Asebter amenzawi
El Hadi Ould Ali d umtil-is aṣeḥrawi udren-d amedhel ucrik
LEZZAYER – Aneɣlaf n Yilmeẓyen d Uddal, El Hadi Ould Ali, yudder-d ass n letniyen deg Lezzayer tamaneɣt, d umtil-is n Tegduda taɛrabt taseḥrawit tamagdayt, Mohamed-Mouloud Mohamed-Fadel, iberdan d wallalen n yiwen n umedhel i d-iteddun gar sin yiɣlifen. ’D yiwet n tirzi tunṣibt, ferḥeɣ s tilin-iw deg Lezzayer akken ad zerweɣ d gma d umeddakel-iw, El Hadi Ould Ali, iberdan n yiwen n umedhel gar tmura-nneɣ deg taɣult n uddal’’, i yenna Mass Mohamed-Fadel deg taggara n yiwet n temlilit d umtil-is azzayri deg uxxam n uɣlif n Yilmeẓyen d Uddal.
‘’Ssarameɣ ad yili umedhel-a d win ara iruḥen akin i uddal ɣer tiɣula nniḍen akken ad isseǧhed assaɣen n tegmat gar yiɣerfan-nneɣ’’ i yessarem, seg tama-s, Mass Ould Ali. (Tanegga)
