Asebter amenzawi

Tizi Wezzu : Asmatu ummid n uselmed n Tmaziɣt deg akk iswiren

TIZI WEZZU – Asmatu n uselmed n Tmaziɣt, seg useggas wis 4 n uswir amezwaru, d tadyant tamezwarut n unekcum aɣurbiz amaynut 2015-2016, deg Tizi Wezzu, i d-nnan, ass n lḥed, yimasayen n uḥric-a.

Akken ad ssiwḍen s iswi-a, tamehla n Usegmi n twilayt tessekcem-d 144 n yiselmaden imaynuten deg tutlayt-a, i aɣ-d-nnan.

Yenna-d, ilmend n unekcum-a amaynut, lwali amaynut, Brahim Merad, belli akk igmuḍen n uḥric-a ‘’gerzen’’ ma nquren-iten ɣer twilayin nniḍen.

Yefka-d amedya n usmatu n uselmed-nni n uheyyi n yigurdan i yessawḍen ɣer 93%, tacert talemmas n tneɣriyin, rnu 182 n tzeɣwa timaynutin yerzan tasenselkimt yeldin deg uswir alemmas neɣ deg tesnawiyin.

Yecker lwali daɣen, alhay d-lhan s wugar n ½ n yimeɛduren d yigurdan yellan deg ṣbiṭarat deg wayen yerzan aselmed, aya s tikkin n tmehla n Tigawt n tmettit d Temsetlelt d umussu n tiddukliwin tidiganin. Amḍan n tegrawin tisensegmanin, wwḍent ɣer 105, i d-yenna.

Seg tama nniḍen, yenna-d lwali belli, ilmend n unekcum-a amaynut, ldint kraḍ (3) tesnawiyin, ɣef wakken yettwali, ad kkint deg ‘’useǧhed n tɣara n uselmed, aya daɣen, ad yeṭṭef tawilat, deg uswir aɣelnaw, deg umḍiq amezwaru deg wayen yerzan agmuḍ n yikayaden n taggara n useggas.