Asebter amenzawi
Aselway Bouteflika isenya aṭaṣ n leqwanen islawaniyen yerzan aqbal n lufaqat d yemtawiyen n lemɛiwna
LEZZAYER- Aselway n Tegduda, Abdelaziz Bouteflika isenya aṭaṣ n leqwanen islawaniyen yerzan aqbal n lufaqat d yemtawiyen deg waṭaṣ n yeḥricen am wakken yella deg umagrad 77-11 n tmendawt, id-twekked ass n letniyen tselwit n Tegduda deg yiwen n wulɣu.
Lqanun amezwaru yerza lufaq n lemɛiwna deg weḥric n tezmert tazayezt akk d tussna n tdawsa ger unabaḍ azzayri akk d unabaḍ aṛjuntini, yettwasenyan di Lezzayer di 17 nubambeṛ 2008.
Wissin yerza amtawi n lemɛiwna deg weḥric n teɣdemt d wayen yerzan aḥkam ger unabaḍ azzayri akk d unabaḍ akuwiti, yettwasenyan di Lezzayer di 12 tuber 2010.
Amuqṛan n ddewla isenya lqanun-nniḍen yerzan ambaddal imethumen ger unabaḍ azzayri d wemtil-is akuwiti yettwasenyan di Lezzayer ass n 12 tuber 2010.
Lqanun-nniḍen yerzan aqbal n wemtawi n wemɛawen deg weḥric aɣerman d tnezzut ger unabaḍ azzayri d unabaḍ akuwiti, yettwasenyan di Lezzayer di 12 tuber 2010, ttwasenyan sɣur uselway Bouteflika.
Amtawi n umesni n yiɣeṛṛuba n tnezzut ger unabaḍ azzayri d wemtil-is akuwiti n waman, yettwasenyan di Lezzayer ass n 12 tuber 2010, yettwasenya daɣen sɣur uselway n Tegduda.
ɣef laḥsab n teɣbalut-agi, lqanun-nniḍen yettwasenya yerzan tazwert ger Lezzayer d Portugal, yettwasenyan di Lezzayer di 10 maɣres 2015, yettwasenya sɣur umuqqran n ddewla.
