Asebter amenzawi

Uraren Ifriqiyen n 2015: Taoufik Makhloufi ad yettekki deg Brazzaville

LEZZAYER TAMANEɣT – Alɣuɣ ulimpi n 1500 n lmitrat, Adzayri Taoufik Makhloufi, iwekked-d d akken ad yettekki deg Wuraren Ifriqiyen n Brazzaville n 2015 (gar 4 d 19 Ctembeṛ) ɣef wakken ay d-yenna ass n lḥedd unemhal n teɣlamin tiɣelnawin, Abdelkrim Sadou.

« Makhloufi iwekked-aɣ-d attekki-nnes deg Wuraren Ifriqiyen n 2015 », ɣef wakken ay d-tebder tebniqt n teɣwalt n Tfidiṛalit Tadzyrit n Tatlitit yenna-t-id Abdelkrim Sadou.

Ass n lḥedd deg Pikin, Taoufik Makhloufi ur yessaweḍ ara ad d-yezg gar 3 n yimukan imezwura deg temsizzelt taneggarut n 1500 n lmitrat deg Telɣuɣa n Umaḍal n 2015.

« Yella yessefk ad d-yefruri deg 150 n lmitrat tineggura akken ad yessiweḍ ad yeḍḍef mgal yixṣimen Yikenyanen, ladɣa Kiprop ay yesqedcen tataktit yelhan akken ad yerbeḥ », ɣef wakken ay d-nnan yimuzzag ay d-tebder Tfidiṛalit.

D acu kan, kra n yimanayen nnan-d d akken Makhloufi werɛad ur t-id-yeqqil ara lǧehd n « uswir ulimpi » deffir ma yuḍen tagara-a, yerna tazwara n tsemhuyt-a tusa-as-d tewɛeṛ.

Agmuḍ igerrzen akk n Makhloufi deg tsemhuyt-a netta d 3:28.75, yerna yessefk, imir-a, ad yebdu ad yessewjad iman-nnes i ttiɛadat inaddalen ay d-yetteddun, ladɣa Uraren Ulimpiyen n Rio n 2016, anda ay yessefk ad iḥudd azwel-nnes n ulɣuɣ ulimpi ay d-yerbeḥ deg Wuraren n London n 2012.