ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵍⴰⵛ ⵡⵉⵏ ⴰⵢ ⴷ-ⵢⴻⵛⵛⴻⵜⴽⴰⵏ ⵖⴻⴼ ⵔⴻⴱⵔⴰⴱ (ⵜⴰⵎⵙⵓⵍⵜⴰ)
ⵍⴻⵖⵡⴰⵟ - ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵖⵡⴰⵟ ⴷ ⴰⴽⴽⴻⵏ « ⵓⵍⴰⵛ ⴽⵔⴰ ⵏ ⵛⵛⵕⴻⵄ ⵢⴻⵍⵍⴰⵏ ⵎⴳⴰⵍ ⵓⵔⴳⴰⵣ ⵏ ⵢⵉⵡⴻⵥⵍⴰ ⵉⵙⵙⴰⴷ ⵔⴻⴱⵔⴰⴱ ».
« ⵓⵍⴰⵛ ⴽⵔⴰ ⵏ ⵛⵛⵕⴻⵄ ⵢⴻⵍⵍⴰⵏ ⵎⴳⴰⵍ ⵓⵔⴳⴰⵣ ⵏ ⵢⵉⵡⴻⵥⵍⴰ (ⵕⴰⴵⵓⵍ ⴰⵍ-ⴰⵄⵎⴰⵍ) ⵉⵙⵙⴰⴷ ⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵎⵀⴰⵍ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵢⵉⵏⴻⵖⵎⴰⵙⴻⵏ ⴷⴻⴳ ⵢⵉⵊⵉⴼⴻⵕ ⵏ ⴱⴻⴷⴷⵓ ⵏ ⵡⵓⵙⵙⴰⵏ ⵏ ⵓⵅⴻⴱⴱⴻⵔ ⵖⴻⴼ ⵢⵉⵅⴻⴷⴷⵉⵎⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵡⵉⵍⴰⵢⵜ ⵏ ⵍⴻⵖⵡⴰⵟ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷ ⴰⴽⴽⴻⵏ « ⵢⴻⵙⵄⴰ ⴰⵣⵔⴻⴼ, ⴰⵎ ⵡⴰⴽⴽ ⵉⵖⴻⵔⵎⴰⵏⴻⵏ (ⵍⵎⵓⵡⴰⵟⵉⵏⵉⵏ) ⴰⴷ ⵢⴻⴳ ⴰⵢⴻⵏ ⴰⵢ ⴰⵙ-ⵢⴻⵀⵡⴰⵏ ⵙ ⵜⵍⴻⵍⵍⵉ », ⵢⴻⵔⵏⴰ ⴰⵢⴻⵏ ⴰⵢ ⴷ-ⵏⵏⴰⵏ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⵓⵔ ⵉⵚⴻⵃⵃⴰ ⴰⵔⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ (ⵍⵉⵜⵜⵉⵚⴰⵍ), ⵀⴰⵎⵉⴷ ⴳⵔⵉⵏⴻ, ⵢⴻⵏⴽⴻⵕ, ⴰⵙⵙ ⵏ ⵍⴰⵕⴻⴱⵄⴰ, ⴰⵙⵙⵓⴼⴼⴻⵖ ⵏ ⵍⴻⵡⵚⴰⵢⴰ ⵏ ⵓⵃⴱⴰⵙ ⵏ ⵉⵙⵙⴰⴷ ⵔⴻⴱⵔⴰⴱ, ⵢⴻⵔⵏⴰ ⵢⴻⵏⵛⴻⴷ-ⴷ ⴰⵏⴻⴳⴳⴰⵔⵓ-ⴰ ⴰⴽⴽⴻⵏ ⴰⴷ ⴷ-ⵢⴰⵙ ⵖⴻⵔ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵢⴻⴼⴽ « ⵜⵜⴱⵓⵜ » ⵖⴻⴼ ⵡⴰⵢⴻⵏ ⴰⵢ ⴷ-ⵢⴻⵏⵏⴰ.
« ⵖⴻⴼ ⵡⴰⴽⴽⴻⵏ ⵥⵔⵉⵖ, ⵓⵍⴰ ⴷ ⵢⵉⵡⴻⵏ ⵓⵔ ⴷ-ⵉⵛⵛⴻⵜⴽⴰ ⵢⴻⵔⵏⴰ ⵥⵔⵉⵖ ⴷ ⴰⴽⴽⴻⵏ ⵓⵍⴰⵛ ⴰⴽⴽ ⴽⵔⴰ ⵏ ⵍⴻⵡⵚⴰⵢⴰ ⵏ ⵓⵃⴱⴰⵙ ⴰⵢ ⴷ-ⵢⴻⴼⴼⵖⴻⵏ ⵖⴻⴼ ⵓⵔⴳⴰⵣ ⵏ ⵢⵉⵡⴻⵥⵍⴰ ⵉⵙⵙⴰⴷ ⵔⴻⴱⵔⴰⴱ. ⴰⵢⴰ ⵏⵏⴰⵏ-ⵉⵢⵉ-ⵜ-ⵉⴷ ⵢⵉⵎⴹⵓⴱⴱⵔⴻⵏ ⵓⵏⵏⵉⴳⴻⵏ ⴰⴽⴽ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵓⵏⵎⴰⴳⴻⵔ (ⵎⵓⵏⵜⴰⴷⴰ) ⵏ ⵓⵖⵎⵉⵙ ⵏ ⴻⵍ ⵎⵧⵓⴷⵊⴰⵀⵉⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⴰⵏⴻⵖⵍⴰⴼ ⴰⵢ ⵉⵏⴻⴽⵕⴻⵏ ⴰⵢⴰ ⵙ ⵓⴱⵔⵉⴷ ⵓⵏⵚⵉⴱ, ⴰⵙⵙ ⵏ ⵜⵜⵍⴰⵜⴰ, ⵢⴻⵜⵜⵓⵏⴻⴼⴽ-ⴰⵙ « ⵜⵜⴻⵙⵔⵉⵃ » ⵙⵖⵓⵔ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⴽⴽⴻⵏ ⴰⴷ ⵢⴻⴳ ⴰⵢⴰ.
