ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵇⴰⵏⵓⵏ ⵏ ⵜⴻⴷⵔⵉⵎⵜ 2016 ⵢⴻⵜⵜⵡⴰⵇⴱⴻⵍ ⵙⴻⴳ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ

ⵍⴻⵣⵣⴰⵢⴻⵔ- ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵜⴻⴷⵔⵉⵎⵜ 2016 "ⵢⴻⵔⵙⴻⵏ ⵖⴻⴼ ⵜⵎⵓⵖⵍⵉ ⴷ ⵡⴰⵢⴻⵏ ⴷ-ⵢⴻⴽⴽⴰⵏ ⵙⴻⴳ ⵜⵓⴵⴵⵡⴰ" ⵢⴻⵜⵜⵡⴰⵇⴱⴻⵍ ⴰⵙⵙ ⵏ ⵜⵜⵍⴰⵜⴰ ⵙⴻⴳ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ ⵢⴻⵍⵍⴰⵏ ⴷⴷⴰⵡ ⵏ ⵜⵙⴻⵍⵡⵉⵜ ⵏ ⵓⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ. ⴰⵙⴻⵏⴼⴰⵔ-ⴰⴳⵉ ⵢⴻⴱⵏⴰ ⵖⴻⴼ ⵢⵉⵡⴻⵏ ⵓⵏⴻⴳⵎⵓ ⵏ 4,6%, ⵜⵓⴼⴼⴰⵢⵜ ⵜⴻⵜⵜⵡⴰⵃⴱⴻⵙ ⴷⵉ 4%, ⵙⴻⴳ ⵡⴰⵢⴻⵏ ⴷ-ⵉⴽⴻⵛⵎⴻⵏ ⵢⴻⵡⵡⴹⴻⵏ ⴰⵣⴰⵍ ⵏ 4.952,7 ⵉⵎⴻⵍⵢⴰⵕⴻⵏ (ⵎⴷⵙ) ⴷⴰ ( ⵚⵓⴱⴱⴻⵏ ⵙ ⵡⴰⵣⴰⵍ ⵏ 4% ⵖⴻⴼ ⵍⴰⵃⵙⴰⴱ ⵏ 2015), ⵎⴰ ⴷ ⴰⵚⴻⵕⵕⴻⴼ ⵙⴻⴳ ⵜⴻⵅⵕⵉⴹⵜ ⵏⴻⵇⵙⴻⵏⵜ ⵙ ⵡⴰⵣⴰⵍ ⵏ 9% ⵜⵜⵡⴻⴱⴹⴰⵏⵜ ⵖⴻⴼ 4.807,3 ⵎⴷⵙ ⴷⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵚⴻⵕⵕⴻⴼ ⴰⵙⴻⵍⵃⴰⵢⴰⵏ ⴷ 3.176 ⵎⴷⵙ ⴷⴰ ⵢⴻⵔⵣⴰⵏ ⴰⵍⵍⴰⵍⴻⵏ ⵏ ⵜⴻⴷⴱⴰⵍⵉⵏ, ⵉⴷ-ⵉⵡⴻⴽⴽⴻⴷ ⵡⵓⵍⵖⵓ ⵏ ⵓⵙⴻⵇⵇⴰⵎⵓ.

ⵜⴰⴳⴳⵔⴰⵢⵜ ⵜⴰⵎⴰⵜⵓⵜ ⵏ ⵓⵅⵣⴰⵏ ⵢⴻⵏⵖⴻⵙ ⵙ 2.452 ⵎⴷⵙ ⴷⴰ ⵎⴰ ⴷ ⴰⵙⴻⵏⴷⵓⵇ ⵢⴻⵜⵜⵍⴻⵇⵇⵉⵎⴻⵏ ⴰⴽⴻⵞⵞⵓⵎ (ⴼⵔⵔ) ⵢⴻⵃⵔⴻⵣ 1.797 ⵎⴷⵙ ⴷⴻ ⴷⴰ ⴷ ⵜⵓⴼⴼⵉⵔⵜ ⵖⴻⵔ ⵜⴰⴳⴳⴰⵔⴰ ⵏ 2016.

ⴰⵙⴻⵏⴼⴰⵔ-ⴰⴳⵉ ⵏ ⵍⵇⴰⵏⵓⵏ ⵏ ⵜⴻⴷⵔⵉⵎⵜ "ⵢⴻⵔⵙⴻⵏ ⵖⴻⴼ ⵜⵎⵓⵖⵍⵉ ⴷ ⵡⴰⵢⴻⵏ ⴷ-ⵢⴻⴽⴽⴰⵏ ⵙⴻⴳ ⵜⵓⴵⴵⵡⴰ, ⵢⴻⵇⵙⴻⴷ ⵢⵉⵡⴻⵏ ⵓⵏⴻⴳⵎⵓ ⵏ 4,6% ⵢⴻⵔⵣⴰⵏ ⵜⴰⴱⴰⵖⵓⵔⵜ ⴰⴽⴽ ⴷ ⵡⴻⵙⵏⵓⵍⴼⵓ ⵏ ⵉⵎⴻⴹⴰⵏ ⵓⵅⴻⴷⴷⵉⵎ",ⵉⴷ-ⵉⴱⴻⴳⴳⴻⵏ ⵡⵓⵍⵖⵓ.

"ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⴽⵛⵓⵎ ⵏ ⵍⴱⵉⴵⵉ, ⴰⵢⴻⵏ ⵢⴻⵜⵜⵓⵅⴻⴷⵎⴻⵏ ⵍⴰⴷⵖⴰ ⴷⴻⴳ ⵡⴻⵊⵎⴰⵄ ⵏ ⵜⴰⵡⵙⴰ ⴰⴷ ⵉⵍⵉⵏⵜ ⴷ ⵜⴰⴳⵏⵉⵜⵜ ⵏ ⵓⵙⵏⴻⵔⵏⵉ ⵙ ⵡⴰⵣⴰⵍ ⵏ 4,1% ⴷⴻⴳ ⵡⴻⵊⵎⴰⵄ-ⵉⵏⴻⵙ", ⵉⴷ-ⵉⵡⴻⴽⴽⴻⴷ ⵡⵓⵍⵖⵓ.

ⵎⴰⵛⴰ ⴰⵙⴻⵕⵕⴻⴼ ⵏ ⵍⴱⵓⴵⴵⵉ ⵢⴻⵎⵎⴷⴻⵏ ⴰⴷ ⵉⵚⵓⴱⴱ" ⴰⵢⴰⴳⵉ ⵢⴻⵍⵍⴰ-ⴷ ⵙⴻⴳ ⵓⵚⵓⴱⴱⵓ ⵙ ⵍⴻⵙⵡⴰⵎ ⵏ ⵓⵒⵉⵜⵔⵓⵍ ⴷ ⵍⴳⴰⵣ ⴰⴽⴽ ⴷ ⵜⴰⵡⵙⴰ ⵙ ⵡⴰⵛⵓ ⴷ-ⴳⴻⵍⵍⵓⵏ", ⵉⴽⴻⵎⵎⴻⵍ ⵢⵓⵔⴰ ⵡⴻⴹⵕⵉⵙ. ⵖⴰⵙ ⴰⴽⴽⴰ ⵍⵍⴰⵏ ⵉⵄⴻⵡⵡⵉⵇⴻⵏ ⵏ ⵜⴻⴷⵔⵉⵎⵜ, ⵉⴱⴻⴷⴷⵉⵍⴻⵏ ⵉⵏⵎⴻⵜⵜⴰⵏⴻⵏ ⴰⴷ ⵏⵏⴻⵔⵏⵉⵏ ⵙ ⵡⴰⵣⴰⵍ ⵏ 7,5% ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ 23% ⵏ ⵍⴱⵓⴵⵉ ⵏ ⴷⴷⴻⵡⵍⴰ ⵍⴰⴷⵖⴰ 477 ⵎⴷⵙ ⴷⴰ ⵉ ⵍⴻⵎⵄⵉⵡⵏⴰ ⵏ ⵜⵎⴻⵣⴷⵓⵖⵜ, 446 ⵎⴷⵙ ⴷⴰ ⵉ ⵍⴻⵎⵄⵉⵡⵏⴰ ⵏ ⵜⵡⴰⵛⵓⵍⵉⵏ ⴳⴰⵔ-ⴰⵙⴻⵏ 222 ⵎⴷⵙ ⴷⴰ ⴷ ⴰⵄⵉⵡⴻⵏ ⵉ ⵜⵉⵖⵉⵏ ⵉⴼⴰⵔⵉⵙⴻⵏ ⵉⵎⴻⵣⵡⵓⵔⴰ (ⵉⵔⴷⴻⵏ, ⴰⵢⴻⴼⴽⵉ, ⵙⵙⵓⴽⴽⴻⵔ ⴷ ⵣⵣⵉⵜ), ⴰⴽⴽ ⴷ 316,5 ⵎⴷⵙ ⴷⴰ ⵉ ⵍⴼⴰⵢⴷⴰ ⵏ ⵜⴻⵣⵎⴻⵔⵜ ⵜⴰⵣⴰⵢⴰⵣⵜ.

ⵏⵏⵉⴳ ⵏ ⵍⴻⵎⵄⵉⵡⵏⴰ-ⵢⴰⴳⵉⵏⵉ, ⵉⵖⴻⵔⵎⴰⵏⴻⵏ ⴷ ⵜⴻⵔⵎⵉⵙⵉⵏ ⴰⴷ ⴽⴻⵎⵎⵍⴻⵏ ⴰⴷ ⵙⴼⴰⵢⴷⵉⵏ ⵙ ⵍⴻⵎⵄⵡⵏⴰⵜ ⵢⴻⵎⵎⵅⴰⵍⵍⴰⴼⴻⵏ ⴰⵏⴷⴰ ⵙⵙⵓⵎⴰ ⴰⴷ ⵜⴰⵡⴻⴹ ⵖⴻⵔ 1.500 ⵎⴷⵙ ⴷⴰ.