ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Seg Tasanayt s tmaziɣt imunen
ⴰⵎⴷⴻⵃⴻⵙ ⴷⵉ ⵎⵉⵏⴻⵏ (ⵎⵉⵏⴻⵏ) :ⵙⵉⵏ ⵍⵃⴻⴵⴵⴰⴵ-ⵏⵏⵉⴹⴻⵏ ⵉⵣⵣⴰⵢⵔⵉⵢⴻⵏ ⴰⵢ ⵢⴻⵎⵎⵓⵜⴻⵏ
ⵍⴻⵣⵣⴰⵢⴻⵔ- ⵙⵉⵏ ⵏ ⵍⵎⴻⵢⵜⵉⵏ ⵉⵎⴰⵢⵏⵓⵜⴻⵏ ⴳⴻⵔ ⵍⵃⴻⴵⴵⴰⴵ ⵉⵣⵣⴰⵢⵔⵉⵢⴻⵏ ⴷⴻⴼⴼⵉⵔ ⵏ ⵡⴻⵎⴷⴻⵃⴻⵙ ⵏ ⵎⵉⵏⴻⵏ (ⵜⴰⵎⴰ ⵏ ⵎⴻⴽⴽⴰ), ⴰⵢⴻⵏ ⴰⵔⴰ ⵢⴻⵙⵙⴰⵡⴹⴻⵏ ⴰⵎⴹⴰⵏ ⵏ ⵢⵉⵣⵣⴰⵢⵔⵉⵢⴻⵏ ⵢⴻⵎⵎⵓⵜⴻⵏ ⵖⴻⵔ ⵎⵔⴰⵡ ⴷ ⵜⴰⵎ (18), ⵉⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ.
"ⵙ ⵡⴰⴽⴽⴰ ⴰⴳⵎⵓⴹ ⵙ ⵉⵎⵎⴰⵍ ⵢⴻⵜⵜⵉⵎⵖⵓⵕ ⵙ ⵜⵎⴻⵔⵏⵉⵡⵜ ⵏ ⵙⵉⵏ-ⴰⴳⵉ", ⵉⴷ-ⵉⵡⴻⴽⴽⴻⴷ ⵡⴻⵖⵍⵉⴼ, ⴷ-ⵉⵏⵏⴰⵏ ⴷ ⴰⴽⴽⴻⵏ "ⵙⵉⵏ-ⴰⴳⵉ ⵍⵍⴰⵏ ⵏⵏⴻⴼⵇⴰⴷⴻⵏ".
ⵡⵉⴳⵉ ⴷ ⴷⵔⴰⵧⵓ ⴰⵍⵉ, ⵉⵍⵓⵍⴻⵏ ⴷⵉ 12 ⵛⵜⴰⵎⴱⴻⵔ 1955 ⴷⵉ ⵡⴰⵀⵔⴰⵏ ⴰⴽⴽ ⴷ ⵢⴰⵀⵉ ⴼⴻⵜⵜⵧⵓⵎ ⵜⴰⵎⴻⵟⵟⵓⵜ ⵏ ⴱⵧⵓⵛⴻⵜⵜⴰ, ⵉⵍⵓⵍⴻⵏ ⴷⵉ 14 ⴷⵓⴵⴰⵏⴱⴻⵔ 1945 ⴷⵉ ⵍⴻⵣⵣⴰⵢⴻⵔ.
"ⵙ ⵡⵉⴳⵉ, ⴰⵎⴹⴰⵏ ⵏ ⵍⵎⴻⵢⵜⵉⵏ ⵙ ⵡⵓⴷⴻⵎ ⵓⵏⵚⵉⴱ ⵢⴻⵡⵡⴻⴹ ⵖⴻⵔ ⵎⵔⴰⵡ ⴷ ⵜⴰⵎ (18) ⵏ ⵍⵃⴻⴵⴵⴰⴵ, ⵎⴰ ⴷ ⵡⵉⵏ ⵉⵎⴻⵊⵔⴰⵃ ⵖⴻⵔ ⵙⵏⴰⵜ ⵏ ⵜⵎⴻⵔⵡⵉⵏ ⴷ ⴽⵔⴰⴹ (23)", ⵉⴽⴻⵎⵎⴻⵍ ⵢⴻⵏⵏⴰ ⵡⴻⵖⵍⵉⴼ ⵏ ⵜⵖⵡⵙⵉⵡⵉⵏ ⵏ ⵡⴻⵣⵖⴰⵕ ⴷⴻⴳ ⵡⵓⵍⵖⵓ.
