵔⴰ ⵜⴰⵊⵎⵉⵍⵜ ⵍⴰⴷⵖⴰ ⵉ ⵍⵎⴻⴵⵀⵓⴷ ⴰⵢ ⴳⴰⵏ ⴰⴽⴽ ⵢⵉⴷⵉⵙⴰⵏ, ⵍⴰⴷⵖⴰ ⴰⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ, ⵢⴻⵔⵏⴰ ⵍⵍⴰⵏ ⵙⵙⴻⴽⵏⴻⵏ-ⴷ ⴷⴰⴽⴽⴻⵏ ⵙⵄⴰⵏ ⵜⴰⵎⴰⵙⵉⵜ ⵎⴻⵖⵖⵔⴻⵏ ⵉⵎⵉ ⴰⵢ ⵙⵣⴻⵡⵔⴻⵏ ⵏⵏⴼⴻⵄ ⵏ ⵓⵖⵔⴻⴼ ⴰⴳⵎⴰⵜ ⵏ ⵙⵓⴷⴰⵏ ⵏ ⵓⵏⵥⵓⵍ ⵓⵇⴱⴻⵍ ⴰⴽⴽ ⴰⵢⴻⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⵍⴷⵣⴰⵢⴻⵔ « ⵜⴻⴼⵕⴻⵃ ⵙ ⵍⵎⴻⴵⵀⵓⴷ ⵏ ⵓⵙⴻⵍⵡⴰⵢ ⵏ ⵉⴳⴰⴷ, ⴰⵏⴻⵖⵍⴰⴼ ⴰⵎⴻⵏⵣⵓ ⵏ ⵉⵜⵢⵓⵒⵢⴰ, ⵀⴰⵉⵍⴻ ⵎⴰⵔⵉⴰⵎ ⴷⴻⵙⵙⴰⵍⴻⴳⵏ, ⴰⵢ ⴷ-ⵢⴻⴳⵍⴰⵏ ⵙ ⵍⴼⴰⵢⴷⴰ, ⴷ ⵍⵎⴻⴵⵀⵓⴷ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵜⵉⴼⵉⵏ ⵏ ⵜⵉⴼⵔⴰⵜ ⵜⴰⴼⵔⵉⵇⵉⵜ ⵉ ⵡⵓⴳⵓⵔ ⴰⴼⵔⵉⵇⵉ ⴷⴻⴼⴼⵉⵔ ⵓⴽⴰⵍⴰ ⵖⴻⵣⵣⵉⴼⴻⵏ ⵏ ⵍⴻⵎⵛⴰⵡⵕⴰⵜ ⴷ ⵡⴰⵡⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.

ⵍⴷⵣⴰⵢⴻⵔ « ⵜⴻⵔⵔⴰ ⴷⴰⵖ ⵜⴰⵊⵎⵉⵍⵜ ⵉ ⵡⴰⴽⴽ ⵉⵎⴰⵙⵍⴰⴹⴻⵏ ⵏⵉⴹⴻⵏ ⵏ « ⵉⴳⴰⴷ-ⵔⵏⵓ », ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵢⵉⵛⵔⵉⴽⴻⵏ ⵉⴳⵔⴰⵖⵍⴰⵏⴻⵏ ⴰⵢ ⴷ-ⵢⴻⵜⵜⴻⴽⴽⴰⵏ ⵎⵍⵉⵃ ⴷⴻⴳ ⵓⴽⴰⵍⴰ-ⴰ ⵏ ⵜⴰⵍⵡⵉⵜ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵍⴷⵣⴰⵢⴻⵔ « ⵜⴻⵜⵜⵄⴰⵡⴰⴷ ⵜⴻⵜⵜⵡⴻⴽⴽⵉⴷ-ⴷ ⴷⴰⴽⴽⴻⵏ ⵜⴻⵡⵊⴻⴷ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⴽⴻⵎⵎⴻⵍ ⵏ ⵍⵎⴻⴵⵀⵓⴷ ⵏ ⵓⵙⵙⴻⴵⵀⴻⴷ ⵏ ⵜⴰⵍⵡⵉⵜ ⴷ ⵓⵔⴽⴰⴷ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ ⴷ ⵜⴻⵎⵏⴰⴹⵜ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵜⴻⵅⵜⴻⵎ ⵜⴻⵖⴱⴰⵍⵓⵜ-ⴰ.