ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵡⴰⵍ ⵖⴻⴼ ⵓⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵟⵟⵔⴰⴷ ⵏ ⵜⵓⴱⴻⵕ ⵏ 1973

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵎⵎⴻⴽⵜⵉ ⵡⵉⵙ 42 ⵏ ⵟⵟⵔⴰⴷ ⵏ ⵜⵓⴱⴻⵕ ⵏ 1973 ⵔⵔⴰⵏ ⵜⴰⵊⵎⵉⵍⵜ ⵉ ⵢⵉⵙⴻⵔⴷⴰⵙⴻⵏ ⵏ ⵢⵉⴳⴻⵏ (ⵍⴵⴰⵢⵛ) ⴰⵖⴻⵍⵏⴰⵡ ⴰⵖⴻⵔⴼⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵟⵟⵔⴰⴷ-ⴰ.

ⴰⵙⴰⵔⴰⴳ-ⴰ ⵉⴳⴰ-ⵜ ⵓⵖⵎⵉⵙ ⴰⵢⴰⵍⵍⴰⵙ ⵏ ⴻⵍ ⵎⵧⵓⴷⵊⴰⵀⵉⴷ. ⵙⴰⴷⴻⴽ ⴱⴻⵏⵎⴻⴱⴰⵔⴻⴽ, ⵢⵉⵡⴻⵏ ⵙⴻⴳ ⵢⵉⵏⴻⵀⵀⴰⵕⴻⵏ ⵏ ⵢⵉⵙⴰⴼⴰⴳⴻⵏ (ⵟⵟⴻⵢⵢⴰⵔⴰⵜ) ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⴷⵣⴰⵢⵔⵉⵢⴻⵏ, ⵢⴻⵏⵏⴰ-ⴷ ⴷⴻⴳ ⵏⵏⵓⴱⴰ ⴰⵢ ⴰⵙ-ⵢⴻⵜⵜⵓⵏⴻⴼⴽⴻⵏ ⴰⴽⴽⴻⵏ ⴰⴷ ⴷ-ⵢⴻⵙⵙⵉⵡⴻⵍ, ⴷ ⴰⴽⴽⴻⵏ ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵟⵟⵔⴰⴷ-ⴰ ⴷ ⴰⵢⴻⵏ ⴰⵢ ⴰⵙⴻⵏ-ⴷ-ⵢⴻⵔⵔⴰⵏ ⵉⴼⴰⴷⴷⴻⵏ ⵉ ⵢⵉⵖⴰⵍⵍⴻⵏ ⵉⵎⴰⵚⵔⵉⵢⴻⵏ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵎⵊⴰⵀⴻⴷ ⴱⵔⴰⵀⵉⵎ ⴷⵊⵧⵓⴰⴷⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵢⴻⵜⵜⵡⴰⵎⵎⴻⴽⵜⵉ ⵟⵟⵔⴰⴷ ⵏ 1967 ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵏ ⵡⴰⵣⴰⵍ ⵏ ⵓⵜⵜⴻⴽⴽⵉ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵟⵟⵔⴰⴷ ⵏ 1973.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵙⵄⴰ ⵢⴰⴳⵉ ⵜⵜⴻⵊⵕⵉⴱⴰ ⴷⴻⴳ ⵢⵉⵎⴻⵏⵖⵉ ⵢⴻⵔⵏⴰ ⵢⴻⵡⵕⴻⵜ-ⵉⵜⵜ-ⵉⴷ ⵙⴻⴳ ⵢⵉⴳⴻⵏ ⵏ ⵓⵙⵍⴻⵍⵍⵉ (ⵜⵜⴻⵃⵔⵉⵔ) ⴰⵖⴻⵍⵏⴰⵡ ⴰⵢ ⵢⴻⵏⵏⵓⵖⴻⵏ ⴷⴻⴳ ⵜⴻⴳⵔⴰⵡⵍⴰ ⵏ ⵏⵡⴻⵎⴱⴻⵕ ⵏ 1954, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⴷⵣⴰⵢⵔⵉⵢⴻⵏ ⴰⴷ ⵜⵜⴻⴽⴽⵉⵏ ⵙ ⵢⵉⵙⴻⵖ ⴷⴻⴳ ⵟⵟⵔⴰⴷⴰⵜ ⵏ 1967 ⴷ 1973.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵎⵊⴰⵀⴻⴷ ⵎⵧⵀⴰⵎⴻⴷ ⵣⴻⵔⵧⵓⴰⵍ ⵉⴳⴻⵔ-ⴷ ⵜⵉⵖⵔⵉ ⵉ « ⵓⵅⴻⴱⴱⴻⵔ ⵏ ⵓⴳⴷⵓⴷ ⴰⴷⵣⴰⵢⵔⵉ ⴷ ⵓⴳⵔⴰⵖⵍⴰⵏ ⵖⴻⴼ ⵓⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵟⵟⵔⴰⴷ-ⴰ ⴰⵄⵕⴰⴱ ⴰⵢⴷⴻⴳ ⵎⵎⵓⵜⴻⵏ ⵢⴻⵔⵏⴰ ⵜⵜⵡⴰⵊⴻⵔⵃⴻⵏ ⴰⵟⴰⵙ ⵏ ⵢⵉⴷⵣⴰⵢⵔⵉⵢⴻⵏ ».

ⴰⵎⵊⴰⵀⴻⴷ ⴰⴱⴷⴻⵍⴰⵣⵉⵣ ⵎⴻⴷⵊⴰⵀⴻⴷ ⵢⴻⵙⵎⴻⴽⵜⵉ-ⴷ ⵉⵎⴻⵏⵖⵉⵢⴻⵏ ⴰⵢⴷⴻⴳ ⵜⵜⴻⴽⴽⴰⵏ ⵢⵉⵖⴰⵍⵍⴻⵏ ⵏ ⵢⵉⴳⴻⵏ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷⴻⴳ ⵟⵟⵔⴰⴷⴰⵜ ⵏ 1967 ⴷ 1973, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵜⴻⴱⵖⴻⵙⵜ (ⵙⵙⴰⴵⴰⵄⴰ) ⵏ ⵢⵉⵙⴻⵔⴷⴰⵙⴻⵏ ⵉⴷⵣⴰⵢⵔⵉⵢⴻⵏ.

ⴷⴻⴳ ⵓⵙⴰⵔⴰⴳ-ⴰ, ⵔⵔⴰⵏ-ⴰⵙ ⴷⴰⵖ ⵜⴰⵊⵎⵉⵍⵜ ⵉ ⵓⵎⵊⴰⵀⴻⴷ ⴱⵔⴰⵀⵉⵎ ⴷⵊⵧⵓⴰⴷⵉ ⵖⴻⴼ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵟⵟⵔⴰⴷ ⵏ 1967.