ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵎⵏⵉⵔ ⴷ ⵡⴰⵀⵉⵍ ⵏ ⵓⵃⴻⵡⵡⴻⵙ ⵉ ⵢⴰⵍ ⵜⴰⵡⵉⵍⴰⵢⵜ

ⵛⵛⵍⴻⴼ – ⴰⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ, ⵉⵃⴻⵜⵜⴻⵜ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵛⵛⵍⴻⴼ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⵏⵉⵔ ⴷ ⵡⴰⵀⵉⵍ ⵏ ⵢⵉⵔⵎⵓⴷⴻⵏ ⵏ ⵜⵎⴻⵔⵔⵉⵜ ⵉ ⵢⴰⵍ ⵜⴰⵡⵉⵍⴰⵢⵜ ⴰⴽⴽⴻⵏ ⵜⵉⵡⵉⵍⴰⵢⵉⵏ ⴰⴷ ⴷ-ⵊⴻⴱⴱⴷⴻⵏⵜ ⵉⵏⴻⵔⵣⴰⴼⴻⵏ ⵢⴻⵔⵏⴰ ⴰⴷ ⵢⴻⵣⵎⴻⵔ ⵓⵃⵔⵉⵛ ⵏ ⵜⵎⴻⵔⵔⵉⵜ ⴰⴷ ⵢⴻⴷⴷⴻⵔ ⴰⴽⴽⴻⵏ ⵢⴻⵍⵀⴰ ⵙ ⵜⴻⵖⵣⴻⴼ ⵏ ⵓⵙⴻⴳⴳⴰⵙ.

« ⴷ ⴰⴽⵓⴷ ⴰⴷ ⴷ-ⵜⵀⴻⵢⵢⵉ ⵢⴰⵍ ⵜⴰⵡⵉⵍⴰⵢⵜ ⴰⵀⵉⵍ ⴷ ⵓⵎⵏⵉⵔ ⵏ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⴷ-ⵜⴻⵙⵙⴽⴻⵏ ⵉⵎⵓⴽⴰⵏ-ⵏⵏⴻⵙ ⵉⴳⴰⵎⴰⵏⴻⵏ, ⵉⵙⴻⵏⵣⵉⴽⴰⵏⴻⵏ, ⵏ ⴷⴷⵉⵏ ⵏⴻⵖ ⵏ ⵓⵎⴻⵣⵔⵓⵢ ⴰⵔⴰ ⴷ-ⵉⵊⴻⴱⴷⴻⵏ ⵉⵏⴻⵔⵣⴰⴼⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⴷ ⵓⵙⵙⴻⴼⵇⴻⴷ ⵏ ⵜⵡⵉⵍⴰⵢⵜ ⵏ ⵛⵛⵍⴻⴼ.

ⵜⴰⵎⴻⵔⵔⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴷ ⵢⵉⵡⴻⵏ ⵙⴻⴳ 5 ⵏ ⵢⵉⵃⵔⵉⵛⴻⵏ ⴰⵢⵖⴻⴼ ⵜⴻⴱⵖⴰ ⵜⵎⵓⵔⵜ ⴰⴷ ⴷ-ⵜⴻⵙⴷⵓⵇⵇⴻⵙ ⵜⴰⴷⴰⵎⵙⴰ-ⵏⵏⴻⵙ ⵢⴻⵔⵏⴰ ⴰⴷ ⴷ-ⵜⴻⵙⵙⵉⴷⴻⴼ ⵉⴷⵔⵉⵎⴻⵏ, ⵖⴻⵔ ⵢⵉⴷⵉⵙ ⵏ ⵜⴼⴻⵍⵍⴰⵃⵜ, ⵜⴰⵎⴳⵓⵔⵉ, ⵉⵎⴻⵥⵍⴰ ⴷ ⵜⵎⵓⵙⵙⵏⵉ.

ⴰⵏⴰⴱⴰⴹ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⵢⴻⴼⴽⴰ « ⴰⵣⴰⵍ ⴷ ⴰⵎⴻⵇⵔⴰⵏ » ⵉ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⵢⴰⵡⵉ ⴰⵎⴽⴰⵏ ⵏ ⵓⵒⵉⵜⵕⵓⵍ.

ⵏⵏⵉⴳ ⵡⴰⵢⴰ, ⵎⴰⵙⵙ ⴳⵀⵧⵓⵍ ⵢⴻⴼⴽⴰ ⴷⴰⵖ ⴰⵣⴰⵍ ⵉ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ ⴰⵢ ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ ⵏ ⵛⵛⵍⴻⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵜⵜⵡⴰⵖⴻⵍⵍⵜⴻⵏⵜ ⵜⵣⴻⵎⵎⴰⵔ-ⴰ (ⵏ ⵜⵎⴻⵔⵔⵉⵜ) ⴰⴽⴽⴻⵏ ⵉⵡⴰⵜⴰ ».

ⵜⴰⵡⵉⵍⴰⵢⵜ-ⴰ ⵜⴻⵙⵄⴰ 120 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⵉⵔⵉ ⵏ ⵢⵉⵍⴻⵍ (ⵍⴻⴱⵃⴻⵕ) ⵢⴻⵔⵏⴰ ⴰⵢⴰ « ⵢⴻⵣⵎⴻⵔ ⴰⴷ ⵜⵜ-ⵢⴻⵔⵔ ⴷ ⴰⵎⴽⴰⵏ ⴰⵎⴻⵇⵔⴰⵏ ⵏ ⵜⵎⴻⵔⵔⵉⵜ ⴷⴻⴳ ⵜⵍⴻⵎⵎⴰⵙⵜ ⴷ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ. ⴷⴻⴳ ⵜⴻⵔⵣⵉ-ⵏⵏⴻⵙ ⵏ ⵓⵎⴰⵀⵉⵍ, ⵢⴻⵙⵙⴻⴼⵇⴻⴷ ⵓⵏⴻⵖⵍⴰⴼ ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ-ⵏⵏⴻⵙ, ⴳⴰⵔ-ⴰⵙⴻⵏ ⵜⴰⵏⴻⵣⴷⵓⵖⵜ ⵏ « ⵍⴰⵍⵍⴰ ⵃⵍⵉⵎⴰ » ⴰⵢ ⵢⴻⵜⵜⵡⴰⴱⵏⴰⵏ ⵉ ⵓⴷⴰⵡⵉ ⵙ ⵡⴰⵎⴰⵏ ⵉⵥⴻⵖⵖⴰⵍⴻⵏ ⴷⴻⴳ ⵜⵖⵉⵡⴰⵏⵜ ⵏ ⵜⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵣⴰ ⵖⴻⴼ ⵢⵉⵡⴻⵏ ⵏ ⵓⵙⴻⵏⵙⵓ ⵏ ⵜⵖⵉⵡⴰⵏⵜ ⵏ ⵛⵛⵍⴻⴼ ⴰⵔⴰ ⵢⴻⵜⵜⵡⴰⵔⴻⵥⵎⴻⵏ ⴷⴻⴳ ⵓⵣⴳⴻⵏ ⵡⵉⵙ ⵙⵉⵏ ⵏ 2016, ⴷ ⵜⵏⴻⵣⴷⵓⵖⵜ ⵜⴰⵎⴻⵔⵔⴰⵢⴰⵏⵜ ⵏ « ⴷⴰⵔ ⴻⵍ ⵉⴽⵔⴰⵎ » ⴰⵢ ⴷ-ⵢⵓⵙⴰⵏ ⴷⴻⴳ ⵡⴰⵢⵜ ⵃⴻⵡⵡⴰ.

ⵎⴰⵙⵙ ⴳⵀⵧⵓⵍ ⵉⵃⴻⵜⵜⴻⵜ-ⴷ, ⴷⴻⴳ ⵢⵉⵎⵓⴽⴰⵏ ⵢⴻⵎⴳⴻⵔⵔⴰⴷⴻⵏ ⴰⵢⴷⴻⴳ ⵢⴻⵃⴱⴻⵙ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⴰⵀⵉⵍ (ⴰⵅⴻⴷⴷⵉⵎ) ⵉ ⵓⵙⴷⵓⵇⵇⴻⵙ ⵏ ⵓⵃⵔⵉⵛ ⵏ ⵜⵎⴻⵔⵔⵉⵜ ⴷ ⵓⴹⵎⴰⵏ ⵏ ⵓⴽⴻⵎⵎⴻⵍ ⵏ ⵜⵎⴻⵔⵔⵉⵜ ⵙ ⵜⴻⵖⵣⴻⴼ ⵏ ⵓⵙⴻⴳⴳⴰⵙ ⵙ ⵍⴻⴱⵏⵉ ⵏ ⵜⴷⵓⵎⵚⵓⴽⵉⵡⵉⵏ ⵜⵉⵏⴰⴷⴷⴰⵍⵉⵏ ⴷ ⵜⴻⵎⵚⵓⴽⵉⵡⵉⵏ ⵏ ⵓⵎⵎⴰⴳⴻⵔ ⵏ ⵢⵉⵏⴻⵔⵣⴰⴼⴻⵏ ⴷ ⵢⵉⵔⵎⵓⴷⴻⵏ ⵉ ⵢⵉⵍⴻⵎⵥⵉⵢⴻⵏ.

ⵢⴻⵙⵙⴻⴼⴽ ⴷⴰⵖ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ, ⴰⴷ ⵢⴻⵜⵜⵡⴰⴹⵎⴻⵏ « ⵓⵎⴰⵀⵉⵍ ⴰⴷⵓⵎⴰⵏ ⵉ ⵡⵉⴷ ⴰⵔⴰ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ-ⴰ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵃⴻⵜⵜⴻⵜ-ⴷ ⴷⴰⵖ ⵓⵏⴻⵖⵍⴰⴼ ⵖⴻⴼ ⵢⵉⵎⵙⴻⴼⵜⵉⵢⴻⵏ ⴰⴷ ⵜⵜⵇⴰⴷⴰⵔⴻⵏ ⵚⵚⵉⴼⴰⵜ ⵏ ⵢⴰⵍ ⵜⴰⵎⵏⴰⴹⵜ ⵢⴻⵔⵏⴰ ⴰⴷ ⵜⴻⵏⵜ-ⵉⴷ-ⵙⴱⴰⵏⴻⵏ ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴰⵢⴰ ⵉ ⵍⵎⴻⵏⴷ ⵏ ⵢⵉⵎⴻⵔⵔⴰⵢⴻⵏ.

ⵎⵉ ⴰⵙ-ⴷ-ⴳⴰⵏ ⵉ ⵓⵏⴻⵖⵍⴰⴼ ⵢⵉⵡⴻⵏ ⵏ ⵓⵏⴻⵙⴽⵉⵏ ⵖⴻⴼ ⵓⵀⴻⵢⵢⵉ ⴰⵎⴻⵔⵔⴰⵢⴰⵏ ⴷⴻⴳ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵢⴻⵜⵜⵡⴰⵖⴻⵍⵍⴻⵜ ⵡⴰⴽⴰⵍ ⴰⵎⴻⵔⵔⴰⵢⴰⵏ ⵙ ⵚⵚⵡⴰⴱ » ⵢⴻⵔⵏⴰ ⴰⴷ ⴱⴷⵓⵏⵜ ⴰⴷ ⵜⵜⵡⴰⵖⴻⵍⵍⴰⵜⴻⵏⵜ « ⵜⴻⵎⵏⴰⴹⵉⵏ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ ⵖⴻⴼ ⵣⵉⴽ ⵍⵃⴰⵍ ».

ⵜⴰⵡⵉⵍⴰⵢⵜ ⵏ ⵛⵛⵍⴻⴼ ⵜⴻⵙⵄⴰ ⵉⵎⵉⵔ-ⴰ ⵜⴰⵣⵎⴻⵔⵜ ⵏ ⵓⵎⵎⴰⴳⴻⵔ ⵏ 1100 ⵏ ⵡⵓⵙⵓⵜⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⴻⵙⵙⴻⵎⵖⴻⵔ ⵜⴰⵣⵎⴻⵔⵜ-ⴰ ⵖⴻⵔ 2005 ⵏ ⵡⵓⵙⵓⵜⴻⵏ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵎⴹⴰⵏ ⵏ ⵡⵓⵙⵓⵜⴻⵏ ⴰⵢ ⵜⴻⵙⵄⴰ ⵜⵡⵉⵍⴰⵢⵜ-ⴰ ⵉⵎⵉⵔ-ⴰ « ⴷⵔⵓⵙ ⵎⵍⵉⵃ ».

ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵡⵉⵍⴰⵢⵜ-ⴰ ⵜⴻⵃⵡⴰⴵ 10.000 ⵏ ⵡⵓⵙⵓⵜⴻⵏ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵉⵏⴻⵔⵣⴰⴼⴻⵏ ⴰⵢ ⴷ-ⵢⴻⵜⵜⴰⵙⴻⵏ ⵙⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵟⴰⵙ ⵏ ⵜⴻⵎⴷⵉⵏⵉⵏ ⵏ ⵜⵡⵉⵍⴰⵢⵜ-ⴰ « ⵎⴰⵣⴰⵍ-ⵉⵜⴻⵏⵜ ⴷ ⵜⵉⵇⴻⵢⵢⴰⵔⵉⵏ ⵢⴻⵔⵏⴰ ⵉⵎⵓⴽⴰⵏ-ⵏⵙⴻⵏⵜ ⵏ ⵜⵎⴻⵔⵔⵉⵜ ⵃⵡⴰⴵⴻⵏ ⴰⴷ ⴰⵙⴻⵏ-ⴷ-ⵢⴻⵇⵇⴻⵍ ⵡⴰⵣⴰⵍ ».