Asebter amenzawi
Asenfar n usaḍuf usidren 2016 yettḥarab ɣef usefti azayez akked uṣeṛṛef ametti
LEZZAYER - Asenfar n usaḍuf n usidren n useggas 2016, ɣas akken yenɣes usekcem n uṣurdi n upiṭṛul s 50%, yefka 40% seg uṣeṛṛef n tedrimt s asefti azayez akked 20% s amarud n usnefli n umdan akked lfayda n twaculin.
Asenfar-a n yiḍrisen ‘’yemmal-d beɣɣu n yiduba izuyaz akken ad ddun s leḥder sdat tezɣent tamaḍlant n ssuq n upiṭṛul rnu daɣen aḥareb ɣef teɣdemt timettit akked temsetlelt taɣelnawt, akked ukemmel n usnefli aɣelnaw’’, i d-yenna Uselway Bouteflika mi d-yemmeslay deg Usqamu n yineɣlafen.
Iwelleh daɣen Uselway, iduba izuyaz, belli ‘’yessefk ad ssegzin ugar’’ i weɣref ‘’liḥal taweɛrant n usidrem’’ ideg tella tmurt-nneɣ, akked tikli tayiwnant deg umaḍal n uṣeṛṛef azayez n usefti akked yibeddilen imettiyen.
