ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵉⵙⴻⵔⴷⴰⵙⵉⵢⴻⵏ ⵏ 2015: ⵍⴻⵣⵣⴰⵢⴻⵔ ⵜⴻⵔⵏⴰ ⴼⵕⴰⵏⵙⴰ ⴷⴻⴳ ⵜⵛⵉⵔⵜ ⵏ ⵓⴹⴰⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵖⵍⴰⵎⵜ ⵜⴰⵙⴻⵔⴷⴰⵙⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴻⵔⵏⴰ ⵜⴰⵎⵜⵉⵍⵜ-ⵏⵏⴻⵙ ⵜⴰⴼⵕⴻⵏⵙⵉⵙⵜ ⵙ 1 ⵖⴻⵔ 0 ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢ ⵓⵔⴰⵔⴻⵏⵜ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵎⵓⵏⴳⵢⴻⵧⵏⴳ ⴷⴻⴳ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ ⵜⵓⵣⵣⵢⴰ ⵜⴰⵎⴻⵣⵡⴰⵔⵓⵜ ⵏ ⵜⴻⴳⵔⴰⵡⵜ ⴰ. ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵜⴻⵥⵔⵉⴳⵜ (ⵟⵟⴰⴱⵄⴰ) ⵜⵉⵙ 6 ⵏ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵉⵙⴻⵔⴷⴰⵙⵉⵢⴻⵏ ⵏ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵡⴰⴷⴷⴰⵍ ⴰⵙⴻⵔⴷⴰⵙⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵍⴱⴰⵢⴰⵏ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵉⵙⵡⵉ ⴰⴷⵣⴰⵢⵔⵉ ⵢⴻⵙⵙⴰⴷⴻⴼ-ⵉⵜ (ⵢⴻⵙⵙⴻⴽⵛⴻⵎ-ⵉⵜ) ⵎⵧⵀⴰⵎⴻⴷ-ⴰⵎⵉⵏⴻ ⴰⴱⵉⴷ ⴷⴻⴳ ⵜⴻⴷⵇⵉⵇⵜ ⵜⵉⵙ 64, ⵢⴻⵔⵏⴰ ⴷ ⵡⴰ ⴰⵢ ⴷ ⵔⵔⴱⴻⵃ ⵡⵉⵙ 3 ⵏ ⵍⴻⵣⵣⴰⵢⴻⵔ, ⴷⴻⴼⴼⵉⵔ ⵎⴰ ⵜⴻⵔⵏⴰ ⵢⴰⴳⵉ ⵇⴰⵟⴰⵔ (2 ⵖⴻⵔ 1) ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ (5 ⵖⴻⵔ 0).

ⴷⴻⴳ ⵡⴰⵙⵙ ⵡⵉⵙ 4 ⵏ ⵡⵓⵔⴰⵔ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⴻⵅⵎⵉⵙ 8 ⵜⵓⴱⴻⵕ, ⵍⴻⵣⵣⴰⵢⴻⵔ (ⵢⴻⵍⵍⴰⵏ ⵢⴰⴳⵉ ⴷ ⵜⴰⵍⵖⵓⵖⵜ ⵏ ⵓⵎⴰⴹⴰⵍ ⵏ 2011) ⴰⴷ ⵜⵓⵔⴰⵔ ⵎⴳⴰⵍ ⴽⵓⵔⵢⴰ ⵏ ⵓⵏⵥⵓⵍ, ⵜⴰⵎⵓⵔⵜ ⴰⵢⴷⴻⴳ ⵍⴰ ⴷ-ⵜⵜⵉⵍⵉⵏ ⵡⵓⵔⴰⵔⴻⵏ-ⴰ ⵉⵙⴻⵔⴷⴰⵙⵉⵢⴻⵏ.