ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴱⴷⴻⴷ ⵏ ⵜⵏⴻⴳⴳⴰ ⵜⴰⵎⴰⵢⵏⵓⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ (ⴰⵏⴰ) ⴰⴷ ⵜⴻⴷⴷⵓⴽⴽⴻⵍ ⴷ ⵜⵏⴻⴳⴳⴰ ⵓⵙⵙⴻⴼⵔⴻⴽ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ (ⴰⴳⴰ) ⴷⴻⴳ ⵜⴳⴰⵔⴰ ⵏ 2015 ⴰⴽⴽⴻⵏ ⴰⴷ ⵇⵇⵍⴻⵏⵜ ⴷ ⵢⵉⵡⴻⵏ ⵏ ⵡⵓⴷⵓⵙ ⴰⵔⴰ ⵢⴻⵙⵄⵓⵏ ⵉⵙⴻⵎ ⵏ ⵜⴷⵣⴰⵢⵔⵉⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ .

ⵜⴰⵏⴻⴳⴳⴰ-ⴰ ⵜⴰⵎⴰⵢⵏⵓⵜ ⴰⴷ ⵜⴻⵙⵄⵓ ⴰⵥⴰⵢⴻⵔ ⵏ ⵓⵖⵙⵓⵔ ⴰⵏⴰⴳⴷⵓⴷ ⴰⵎⴳⵓⵔⴰⵏ ⵢⴻⵔⵏⴰ ⴷ ⴰⵎⵙⴻⵏⵣⵉ (ⴻⵒⵉⵛ), ⵢⴻⵔⵏⴰ ⵢⴻⵔⵏⴰ ⵛⵛⵖⴻⵍ-ⵏⵏⴻⵙ ⴷ ⵍⴻⴱⵏⵉ ⴷ ⵓⵖⴻⵍⵍⴻⵜ ⵏ ⵢⵉⴱⵔⵉⴷⴻⵏ ⵉⵔⵓⵔⴰⴷⴻⵏ ⵏ ⵜⵎⵓⵔⵜ ⵏ ⵍⴻⵣⵣⴰⵢⴻⵔ. ⵙ ⵡⴰⵢⴰ, ⵜⴰⵏⴻⴳⴳⴰ-ⴰ ⴷ ⵏⴻⵜⵜⴰⵜ « ⴰⵔⴰ ⵢⴰⵡⵉⵏ ⴰⵎⴽⴰⵏ ⵙⵏⴰⵜ-ⵏⵏⵉ ⵏ ⵜⵏⴻⴳⴳⵉⵡⵉⵏ ⵢⴻⵍⵍⴰⵏ ⵢⴰⴳⵉ, ⴰⵏⴰ ⴷ ⴰⴳⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵎⴰⵙⵙ ⵜⵧⵓⴼⵉⴽ ⵎⵧⵙⵙⵍⵉ, ⴰⵏⴻⵎⵀⴰⵍ ⵏ ⵜⴻⵎⵙⴰⵍ ⵏ ⵍⵇⴰⵏⵓⵏ ⴷ ⵡⵓⴳⵓⵔⴻⵏ ⴷⴻⴳ ⵓⵖⵍⵉⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ.

ⵜⴰⵏⴻⴳⴳⴰ ⵏ ⵜⴷⵣⴰⵢⵔⵉⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴰⴷ ⵜⴻⵜⵜⴻⴳ ⵜⵉⵣⵔⴰⵡⵉⵏ, ⴰⴷ ⵜⴱⴻⵏⵏⵓ, ⴰⴷ ⵜⴻⵜⵜⵖⴻⵍⵍⵉⵜ ⵢⴻⵔⵏⴰ ⴰⴷ ⵜⴻⵜⵜⴻⵜⴻⵡⵡⵉⵍ ⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴷ ⵡⴰⵢⴻⵏ ⵢⴻⵇⵇⵏⴻⵏ ⵖⴻⵔ-ⵙⴻⵏ, ⵢⴻⵔⵏⴰ ⴰⴷ ⵜⴻⵙⵙⵉⵣⴷⵉⴳ ⴰⵎⴰ ⴷ ⵉⴱⵔⵉⴷⴻⵏ-ⴰ, ⴰⵎⴰ ⴷ ⵉⴱⵔⵉⴷⴻⵏ ⵉⵔⵓⵔⴰⴷⴻⵏ, ⴰⵎ ⵡⴰⴽⴽⴻⵏ ⴰⵔⴰ ⵜⴻⴱⵏⵓ ⵜⵜⴰⵡⵉⵍⴰⵜ ⵏ ⵓⵖⴻⵍⵍⴻⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵏ ⵍⴻⵅⵍⴰⵚ.

ⵢⵓⵖ ⵍⵃⴰⵍ, ⵍⴻⵣⵣⴰⵢⴻⵔ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴼⴰⴽ ⴷⴻⴳ 2016 ⵉⵎⵓⴽⴰⵏ ⵉⵎⴻⵣⵡⵓⵔⴰ ⵏ ⵍⴻⵅⵍⴰⵚ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ, ⵍⴰⴷⵖⴰ ⵡⵉⴷ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⵢⴻⵔⵏⴰ ⴰⴷ ⵇⵇⵍⴻⵏ ⵢⵉⵏⴻⵀⵀⴰⵕⴻⵏ ⴰⴷ ⵜⵜⵅⴻⵍⵍⵉⵚⴻⵏ ⵖⴻⴼ ⵍⴻⵃⵙⴰⴱ ⵏ ⵢⵉⴽⵉⵍⵓⵎⵉⵜⵔⴻⵏ ⴰⵢ ⴷⴷⴰⵏ ⴷⴻⴳ ⵓⴱⵔⵉⴷ-ⵏⵏⵉ ⵢⴻⵔⵏⴰ ⵖⴻⴼ ⵍⴻⵃⵙⴰⴱ ⵏ ⵚⵚⴻⵏⴼ ⵏ ⵜⴽⴻⵕⵕⵓⵙⵜ-ⵏⵙⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵎⵧⵙⵙⵍⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⵙⴻⴱⴱⴰ ⴰⵢ ⵢⴻⴵⴵⴰⵏ ⴰⵡⴰⵏⴰⴽ ⴰⴷ ⵢⴻⵙⴷⵓⴽⴽⴻⵍ ⵙⵏⴰⵜ-ⴰ ⵏ ⵜⵏⴻⴳⴳⵉⵡⵉⵏ ⵏⴻⵜⵜⴰ ⴷ ⵉⴷⵔⵉⵎⴻⵏ ⵉⵎⴻⵇⵔⴰⵏⴻⵏ ⴰⵢ ⵢⴻⵜⵜⵡⴰⵙⵙⴻⴼⵜⴰⵏ ⵙⴻⴳ 2001 ⴷⴻⴳ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ. ⵙ ⵡⴰⵢⴰ, ⵉ ⵍⵎⴻⵏⴷ ⵏ ⵓⵙⵙⴻⴼⵔⴻⴽ ⵢⴻⵍⵀⴰⵏ ⵏ ⵢⵉⵙⴻⵏⴼⴰⵔⴻⵏ, ⴰⵖⵍⵉⴼ ⵉⵡⴻⴽⴽⴻⵍ ⵏⴰⵇⴰⵍ ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ, ⵙⴰⴽⴽⵉⵏ ⵢⴻⵔⵏⴰ ⵉⵡⴻⴽⴽⴻⵍ ⵜⴰⵏⴻⴳⴳⴰ ⵏ ⵓⵙⵙⴻⴼⵔⴻⴽ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵉ ⵓⴹⵎⴰⵏ ⵏ ⵓⵙⵏⴻⴼⵍⵉ ⵉⴳⴻⵔⵔⵣⴻⵏ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵏ ⵜⵎⵓⵔⵜ.

ⵉⵙⵡⵉ ⵏ ⵜⵙⴻⵔⵜⵉⵜ ⵜⴰⵇⴱⵓⵔⵜ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ, ⵏⴻⵜⵜⴰ ⴷ ⴰⴼⵔⴰⵇ ⴳⴰⵔ ⵍⴻⵛⵖⴰⵍ ⵉⴳⴻⵊⴷⴰⵏⴻⵏ ⴰⵢⵢⴻⵙ ⴰⵔⴰ ⴷ-ⵍⵀⵓⵏⵜ ⵙⵏⴰⵜ-ⵏⵏⵉ ⵏ ⵜⵏⴻⴳⴳⵉⵡⵉⵏ: ⵙⴻⴳ ⵢⵉⴷⵉⵙ, ⵍⴻⴱⵏⵉ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ, ⴷ ⵡⵉⵏ ⴰⵢⵢⴻⵙ ⴰⵢ ⴷ-ⵜⴻⵍⵀⴰ ⴰⵏⴰ, ⴷ ⵓⵙⵙⴻⴼⵔⴻⴽ ⵏ ⵢⵉⴱⵔⵉⴷⴻⵏ-ⴰ ⴰⵢⵢⴻⵙ ⴰⵢ ⴷ-ⵜⴻⵍⵀⴰ ⴰⴳⴰ.

ⵎⴰⵛⴰ, ⵉⵎⵉⵔ-ⴰ, ⵎⵉ ⴰⴽⴽⴰ ⴰⵢ ⵇⵔⵉⴱ ⴰⴷ ⵉⴼⴰⴽ ⵍⴻⴱⵏⵉ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ (ⵙ ⵓⴼⴰⴽⵉ ⴷ ⵓⵔⵥⴰⵎ ⵏ ⵡⴰⵟⴰⵙ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵢⴻⵙⵙⴰⴷⴰⴼⴻⵏ ⵖⴻⵔ ⵜⴻⵎⵏⴰⴹⵉⵏ, « ⴷ ⴰⴽⵓⴷ ⴰⴷ ⵏⴻⵙⴷⵓⴽⴽⴻⵍ ⵙⵏⴰⵜ-ⴰ ⵏ ⵜⵏⴻⴳⴳⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⵧⵙⵙⵍⵉ.

ⵜⵜⴻⵊⵕⵉⴱⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵜⴻⵙⵙⴽⴻⵏ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵙⴷⵓⴽⴽⵍⴻⵏ ⵍⴻⵛⵖⴰⵍ ⵏ ⵍⴻⴱⵏⵉ ⴷ ⵓⵙⵙⴻⴼⵔⴻⴽ ⴷⴷⴰⵡ ⵜⵎⴰⵙⵉⵜ ⵏ ⵢⵉⵡⴻⵜ ⴽⴰⵏ ⵏ ⵜⵏⴻⴳⴳⴰ.

ⴰⵢⴰ ⵢⴻⵍⵍⴰ-ⴷ ⴷⴰⵖ ⵉⵎⵉ ⵍⴻⵛⵖⴰⵍ ⵢⴻⵙⵙⴻⴼⴽ ⴰⴷ ⵉⵍⵉⵏ ⴷ ⵉⵎⴻⵍⵍⵉⵍⴻⵏ ⵢⴻⵔⵏⴰ ⴰⴷ ⴷⴷⵓⵏ ⵙ ⵜⴻⴼⵙⴻⵙ, ⵢⴻⵔⵏⴰ ⴰⵢⴰ ⴰⴷ ⵢⴻⴵⴵ, ⵖⴻⴼ ⵍⴻⵃⵙⴰⴱ-ⵏⵏⴻⵙ, « ⴰⴷ ⵢⴻⵜⵜⵡⴰⵙⵙⴻⵇⴷⴻⵛ ⵜⵜⴰⵡⵉⵍ ⴰⴽⴽⴻⵏ ⵉⴳⴻⵔⵔⴻⵣ ».

ⵜⴰⵏⴻⴳⴳⴰ ⵏ ⵜⴷⵣⴰⵢⵔⵉⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵢⴻⵙⵙⴻⴼⴽ ⴰⴷ ⵜⵇⴰⴷⴻⵔ ⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵏ ⵓⵙⵙⵓⴷⴷⴻⵙ ⴷ ⵓⵙⵙⴻⴼⵔⴻⴽ ⴰⴽⴽⴻⵏ ⴰⴷ ⵜⴳⴻⵔⵔⴻⵣ ⵜⴰⵎⴻⵍⵍⵉⵍⵜ-ⵏⵏⴻⵙ ⵖⴻⴼ ⵣⵉⴽ ⵍⵃⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵅⴻⴷⴷⴰⵎⴻⵏ ⴰⵙⵎⵉ ⴰⵔⴰ ⴷ-ⵢⵉⵍⵉ ⵓⵙⴷⵓⴽⴽⴻⵍ-ⴰ, ⵎⴰⵙⵙ ⵎⵧⵙⵙⵍⵉ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⴽⴽ ⵉⵅⴻⴷⴷⴰⵎⴻⵏ ⵏ ⵜⴻⴷⴱⴻⵍⵜ ⴷ ⵓⵙⵙⴻⴼⵔⴻⴽ ⵏ ⵜⵏⴻⴳⴳⵉⵡⵉⵏ ⵏ ⴰⵏⴰ ⴷ ⴰⴳⴰ ⴰⴷ ⵇⵇⵍⴻⵏ ⴰⴷ ⵅⴻⴷⴷⵎⴻⵏ ⴷⴻⴳ ⵓⵖⵙⵓⵔ-ⵏⵏⵉ ⴰⵏⴰⴳⴷⵓⴷ ⴰⵎⴰⵢⵏⵓ », ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴷⵣⴰⵢⵔⵉⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ, ⵎⴰ ⵜⴻⵔⵔⴰ ⵜⵎⴰⵔⴰ, ⴰⴷ ⵜⵄⴰⵡⴻⴷ ⴰⴷ ⵜⴻⴼⵔⴻⵇ ⵉⵅⴻⴷⴷⴰⵎⴻⵏ ⵖⴻⴼ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⵜⴼⴰⵕⴻⵙ ⴰⴽⴽⴻⵏ ⵉⴳⴻⵔⵔⴻⵣ ⵙⴻⴳ ⵜⵜⴻⵊⵕⵉⴱⴰ-ⵏⵙⴻⵏ.

ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ (ⴰⵏⴰ) ⵜⴻⵜⵜⵡⴰⵙⵙⴻⴱⴷⴻⴷ-ⴷ ⴷⴻⴳ 1992, ⵢⴻⵔⵏⴰ ⵜⴻⵜⵜⵡⴰⴽⴻⵍⵍⴻⴼ ⴰⴷ ⵜⴻⴱⴷⴻⴷ, ⵙ ⵢⵉⵙⴻⵎ ⵏ ⵓⵡⴰⵏⴰⴽ (ⴷⴷⵓⵍⴰ), ⵉ ⵡⴰⴽⴽ ⵍⴻⵛⵖⴰⵍ ⵏ ⵍⴻⴱⵏⵉ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ, ⴷⵖⴰ ⴷ ⵏⴻⵜⵜⴰⵜ ⴰⵢ ⴷ-ⵢⴻⵜⵜⴳⴻⵏ ⵜⵉⵣⵔⴰⵡⵉⵏ, ⵜⴱⴻⵏⵏⵓ, ⵜⴻⵙⵙⴻⴼⵇⴰⴷ ⵢⴻⵔⵏⴰ ⵜⴻⵜⵜⴹⴰⴼⴰⵔ ⵉⵙⴻⵏⴼⴰⵔⴻⵏ ⵏ ⵢⵉⴱⵔⵉⴷⴻ ⵉⵎⴰⵣⵣⴰⵍⴻⵏ.

ⴷⴻⴳ 2005, ⴰⵡⴰⵏⴰⴽ ⵜⴻⵙⵙⴻⴱⴷⴻⴷ-ⴷ ⵜⴰⵏⴻⴳⴳⴰ ⵏ ⵓⵙⵙⴻⴼⵔⴻⴽ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵉ ⵓⵙⵙⴻⴼⵄⴻⵍ ⵏ ⵢⵉⵖⴰⵡⴰⵙⴻⵏ ⴷ ⵡⴰⵀⵉⵍⴻⵏ ⵢⴻⵇⵇⵏⴻⵏ ⵖⴻⵔ ⵓⵙⵙⴻⴼⵔⴻⴽ, ⴰⵖⴻⵍⵍⴻⵜ, ⴰⵙⵙⵉⵣⴷⴻⴳ ⴷ ⵓⵚⴻⴳⴳⴻⵎ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴷ ⵜⵜⴰⵡⵉⵍⴰⵜ ⵢⴻⵇⵇⵏⴻⵏ ⵖⴻⵔ-ⵙⴻⵏ ⵉ ⵓⴹⵎⴰⵏ ⵏ ⵜⵖⴰⵔⴰ ⵉ ⵢⵉⵏⴻⵀⵀⴰⵕⴻⵏ ⴰⵢ ⵢⴻⵜⵜⴻⴷⴷⵓⵏ ⴷⴻⴳ-ⵙⴻⵏ.

ⵙⵖⵓⵔ ⴼⵧⵓⵣⵉ ⴽⴻⵏⵓⵛ