ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵇⵇⴰⵎⵓ ⵏ ⵍⴰⵎⴰⵏ ⵍⴰ ⵢⴻⵜⵜⴻⵎⵛⴰⵡⴰⵕ ⵖⴻⴼ ⵓⵃⴱⴰⵙ ⵏ ⵓⵙⵙⴻⵏⵣⵉ ⵏ ⵍⴻⵙⵍⴰⵃ ⵉ ⵙⵓⴷⴰⵏ ⵏ ⵓⵏⵥⵓⵍ
ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ) – ⵢⴻⵎⵍⴰⵍ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵏⴻⵡ ⵢⵧⵔⴽ ⴰⴽⴽⴻⵏ ⴰⴷ ⵢⴻⵎⵛⵉⵡⴻⵕ ⵖⴻⴼ ⵜⴻⴳⵏⵉⵜ ⵏ ⵙⵓⴷⴰⵏ ⵏ ⵓⵏⵥⵓⵍ ⵢⴻⵔⵏⴰ ⴰⴷ ⵉⵥⴻⵔ ⵎⴰ ⵢⴻⵣⵎⴻⵔ ⴰⴷ ⴷ-ⵉⵃⴻⵜⵜⴻⵎ ⴰⵃⴱⴰⵙ ⵏ ⵓⵙⵙⴻⵏⵣⵉ ⵏ ⵍⴻⵙⵍⴰⵃ ⵉ ⵜⵎⵓⵔⵜ-ⴰ ⴰⵢⴷⴻⴳ ⵢⴻⵏⴽⴻⵔ ⵢⵉⵎⴻⵏⵖⵉ 20 ⵏ ⵡⴰⵢⵢⵓⵔⴻⵏ ⴰⵢⴰ.
ⵉⴷⵉⵒⵍⵓⵎⴰⵜⵉⵢⴻⵏ ⵏ 15 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵇⵇⴰⵎⵓ-ⴰ ⵎⵍⴰⵍⴻⵏ ⵙ ⵕⵕⴰⵢ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴰⴽⴽⴻⵏ ⴰⴷ ⵏⴰⴷⵉⵏⵜ ⴰⵎⴻⴽ ⴰⵔⴰ ⵃⴻⴱⵙⴻⵏⵜ ⴰⵔⴽⴰⴹ ⵏ ⵍⵓⴼⴻⵇ ⵏ ⵜⴰⵍⵡⵉⵜ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⵙⴻⴳ ⵎⴻⵍⵎⵉ ⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵀⴰⵍ (ⵙⵙⴰⴼⵉⵔ) ⴰⴱⵔⵉⵟⴰⵏⵉ ⵎⴰⵜⵜⵀⴻⵡ ⵔⵢⵛⵔⵧⴼⵜ.
ⵍⵓⴼⴻⵇ-ⴰ ⵢⴻⵙⵜⴻⵏⵢⴰ-ⵜ ⴷⴻⴳ Ɣⵓⵛⵜ ⵢⵉⵎⴹⴻⴱⴱⴻⵔ ⵏ ⵢⵉⵖⴰⵍⵍⴻⵏ ⵏ ⵜⵏⴻⴽⵔⴰ, ⵔⵉⴻⴽ ⵎⴰⵛⵀⴰⵔ, ⵙⴰⴽⴽⵉⵏ ⵉⴽⴻⵎⵎⴻⵍ ⵢⴻⵙⵜⴻⵏⵢⴰ-ⵜ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ, ⵢⴻⵔⵏⴰ ⵢⴻⴷⴷⴰ-ⴷ ⴷⴻⴳ ⵍⵓⴼⴻⵇ-ⴰ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ, ⵍⴰⴷⵖⴰ ⵉⵎⵉ ⴷ ⵜⵉⵎⴻⵔⵡⵉⵏ ⵏ ⵢⵉⴳⵉⵎⴰⵏ (ⵍⵓⵍⵓⴼ) ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ 2,2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵙⵓⴷⴰⵏⵉⵢⴻⵏ ⵏ ⵓⵏⵥⵓⵍ ⴰⵢ ⵉⵔⴻⵡⵍⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ.
ⴷ ⴰⵛⵓ ⴽⴰⵏ, ⵓⵍⴰ ⵎⴰ ⵜⵜⵡⴰⵙⵜⴻⵏⵢⴰⵏ ⵢⴰⴳⵉ ⴰⵣⴰⵍ ⵏ 6 ⵏ ⵍⵓⴼⵇⴰⵜ ⵉ ⵓⵃⴱⴰⵙ ⵏ ⵢⵉⵎⴻⵏⵖⵉ ⵙⴻⴳ ⵡⴰⵙⵎⵉ ⴰⵢ ⵢⴻⴱⴷⴰ ⵛⵛⵡⴰⵍ-ⴰ ⴷⴻⴳ ⴷⵓⵊⴻⵎⴱⴻⵕ ⵏ 2013, ⵍⵓⴼⴻⵇ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ-ⴰ ⴰⵢ ⵢⴻⵣⵔⵉⵏ ⵢⴻⵜⵜⵡⴰⵙⵜⴻⵏⵢⴰ ⵙ ⵍⵃⴻⵕⵙ ⴷ ⴰⵎⴻⵇⵔⴰⵏ ⵙⵖⵓⵔ ⵜⵎⵓⵔⴰ ⵏ ⵍⴻⴵⵏⴰⵙ. ⵢⵓⵖ ⵍⵃⴰⵍ, ⴰⵙⵙ-ⵏⵏⵉ ⵙⵡⴰⵙⵡⴰ ⴰⵢⴷⴻⴳ ⵢⵓⴷⴻⴼ ⴷⴻⴳ ⵍⴼⴻⵄⵍ ⵍⵓⴼⴻⵇ-ⵏⵏⵉ, ⴰⵙⵙ ⵏ 30 ⵖⵓⵛⵜ, ⵢⴻⵇⵇⴻⵍ-ⴷ ⵢⵉⵎⴻⵏⵖⵉ ⴳⴰⵔ ⵢⵉⵅⵚⵉⵎⴻⵏ ⵏ ⵜⵎⵓⵔⵜ-ⴰ ⵢⴻⵔⵏⴰ ⵢⴰⵍ ⵢⵉⵡⴻⵏ ⴷⴻⴳ-ⵙⴻⵏ ⵢⴻⵜⵜⵀⴻⵎ ⵡⴰⵢⴻⴹ ⴷ ⴰⴽⴽⴻⵏ ⴷ ⵏⴻⵜⵜⴰ ⴰⵢ ⵉⵔⴻⴽⴹⴻⵏ ⵍⵓⴼⴻⵇ ⵏ ⵜⴰⵍⵡⵉⵜ.
ⴰⵙⴻⵏⴼⴰⵔ ⵏ ⵜⵏⴻⵖⵜⵓⵙⵜ (ⵍⵇⴰⵔⴰⵔ) ⴰⵢⵖⴻⴼ ⵍⴰ ⵜⵜⴻⵎⵛⴰⵡⴰⵕⴻⵏ ⴷⴻⴳ ⵏⴻⵡ ⵢⵧⵔⴽ ⵀⴻⵢⵢⴰⵏ-ⵜ-ⵉⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⵢⴻⵔⵏⴰ ⵢⴻⵙⵙⴻⴼⵔⴰⵢ ⴰⴷ ⵢⴻⵃⴱⴻⵙ ⴰⵙⵙⴻⵏⵣⵉ ⵏ ⵍⴻⵙⵍⴰⵃ ⵙⴻⴳ ⵡⴰⵙⵙ ⵏ ⵍⵃⴻⴷⴷ ⴷ ⴰⵙⴰⵡⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⵉⵍⵉ ⴷⴰⵖ ⵓⵄⴰⵇⴻⴱ ⵏ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵉ ⵓⵙⵙⴻⴼⵄⴻⵍ ⵏ ⵍⵓⴼⴻⵇ ⵏ ⵜⴰⵍⵡⵉⵜ. ⴳⴰⵔ ⵢⵉⵃⴻⵣⵣⵉⴱⴻⵏ ⵏ ⵓⵄⴰⵇⴻⴱ ⴰⵢ ⴷ-ⵢⴻⴷⴷⴰⵏ ⴷⴻⴳ ⵜⵏⴻⵖⵜⵓⵙⵜ-ⴰ, ⵢⴻⵍⵍⴰ ⵓⴳⴷⴰⵍ (ⴰⵎⵏⴰⵄ) ⵏ ⵓⵚⴰⴼⴻⵔ ⵏ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵍⵃⵓⴽⵓⵎⴰ ⵏ ⵜⵎⵓⵔⵜ-ⴰ.
ⵙⵓⴷⴰⵏ ⵏ ⵓⵏⵥⵓⵍ ⵜⴻⵡⵡⵉ ⴰⵣⴰⵔⵓⴳ-ⵏⵏⴻⵙ (ⵍⵉⵙⵜⵉⵇⵍⴰⵍ) ⴷⴻⴳ ⵢⵓⵍⵢⵓ ⵏ 2011, ⴰⵙⵎⵉ ⴰⵢ ⵜⴻⵎⵙⴻⴱⴹⴰ ⴷ ⵙⵓⴷⴰⵏ ⵢⴻⵔⵏⴰ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ. ⴷ ⵏⴻⵜⵜⴰⵜ ⴰⵢ ⴷ ⵜⴰⵎⵓⵔⵜ ⵜⴰⵎⴰⵢⵏⵓⵜ ⴰⴽⴽ ⴷⴻⴳ ⵓⵎⴰⴹⴰⵍ. ⴷ ⴰⵛⵓ ⴽⴰⵏ, ⵙⵉⵏ ⴽⴰⵏ ⵏ ⵢⵉⵙⴻⴳⴳⴰⵙⴻⵏ ⴷ ⵓⵣⴳⴻⵏ ⵙⴻⴳ ⵡⴰⵙⵎⵉ ⴰⵢ ⵜⴻⵡⵡⵉ ⴰⵣⴰⵔⵓⴳ, ⵜⵄⴰⵡⴻⴷ ⵜⴻⵣⴷⴻⵔ ⵜⵎⵓⵔⵜ-ⴰ ⴷⴻⴳ ⵟⵟⵔⴰⴷ ⵉⵎⵉ ⵉⵎⴹⴻⴱⴱⵔⴻⵏ-ⵏⵏⴻⵙ ⵉⵎⴻⵇⵔⴰⵏⴻⵏ, ⵎⴰⵙⵙ ⴽⵉⵉⵔ ⴷ ⵎⴰⵙⵙ ⵎⴰⵛⵀⴰⵔ, ⵓⵔ ⵎⵙⴻⴼⵀⴰⵎⴻⵏ ⴰⵔⴰ.
