ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵊⴰⵕ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴼⵓⴽ ⵍⴻⴱⵏⵉ ⵏ ⵥⵥⴻⵔⴱ-ⵏⵏⴻⵙ ⵖⴻⴼ ⵜⵍⵉⵙⴰ ⴷ ⵙⴻⵔⴱⵢⴰ

ⴱⵓⴷⴰⵒⴻⵙⵜ – ⴰⵖⵍⵉⴼ ⴰⵎⴰⵊⴰⵕⵉ ⵏ ⵜⴻⵎⵃⴰⴷⴷⵉⵜ ⵢⴻⵏⵏⴰ-ⴷ ⴰⵙⵙ ⵏ ⵙⵙⴻⴱⵜ ⴷ ⴰⴽⴽⴻⵏ ⵉⴼⵓⴽ ⵍⴻⴱⵏⵉ ⵏ ⵥⵥⴻⵔⴱ-ⵏⵏⴻⵙ ⴱⵓ ⵜⵓⵛⵛⴰⵔ ⵖⴻⴼ ⵜⵍⵉⵙⴰ ⴳⴰⵔ ⵎⴰⵊⴰⵕ ⴷ ⵙⴻⵔⴱⵢⴰ ⵉ ⵓⵃⴱⴰⵙ ⵏ ⵡⴰⴷⴰⴼ ⵏ ⵢⵉⵎⵉⵏⵉⴳⴻⵏ ⵓⵔ ⵢⴻⵙⵄⵉⵏ ⵍⴻⴽⵡⴰⵖⴻⴹ.

« ⴰⵃⵔⵉⵛ ⴰⵎⴻⵣⵡⴰⵔⵓ ⵏ ⵥⵥⴻⵔⴱ-ⴰ ⵏ ⵜⵍⵉⵙⴰ ⵉⴼⵓⴽ ⵙⵉⵏ ⵏ ⵡⵓⵙⵙⴰⵏ ⴰⵢⴰ, ⵓⵇⴱⴻⵍ ⵡⴰⴽⵓⴷ ⴰⵢ ⴰⵙ-ⴷ-ⵃⵓⴷⴷⴻⵏ ⵏ 31 Ɣⵓⵛⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

ⵥⵥⴻⵔⴱ-ⴰ ⴷⴻⴳ-ⵙ 3 ⵏ ⵜⵏⵉⴼⵉⴼⵉⵏ ⵢⴻⵔⵙⴻⵏ ⵜⴰ ⵖⴻⴼ ⵜⴰ ⵏ ⵉⵍⴻⵥⵡⵉ ⴱⵓ ⵜⵓⵛⵛⴰⵔ ⵢⴻⵔⵏⴰ ⵙⵙⴻⵔⵏⵙⴻⵏ ⵥⵥⴻⵔⴱ-ⴰ ⵙ ⵜⴻⵖⵣⴻⴼ ⵏ 175 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⵍⵉⵙⴰ ⴳⴰⵔ ⵎⴰⵊⴰⵕ ⴷ ⵙⴻⵔⴱⵢⴰ ⴰⴽⴽⴻⵏ ⵓⵔ ⵜⵜⵄⴻⴷⴷⵉⵏ ⴰⵔⴰ ⵢⵉⵎⵉⵏⵉⴳⴻⵏ ⵖⴻⵔ ⵎⴰⴽⴰⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵙⴻⴳ ⵜⵏⴻⴳⴳⴰ ⵏ ⴰⴼⵒ.

ⴰⴷ ⵔⵏⵓⵏ ⴰⴷ ⴱⵏⵓⵏ ⵢⵉⵙⴻⵔⴷⴰⵙⴻⵏ ⵉⵎⴰⵊⴰⵕⵉⵢⴻⵏ ⵥⵥⴻⵔⴱ ⵏⵉⴹⴻⵏ ⵄⵍⴰⵢⴻⵏ 4 ⵏ ⵍⵎⵉⵜⵔⴰⵜ ⴰⴽⴽⴻⵏ ⴰⴷ ⵜⴻⵙⵙⴻⴵⵀⴻⴷ ⵜⵜⴰⵡⵉⵍ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵏ ⵜⵎⵓⵔⵜ-ⴰ.

ⴰⵙⴻⵏⴼⴰⵔ-ⴰ ⵢⴻⵖⵜⴻⵙ ⴰⴷ ⵜ-ⵢⴻⴳ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵖⴻⵔⴼⴰⵥⵔⵉ ⵠⵉⴽⵜⵧⵔ ⵧⵔⴱⴰⵏ, ⵢⴻⵔⵏⴰ ⵢⴻⵇⴱⴻⵍ-ⵉⵜ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵓⵎⵏⵉ ⴰⵎⴰⵊⴰⵕⵉ ⴷⴻⴳ 6 ⵢⵓⵏⵢⵓ. ⵍⴻⴱⵏⵉ-ⵏⵏⴻⵙ ⴰⴷ ⵢⴻⴹⴹⴻⴼ ⴰⵛⵃⴰⵍ ⵏ ⵡⴰⵢⵢⵓⵔⴻⵏ.

ⵥⵥⴻⵔⴱ-ⴰ ⴰⵔⴰ ⵉⵃⴻⴱⵙⴻⵏ ⵉⵎⵉⵏⵉⴳⴻⵏ ⵉⵛⵓⴱⴰ ⵡⵉⴷ ⴰⵢ ⵢⴻⵜⵜⵡⴻⴱⵏⴰⵏ ⴷⴻⴳ ⵍⴻⴳⵔⵉⴳ, ⴱⵓⵍⴳⴰⵕⵢⴰ ⴷ ⵙⵒⴻⵏⵢⵓⵍ ⵖⴻⴼ ⵜⵍⵉⵙⴰ ⵜⵉⴱⴻⵕⵕⴰⵏⵉⵢⵉⵏ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵎⴰⵛⴰ ⵙⴻⵔⴱⵢⴰ ⵓⵔ ⵜⵜ-ⵢⴻⵄⵊⵉⴱ ⴰⵔⴰ ⵍⵃⴰⵍ ⵖⴻⴼ ⵡⴰⵢⴰ, ⵓⵍⴰ ⵎⴰ ⵓⵍⴰ ⴷ ⵏⴻⵜⵜⴰⵜ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⴰⵢ ⵍⴰ ⵢⴻⵙⵙⴰⵔⴰⵎⴻⵏ ⴰⴷ ⵜⴰⴷⴻⴼ ⵖⴻⵔ ⵜⴷⵓⴽⵍⵉ ⵜⵓⵕⵓⴼⵉⵜ. ⵎⴰ ⴷ ⵜⵉⵏⵇⵉⴹⵉⵏ ⵏ ⵓⵣⴳⴰⵔ ⵏ ⵜⵍⵉⵙⴰ, ⵓⵍⴰ ⵎⴰ ⵢⴻⵍⵍⴰ ⵥⵥⴻⵔⴱ-ⴰ, ⴰⴷ ⵇⵇⵉⵎⴻⵏⵜ ⵔⴻⵥⵎⴻⵏⵜ.

ⴷⴻⴳ ⵙⵉⵏ-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ, ⵜⵓⵖⴰⵍ ⵎⴰⴽⴰⵕ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⵜⵉⵎⴻⵇⵔⴰⵏⵉⵏ ⴰⵢⵖⴻⴼ ⵜⵜⵄⴻⴷⴷⵉⵏ ⵢⵉⵎⵉⵏⵉⴳⴻⵏ ⵓⵔ ⵢⴻⵙⵄⵉⵏ ⵍⴻⴽⵡⴰⵖⴻⴹ ⴰⵢ ⵍⴰ ⵢⴻⵜⵜⴻⴷⴷⵓⵏ ⵖⴻⵔ ⵜⵓⵜⵔⵉⵛⵜ ⴷ ⵍⴰⵍⵎⴰⵏ (ⴷⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ), ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⵙⴻⴳ-ⵙⴻⵏ ⵓⵙⴰⵏ-ⴷ ⵙⴻⴳ ⵍⵄⵉⵔⴰⵇ, ⴰⴼⵖⴰⵏⵉⵙⵜⴰⵏ, ⵙⵓⵔⵢⴰ ⴷ ⴽⵧⵙⵧⵠⵧ.

ⴷⴻⴳ ⴷⴷⵓⵕⵜ-ⴰ ⴽⴰⵏ, ⴰⵣⴰⵍ ⵏ 10.000 ⵏ ⵢⵉⵎⵉⵏⵉⴳⴻⵏ ⴰⵢ ⵉⵣⴻⴳⵔⴻⵏ ⵜⵉⵍⵉⵙⴰ ⴳⴰⵔ ⵎⴰⵊⴰⵕ ⵏ ⵙⴻⵔⴱⵢⴰ.

ⵎⴰⵊⴰⵕ ⵜⴻⴼⵔⴻⵇ ⴰⵣⴰⵍ ⵏ 1000 ⵏ ⵢⵉⵎⵙⵓⵍⵜⴰ ⵏ ⵜⵍⵉⵙⴰ ⵙⴻⴳ ⵢⵉⴷⵉⵙ-ⵏⵏⴻⵙ ⵏ ⵜⵍⵉⵙⴰ, ⵢⴻⵔⵏⴰ ⵎⴰⵣⴰⵍ ⵢⴻⵙⵙⴻⴼⴽ ⴰⴷ ⵜⴻⵔⵏⵓ ⴰⴷ ⵜⴻⴼⵔⴻⵇ 2000 ⵏⵉⴹⴻⵏ ⵙⴻⴳ ⵓⵎⴻⵣⵡⴰⵔⵓ ⵏ ⵛⵜⴻⵎⴱⴻⵕ ⴷ ⴰⵙⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴰⴱⴰⴹ ⴰⵎⴰⵊⴰⵕⵉ.