ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵏⴼⴰⵔ ⵏ ⵓⵙⴰⴹⵓⴼ ⵓⵙⵉⴷⵔⴻⵏ 2016 ⵢⴻⵜⵜⵃⴰⵔⴰⴱ ⵖⴻⴼ ⵓⵙⴻⴼⵜⵉ ⴰⵣⴰⵢⴻⵣ ⴰⴽⴽⴻⴷ ⵓⵚⴻⵕⵕⴻⴼ ⴰⵎⴻⵜⵜⵉ

ⵍⴻⵣⵣⴰⵢⴻⵔ - ⴰⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵓⵙⵉⴷⵔⴻⵏ ⵏ ⵓⵙⴻⴳⴳⴰⵙ 2016, ⵖⴰⵙ ⴰⴽⴽⴻⵏ ⵢⴻⵏⵖⴻⵙ ⵓⵙⴻⴽⵛⴻⵎ ⵏ ⵓⵚⵓⵔⴷⵉ ⵏ ⵓⵒⵉⵟⵕⵓⵍ ⵙ 50%, ⵢⴻⴼⴽⴰ 40% ⵙⴻⴳ ⵓⵚⴻⵕⵕⴻⴼ ⵏ ⵜⴻⴷⵔⵉⵎⵜ ⵙ ⴰⵙⴻⴼⵜⵉ ⴰⵣⴰⵢⴻⵣ ⴰⴽⴽⴻⴷ 20% ⵙ ⴰⵎⴰⵔⵓⴷ ⵏ ⵓⵙⵏⴻⴼⵍⵉ ⵏ ⵓⵎⴷⴰⵏ ⴰⴽⴽⴻⴷ ⵍⴼⴰⵢⴷⴰ ⵏ ⵜⵡⴰⵛⵓⵍⵉⵏ.

ⴰⵙⴻⵏⴼⴰⵔ-ⴰ ⵏ ⵢⵉⴹⵔⵉⵙⴻⵏ ‘’ⵢⴻⵎⵎⴰⵍ-ⴷ ⴱⴻⵖⵖⵓ ⵏ ⵢⵉⴷⵓⴱⴰ ⵉⵣⵓⵢⴰⵣ ⴰⴽⴽⴻⵏ ⴰⴷ ⴷⴷⵓⵏ ⵙ ⵍⴻⵃⴷⴻⵔ ⵙⴷⴰⵜ ⵜⴻⵣⵖⴻⵏⵜ ⵜⴰⵎⴰⴹⵍⴰⵏⵜ ⵏ ⵙⵙⵓⵇ ⵏ ⵓⵒⵉⵟⵕⵓⵍ ⵔⵏⵓ ⴷⴰⵖⴻⵏ ⴰⵃⴰⵔⴻⴱ ⵖⴻⴼ ⵜⴻⵖⴷⴻⵎⵜ ⵜⵉⵎⴻⵜⵜⵉⵜ ⴰⴽⴽⴻⴷ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ, ⴰⴽⴽⴻⴷ ⵓⴽⴻⵎⵎⴻⵍ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ’’, ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵎⵉ ⴷ-ⵢⴻⵎⵎⴻⵙⵍⴰⵢ ⴷⴻⴳ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.

ⵉⵡⴻⵍⵍⴻⵀ ⴷⴰⵖⴻⵏ ⵓⵙⴻⵍⵡⴰⵢ, ⵉⴷⵓⴱⴰ ⵉⵣⵓⵢⴰⵣ, ⴱⴻⵍⵍⵉ ‘’ⵢⴻⵙⵙⴻⴼⴽ ⴰⴷ ⵙⵙⴻⴳⵣⵉⵏ ⵓⴳⴰⵔ’’ ⵉ ⵡⴻⵖⵔⴻⴼ ‘’ⵍⵉⵃⴰⵍ ⵜⴰⵡⴻⵄⵔⴰⵏⵜ ⵏ ⵓⵙⵉⴷⵔⴻⵎ’’ ⵉⴷⴻⴳ ⵜⴻⵍⵍⴰ ⵜⵎⵓⵔⵜ-ⵏⵏⴻⵖ, ⴰⴽⴽⴻⴷ ⵜⵉⴽⵍⵉ ⵜⴰⵢⵉⵡⵏⴰⵏⵜ ⴷⴻⴳ ⵓⵎⴰⴹⴰⵍ ⵏ ⵓⵚⴻⵕⵕⴻⴼ ⴰⵣⴰⵢⴻⵣ ⵏ ⵓⵙⴻⴼⵜⵉ ⴰⴽⴽⴻⴷ ⵢⵉⴱⴻⴷⴷⵉⵍⴻⵏ ⵉⵎⴻⵜⵜⵉⵢⴻⵏ.