Asebter amenzawi

Amdeḥes di Minen (Mekka) : tlata n lḥeǧǧaǧ izzayriyen i yernan mmuten

LEZZAYER – Tlata nniḍen imeṛḥumen ttwatebten-d ger lḥeǧǧaǧ izzayriyen mbaɛd mi yeḍṛa wemdeḥes-nni di Minen (tama n Mekka), ayen yessawḍen amḍan n wid yemmuten di twaɣit-agi ar 14, id-yenna ass n laxmis weɣlif n tɣawsiwin n wezɣaṛ deg yiwen n wulɣu.

" Amḍan n wid yemmuten d-yettwatebten ar iḍ-a sɣuṛ tarbaɛt tazzayrit yellan dinna, ladɣa tin yettukelfen s tujjyaen, s tmerniwt n (3) tlata-yagi ineggura ssawḍen ɣer rbaɛṭac(14)", id-tenna teɣbalut-agi.

Wigi d Azza Abdelkader, ilul deg wass amenzu n yennayer 1941 di Wahṛan, d Mechekak Bendella, ilulen di 8 yunyu 1952 di Relizane d Hamza Abdelbaki, ilulen ass n 31 dulamber 1978 di Djelfa.

Si tama-nniḍen, kuẓ (4) n yemdanen-nni yella ur ttwafen atenin banen-d d imuddiren, id-yessefhem wulɣu.

Wigi d Benaoum Hachemi, d Boutabel M'hamed, d Allegue Mustapha akk d Bouteraa Mebarek.

Aɣlif yenna d akken mazal semmus tmerwin d kuẓ (54) n yemdanen ur d-nban ar ass-a.