ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⵉⵛⵛⵓⵔⴽⴰ ⴳⴰⵔ ⵓⵙⴻⵇⵇⴰⵎⵓ ⵏ ⵜⵉⵎⵎⵓⵣⵖⴰ ⴷ ⵜⴻⵙⴱⴻⴷⴷⵉⵜ ⵜⵓⵕⵓⴼⵉⵜ-ⵜⴰⵄⵕⴰⴱⵜ ⵏ ⵜⴻⵣⵔⴰⵡⵉⵏ ⵜⵓⵏⵏⵉⴳⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵏⵢⴰ ⵉⴹⴻⵍⵍⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵢⵉⵡⴻⵏ ⵏ ⵓⵎⵜⴰⵡⴰ ⴷ ⵜⴻⵙⴱⴻⴷⴷⵉⵜ ⵜⵓⵕⵓⴼⵉⵜ-ⵜⴰⵄⵕⴰⴱⵜ ⵏ ⵜⴻⵣⵔⴰⵡⵉⵏ ⵜⵓⵏⵏⵉⴳⵉⵏ ⵉ ⵍⵎⴻⵏⴷ ⵏ ⵜⵉⵛⵛⵓⵔⴽⴰ ⵜⴰⵙⴷⴰⵡⴰⵏⵜ ⴷ ⵜⴷⴻⵍⵙⴰⵏⵜ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⴷⴻⴳ ⵜⵓⵜⵍⴰⵢⵜ ⴷ ⵢⵉⴷⵍⴻⵙ ⵉⵎⴰⵣⵉⵖⴻⵏ.
ⴰⵎⵜⴰⵡⴰ-ⴰ ⵢⴻⵙⵜⴻⵏⵢⴰ-ⵜ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ, ⵙⵉ ⴻⵍ-ⵀⴰⵛⵀⴻⵎⵉ ⴰⵙⵙⴰⴷ ⴷ ⵓⵎⴰⵔⵓ ⴰⵙⵍⴻⴽⵎⴰⵏ ⵏ ⵜⴻⵙⴱⴻⴷⴷⵉⵜ, ⵉⵏⵎⴰⵛⵓⵍⴰⴷⴰ ⵎⴰⵔⵔⴻⵔⵧ ⵔⵧⵛⵀⴰ.
ⵢⵉⵡⴻⵏ ⵙⴻⴳ ⵢⵉⵙⵡⴰⵏ ⵉⵎⴻⵇⵔⴰⵏⴻⵏ ⵏ ⵓⵎⵜⴰⵡⴰ-ⴰ ⵏⴻⵜⵜⴰ ⴷ ⴰⵙⴱⴰⵏⵉ ⵏ ⵡⴰⵣⴰⵍ ⴰⵣⴰⵎⵓⵍⴰⵏ ⴰⵢ ⵜⴻⵙⵄⴰ ⵜⴻⵎⴷⵉⵏⵜ ⵏ ⵜⵖⴻⵔⵏⴰⴹⵜ (ⵙⵒⴻⵏⵢⵓⵍ - ⴰⵢ ⴷ-ⵜⴻⵙⵙⴻⴱⴷⴻⴷ ⵜⴻⵙⵍⴰⵍⵜ ⵜⴰⵎⴰⵣⵉⵖⵜ ⵏ ⵢⵉⵣⵉⵔⵉⵢⴻⵏ ⴷⴻⴳ 1013) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵏⴹⴰ ⵜⴰⴷⴻⵍⵙⴰⵏⵜ ⴷ ⵜⵎⴻⴷⴷⵓⵔⵜ ⵏ ⵢⵉⴷⴻⵍⵙⴰⵏ ⵡⴰ ⵖⴻⵔ ⵢⵉⴷⵉⵙ ⵏ ⵡⴰⵢⴻⴹ ⴷ ⴷⴷⵓⵕ ⴰⵎⴻⵣⵔⵓⵢⴰⵏ ⵏ ⵜⴻⵎⴷⵉⵏⵜ-ⴰ ⴷⴻⴳ ⵓⵎⴱⴰⴷⴷⴻⵍ ⴳⴰⵔ ⵍⴻⵣⵣⴰⵢⴻⵔ ⴷ ⵙⵒⴻⵏⵢⵓⵍ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵎⵜⴰⵡⴰ-ⴰ ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⵉ ⵓⵙⵙⴻⴵⵀⴻⴷ ⵏ ⵜⵉⵛⵛⵓⵔⴽⴰ ⵜⴰⵙⴷⴰⵡⴰⵏⵜ ⴷ ⵜⴷⴻⵍⵙⴰⵏⵜ ⵢⴻⴱⵏⴰⵏ ⵖⴻⴼ ⵓⴷⵉⵡⴻⵏⵏⵉ, ⴰⵎⴱⴰⴷⴷⴻⵍ, ⴰⵙⵙⵉⵍⴻⵖ ⴷ ⵓⵙⵄⴻⴷⴷⵉ ⵏ ⵜⵎⵓⵙⵙⵏⵉ ⵢⴻⵇⵇⵏⴻⵏ ⵖⴻⵔ ⵜⵓⵜⵍⴰⵢⵜ ⴷ ⵢⵉⴷⵍⴻⵙ ⵉⵎⴰⵣⵉⵖⴻⵏ, ⴷ ⵍⴻⴱⵏⵉ ⵏ ⵜⵉⵛⵛⵓⵔⴽⴰ ⴰⵔⴰ ⵉⴷⵓⵎⴻⵏ ⵙ ⵓⵙⵙⴻⴱⴷⴻⴷ ⵏ ⵓⵥⴻⴹⴹⴰ ⵏ ⵢⵉⵎⴰⵣⵣⴰⵢⴻⵏ ⴷ ⵢⵉⵎⵏⴰⴷⵉⵢⴻⵏ ⴷⴻⴳ ⵢⵉⵏⵓⵔⴰⵔ ⴰⵢ ⵢⴻⵔⵣⴰⵏ ⵙⵉⵏ-ⴰ ⵏ ⵢⵉⴷⵉⵙⴰⵏ.
ⴷⴻⴳ ⵓⴽⴰⵜⴰⵔ ⵏ ⵓⵎⵜⴰⵡⴰ-ⴰ, ⵍⴰ ⵙⵙⴻⴼⵔⴰⵢⴻⵏ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴰⴷ ⴳⴻⵏ ⴰⵟⴰⵙ ⵏ ⵢⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⴰⵎ ⵓⵎⴱⴰⴷⴷⴻⵍ ⵏ ⵜⵙⵓⴼⵉⵖⵉⵏ, ⴰⵛⵔⴰⴽ ⵏ ⵜⴻⵍⵖⴰ ⵖⴻⴼ ⵢⵉⵎⵓⵀⴰⵍ ⴰⵢ ⵜⵜⴳⴻⵏ ⴷⴻⴳ ⵓⵏⵔⴰⵔ ⵏ ⵜⵓⵜⵍⴰⵢⵜ ⴷ ⵢⵉⴷⵍⴻⵙ ⴰⵎⴰⵣⵉⵖ ⴷ ⵓⵎⵄⴰⵡⴻⵏ ⵓⵙⵙⵏⴰⵏ ⴷ ⵓⴷⴻⵍⵙⴰⵏ, ⴰⵙⵙⵓⴼⴼⴻⵖ ⵓⵛⵔⵉⴽ ⵏ ⵢⵉⵎⵓⵀⴰⵍ ⵉⵙⴷⴰⵡⴰⵏⴻⵏ ⴷ ⵡⵉⴷ ⵏ ⵓⵏⴰⴷⵉ, ⵍⴰⴷⵖⴰ ⵡⵉⴷ ⴰⵔⴰ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴻⵎⵍⵉⵍⵉⵢⵉⵏ ⴰⵔⴰ ⴷ-ⵢⵉⵍⵉⵏ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ.
ⵙⵉⵏ-ⴰ ⵏ ⵢⵉⴷⵉⵙⴰⵏ ⵍⴰ ⵙⵙⴻⴼⵔⴰⵢⴻⵏ ⴷⴰⵖ ⴰⴷ ⴷ-ⵢⵉⵍⵉ ⵓⵙⵙⴻⵇⴷⴻⵛ ⵓⵛⵔⵉⴽ ⵏ ⵜⴻⵕⵛⵉⴱⵉⵏ ⴷ ⵜⴻⵖⴱⵓⵍⴰ ⵜⵓⵎⴹⵉⵏⵉⵏ ⴷ ⵜⴼⴻⵜⵔⴰⵡⵉⵏ, ⴰⵎ ⵡⴰⴽⴽⴻⵏ ⴰⵔⴰ ⵜⵜⵓⵏⴻⴼⴽⴻⵏⵜ ⵜⴰⴳⴳⴰⵣⵉⵏ ⵉ ⵢⵉⵏⴻⵍⵎⴰⴷⴻⵏ ⴰⵔⴰ ⵢⴻⴷⴷⵓⵏ ⴰⴷ ⴳⴻⵔⵔⵣⴻⵏ ⴰⵙⵡⵉⵔ-ⵏⵙⴻⵏ ⵏⴻⵖ ⴰⴷ ⴳⴻⵏ ⴰⵏⴰⴷⵉ ⵙ ⵓⵜⵜⴻⴽⴽⵉ ⴷⴻⴳ ⵢⵉⵙⵙⵉⵍⵖⴻⵏ ⴷ ⵢⵉⵙⴰⵔⴰⴳⴻⵏ ⵢⴻⵎⵎⵓⵣⵣⴳⴻⵏ.
ⵜⴰⵙⴱⴻⴷⴷⵉⵜ ⵜⵓⵕⵓⴼⵉⵜ-ⵜⴰⵄⵕⴰⴱⵜ ⵏ ⵜⴻⵣⵔⴰⵡⵉⵏ ⵜⵓⵏⵏⵉⴳⵉⵏ ⵜⴻⵙⵄⴰ ⵜⴰⵏⴰⵔⵉⵜ-ⵏⵏⴻⵙ ⴷⴻⴳ ⵜⵖⴻⵔⵏⴰⴹⵜ ⵢⴻⵍⵍⴰⵏ ⴷ ⵜⴰⵎⴷⵉⵏⵜ ⵜⴰⵎⴻⵣⵔⵓⵢⴰⵏⵜ ⵢⴻⵔⵏⴰ ⴷ ⴰⵣⴰⵎⵓⵍ ⵏ ⵓⴷⵉⵡⴻⵏⵏⵉ ⴳⴰⵔ ⵢⵉⴷⴻⵍⵙⴰⵏ ⴳⴰⵔ ⵜⵓⵕⵓⴼⵜ ⴷ ⵓⵎⴰⴹⴰⵍ ⵉⵙⵍⴰⵎⴰⵏ. ⵜⴻⵏⵏⵓⵍⴼⴰ-ⴷ ⵜⴻⵙⴱⴻⴷⴷⵉⵜ-ⴰ ⵙ ⵢⵉⵡⴻⵜ ⵏ ⵜⵏⴻⵖⵜⵓⵙⵜ ⵏ ⵓⵎⵏⵉ ⵓⵕⵓⴼⵉ ⴰⵢ ⵙⵄⴻⴷⴷⴰⵏ ⴰⵙⵙ ⵏ 30 ⵎⴻⵖⵔⴻⵙ 1984, ⵢⴻⵔⵏⴰ ⵉⵙⵡⵉ-ⵏⵏⴻⵙ ⴷ ⵍⴻⴱⵏⵉ ⵏ ⵜⴰⵍⵍⵓⵏⵉⵏ ⵏ ⵓⴷⵉⵡⴻⵏⵏⵉ ⴷ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵜⵎⵓⵔⴰ ⵏ ⵓⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ.
