ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021: ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⵀⴻⵏⵏⴰ ⵉⵎⴻⵣⴷⴰⵖⴻⵏ ⵏ ⵡⴻⵀⵕⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⵀⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵉⵎⴻⵣⴷⴰⵖⴻⵏ ⵏ ⵜⴻⵎⴷⵉⵏⵜ ⵏ ⵡⴻⵀⵕⴰⵏ, ⵜⴰⵎⴷⵉⵏⵜ ⴰⵢ ⴷ-ⵢⴻⵜⵜⵡⴰⴼⴻⵔⵏⴻⵏ ⵉ ⵓⵙⵙⵓⴷⴷⴻⵙⵏ ⵏ ⵜⴻⵥⵔⵉⴳⵜ ⵜⵉⵙ 19 ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021.
« ⴼⴻⵕⵃⴻⵖ ⵎⵍⵉⵃ ⵎⵉ ⵥⵔⵉⵖ ⴷ ⵜⴰⵎⴷⵉⵏⵜ-ⵏⵡⴻⵏ ⴰⵢ ⴷ-ⵉⵔⴻⴱⵃⴻⵏ ⵙ ⵜⴰⴽⵍⴰⵍⵉⵜ ⵜⴰⴼⵔⴰⵏⵜ ⴰⴽⴽⴻⵏ ⴰⴷ ⵜⴻⵙⵙⵓⴷⴷⴻⵙ ⵜⴰⵥⵔⵉⴳⵜ ⵜⵉⵙ 19 ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴰⵏⴻⵏ ⵏ 2021 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
« ⴰⵢⴰ ⴷ ⵉⵙⴻⵖ ⴰⵎⴻⵇⵔⴰⵏ ⵉ ⵡⴻⵀⵕⴰⵏ, ⵜⴰⵎⴰⵏⴻⵖⵜ ⵏ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⵎⵓⵔⵜ ⴷ ⵡⴰⴽⴽ ⵍⴷⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⴷ ⵉⵙⴻⵖ ⵍⴰⴷⵖⴰ ⵉ ⵜⵡⴰⵛⵓⵍⵜ ⵜⴰⵏⴰⴷⴷⴰⵍⵜ ⵜⴰⵖⴻⵍⵏⴰⵡⵜ ⴷ ⵡⴰⴽⴽ ⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵍⴻⴱⵏⵉ ⵏ ⵜⴷⵓⵎⵚⵓⴽⵉⵡⵉⵏ ⵏ ⵡⴰⴷⴷⴰⵍ ⴷ ⵓⵙⵙⴻⵣⴷⴻⵖ ⴰⵢ ⵢⴻⴵⴵⴰⵏ ⵜⴰⵎⴷⵉⵏⵜ-ⴰ ⴰⴷ ⵜⴻⵜⵜⵡⴰⴼⵔⴻⵏ ⵉ ⵡⵓⵔⴰⵔⴻⵏ-ⴰ ⵉⴳⵔⴰⴽⴰⵍⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵎⵓⵔⵜ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵏⴻⵎⵎⴻⵔ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ « ⴰⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ ⴷ ⵡⴰⴽⴽ ⵓⴷⵎⴰⵡⴻⵏ ⵉⴷⵣⴰⵢⵔⵉⵢⴻⵏ ⵏ ⵡⴰⴷⴷⴰⵍ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵏⴼⵓⵙⵜ-ⴰ, ⴷ ⵡⴰⴽⴽ ⵡⵉⴷ ⴰⵢ ⵉⴼⴻⵔⵏⴻⵏ ⵡⴻⵀⵕⴰⵏ ⵉⵎⵉ ⴰⵢ ⴳⴰⵏ ⵍⴰⵎⴰⵏ ⴷⴰⴽⴽⴻⵏ ⵜⴰⵎⴷⵉⵏⵜ-ⴰ ⵜⴻⵣⵎⴻⵔ ⵉ ⵜⴻⴷⵢⴰⵏⵜ ⴰⵎ ⵜⴰ ».
« ⵜⴰⵏⴼⵓⵙⵜ-ⴰ ⴰⵢ ⵢⴻⵜⵜⴱⴻⵛⵛⵉⵔⴻⵏ ⴰⵖⵔⴻⴼ ⴰⴷⵣⴰⵢⵔⵉ ⵙ ⵍⵅⵉⵔ ⴷ ⵜⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⵏⴻⴼⵍⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ ⵏ ⵡⴻⵀⵕⴰⵏ ⴷ ⵜⵡⵉⵍⴰⵢⵉⵏ ⵏⵉⴹⴻⵏ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
« ⵉⵎⵉⵔ-ⴰ, ⴰⵙⵙⵉⵔⴻⵎ-ⵏⵏⴻⵖ ⴰⴽⴽ ⴰⵜⴰⵏ ⴷⴻⴳ ⵢⵉⵏⴰⴷⴷⴰⵍⴻⵏ ⴷ ⵢⵉⵙⵍⴻⵖⵎⴰⵢⴻⵏ-ⵏⵏⴻⵖ ⴰⵔⴰ ⵉⵅⴻⴷⵎⴻⵏ ⵙⴻⴳ ⵡⵓⵍ ⴷ ⵚⵚⴱⴻⵔ ⴰⴽⴽⴻⵏ ⴰⴷ ⴰⵙ-ⴼⴽⴻⵏ ⵉ ⵍⴷⵣⴰⵢⴻⵔ ⵜⴰⴳⵏⵉⵜ ⴰⵢⴷⴻⴳ ⴰⵔⴰ ⵜⵣⵓⵅⵅ ⵙ ⵢⵉⴳⵎⴰⴹ-ⵏⵏⴻⵙ ⵉⵎⵅⴻⵢⵢⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵙⴻⵍⵡⴰⵢ ⵏ ⵜⵎⵓⵔⵜ.
